Hosea 7:16 - Baibuli Ekibono kya Katonda 2014

¹⁶ Banvaaku baasinza omusambwa Baali, bali ng'oti kalaso akagodobanu akateesigika kuteeba. Abakulembeze baibwe balifiira mu ntalo olw'okwogera nga beesuuta. Era balisekererwa mu nsi Misiri.”

Hosea 7:16 ပူးပေါင်းရင်းမြစ်များ

Zabbuli 12:3

Wo Musengwa Katonda, sirisa abo abasuutiriza banaibwe, n'abo abeesaaka ebiziramu

Zabbuli 12:4

nga bakoba bati: “Ife mu kwogera mwe tufunira bye twenda. Ife ab'eminwa gyaife naani atukobaku?”

Zabbuli 12:5

Aye Musengwa Katonda akoba ati: “Leka ndidhe, kuba abakozi b'ebibi badaazadaaza abaavu era baakiriga abaghafu. Ndidha kukuuma abaavu n'abaghafu abo, kuba ekyo kye beegomba.”

Zabbuli 17:10

Abantu abo bazira kusaasira mu myoyo gyaibwe naire, era mu kanwa baidhwire kwesaakiriza.

Zabbuli 52:2

olumala ng'otegeka kuzikiriza. Olulimi lukuli ng'oti kamwano akoogi, omuguya iwe.

Zabbuli 57:4

Buti ndi ghagati mu mpologoma edhikankamira abantu, edhiri n'amaino ng'oti mafumo na bulaso, edhiri n'enimi endhogi ng'oti mpiima.

Zabbuli 73:9

Boogera ebivuma Katonda mwene igulu n'eminwa gyaibwe gyene, baakozesa enimi dhaibwe okutontogola ab'oku nsi.

Zabbuli 78:37

Baali nga tibasobola kugumira ku Katonda, era nga tibatuukiriza ebyo ebiri mu ndagaano ye.

Zabbuli 78:57

baamughemukira ng'oti ni badhaadha baibwe bwe baalekera okuba abeesigwa nga tibeesigika ng'oti n'akalaso akeghetamu.

Isaia 3:8

Bwenebwene ekibuga Yerusalemu bakizikiriiza n'ensi Buyudaaya baagireetera okugwa; kuba byonabyona abantu bye bakola ni bye boogera, bivumirira Musengwa Katonda, byanhooma n'ekitiisa kye.

Yeremia 18:18

Agho abantu beeteesa bati: “Mwidhe tubeeku ni kye tukola Yeremia ono. Ni bwetunaamutoolagho, tituja kubula bakabona ba kutugalagiranga, era tituja kubula bagezi ba kwebuuzangaku, waire okubulwa abalanzi abatukobera obukwenda bwa Katonda. Ka tumuteeku emisango, era tulekere okuwulirisanga by'akoba.”

Yeremia 3:10

Era ng'ebyo byonabyona bimaze okubaagho, Abayudaaya abo abataali beesigwa era baganda ba Abaisiraeli, baaloba okukyuka okwira ye ndi n'omwoyo gwaibwe gwonagwona. Aye beefuula bwefuule okuba ng'abakyuse. Nze Musengwa Katonda, ninze nkobye.”

Yeremia 42:18

“Musengwa Katonda Afuga Amagye, Katonda wa Isiraeli, akoba ati, ‘Nga bwe namalira obusungu bwange n'ekiruyi kyange ku bantu b'omu Yerusalemu, era ntyo bwe ndibimalira ni ku imwe, bwe musalagho okuja e Misiri. Mulifuuka ekintu ekitiisa einho, abantu baaboogerangaku nga babayeeyereza bwe babavuma. Era balikozesanga eriina lyaimwe ng'ekikolimo. Era timuliira kabiri mu Buyudaaya naire.’”

Ezekieli 23:32

Musengwa Katonda akoba ati: “Olinhwa ku kikopo kya muganda wo eky'ekibonerezo, ekireeyi era ekinene. Balikusekerera era bakukiina; kuba ekikopo ekyo kiidhuvu.

Ezekieli 36:20

Aye mu buli ighanga mwe baajanga, nga boonoona eriina lyange eitukuvu, abantu baatuuka n'okuboogeraku bati, ‘Bano n'abantu ba Musengwa Katonda, aye ate baava mu nsi ye!’

Danieli 7:25

Alyogera bubi ku oyo Ali Ghaigulu Yeene, era yaadaazadaaza abatukuvu b'oyo Ali Ghaigulu Yeene. Aligezaaku okukyusa ebibinuko ebyabalagirwa n'amateeka agaabagheebwa. Era abantu ba Katonda abo baliba mu buyinza bwe okumala emyaka esatu n'ekitundu.

Hosea 11:5

Baliirayo e Misiri, kyabazinga w'e Assiria yaabafuga, kuba baaloba okwira ye nze.

Hosea 11:7

Ng'abantu bange abo bwe bamaliriire okunvaaku, balirira olw'ekikoligo ekibaliku, aye nga ghazira akibatoolaku.

Hosea 6:4

Aye Musengwa Katonda akoba ati: Imwe Isiraeli ni Buyudaaya, mbakolere ki? Engeri ye mungonzaamu ya kiweeragho, ng'oti lufu lwa ku nkyo bwe luwaagho amangu, era ng'oti musulo bwegukala amangu.

Hosea 7:13

Bakagwireku olw'okudaaliima ni banvaaku! Ka bazikirire olw'okundheemera! Nandibaire mbanunula, aye bandhogeraku eby'obuguya.

Hosea 9:3

Imwe Abaisiraeli, timulisigala mu nsi yange nze Musengwa Katonda. Aye muliirayo kabiri mu nsi Misiri, mwaja ni mu nsi Assiria, ye muliriiranga emere etali nongoofu.

Hosea 9:4

Nga muli mu nsi edho edh'abamaghanga agandi, timulisobola kugheereza Musengwa Katonda mwenge gwa mizabbibu ng'ekigheebwayo ekifukibwa, waire okumusiimyanga n'emisengo gyaimwe. Emere yaimwe erireeteranga kiisi bantu abaligiryangaku okufuuka abatali balongoofu, ng'oti n'abaliiriire emere aghali omufu. Emere eyo baligiryanga lwa kubamalaku ndhala kyonka. Tibaligitwalanga kugighaayo mu isinzizo lya Musengwa Katonda.

Hosea 9:6

Okuzikirira bwe kulituuka ni kubasansaania, Abamisiri balibasoloza imwe baabaziika e Menfisi. Aghaali eby'obukombe byaimwe ebya feeza ghalimeragho bisaka, n'aghaali weema dhaimwe ghaameregho amawa.

Malaki 3:13

Musengwa Katonda Akoba ati: “Mwandhogeraku bubi inho. Aye ate mwamala mwabuuza muti, ‘Twakwogeraku tutya obubi?’

Malaki 3:14

Mwakoba muti, ‘Kuba kudaagira bwereere okugheereza Katonda. Kigasa ki okugondera Musengwa Katonda oyo Afuga Amagye, n'okweyoleka y'ali nti tuli mu nnaku?

Matayo 12:36

“Aye ka mbakobere: ku lunaku olw'okusaliraku omusango abantu balyewozaaku ebyakalebule bye boogera.

Luka 8:13

Ate eyagwa ku lubaale, n'abantu abawulira ekibono kya Katonda ni bakisangaalira n'eisanhu aye nga bazira mizi baikirizaaku kaseera buseera, aye akaseera ak'okulebwa bwe katuuka nga babivaaku.

Yakobo 3:5

N'olulimi bwe luli: kantu katono ku mubiri aye keesuutira mu bintu kamaala. Ogubira ni bwe gwaga gha, kaba kaliro katono kaagwokya.

2 Petero 2:8

Omusaadha oyo, bye yabonanga ni bye yawuliranga buli kaakyeire ng'ali mu bantu abo, nga bimugemya enaku.

Okwolekebwa 13:5

Ekisolo kyagheebwa omunwa, kyesaakasaaka era kyavuma Katonda era kyaikirizibwa okuba n'obuyinza okumala emyezi amakumi ana n'ebiri (42).