Hosea 7:13 - Baibuli Ekibono kya Katonda 2014

¹³ Bakagwireku olw'okudaaliima ni banvaaku! Ka bazikirire olw'okundheemera! Nandibaire mbanunula, aye bandhogeraku eby'obuguya.

Hosea 7:13 ပူးပေါင်းရင်းမြစ်များ

Nehemia 1:10

“Wo Musengwa Katonda, abo n'abantu bo abakugheereza be wanunula n'obuyinza bwo obungi era n'amaani go agataloodheka.

Yobu 22:17

Abantu abo n'abaakoba Katonda bati, ‘Tuveeku.’ Era bati, ‘Oyo Aghanga Ebintu Byonabyona asobola kutukola ki?’

Zabbuli 106:10

Kale yaabatoola mu ngalo dh'abazigu baibwe; yaabawonia abo ababakiriga.

Isaia 30:1

Musengwa Katonda akoba ati: “Bakagwireku abakulembeze abo abadheemu, abajiira ku ntegeka nze dhe ntakoze, era ni bakola endagaano edh'enkolagana n'amaghanga agandi; kuba agho baba bongera kibi ku kibi.

Isaia 30:2

Baasalagho baaja e Misiri okunoonia obuyambi, nga tibamaze kuneebuuzaaku. Beesiga inho amaani ag'ensi Misiri, baaja ye kyabazinga waayo, baamusaba abakuume!

Isaia 31:1

Bakagwireku abo abaja e Misiri okufunayo obuyambi, abeesiga embalaasi dhaayo, ni beesiga n'abavuzi baadho olw'okuba ab'amaani, era ni beesiga n'ebigaali byayo eby'omu lutalo olw'okuba ebingi einho. Aye ni baaloba okwesiga Musengwa Katonda Omutukuvu wa Isiraeli, waire okumwebuuzaaku abayambe!

Isaia 41:14

Musengwa Katonda Omununuzi wo era Omutukuvu wo, iwe Isiraeli ninze nkoba ati: Otatya, waire ng'oli mugoogombe era omunafu ng'oti lugereegere. Nze ndidha kukuyamba.

Isaia 43:1

Aye mpegaano iwe Isiraeli, Musengwa Katonda eyakutonda akoba ati: “Otatya, kuba ndidha kukununula. Era namala irala okukweta eriina lyo, buti oli wange.

Isaia 59:13

Twakudheemera twakuvaaku iwe Musengwa Katonda, twaloba kukunonereza iwe Katonda waife. Twatuntuza banaife era twakudheemera. Bye tulowooza bikyamu, ni bye twogera bya buguya.

Isaia 63:8

Musengwa Katonda yakoba ati: “Bwenebwene bano bantu bange, abataja kunguyaguya.” Kale ni yaaba Omulokozi waibwe.

Yeremia 14:10

Abantu abo Musengwa Katonda abairamu ati: “Abantu bange benda inho okunvaaku, baaloba kwefuga naire. Zeena kyenva ni ntabasiima naire, era ndidha kwegemerera ensobi dhaibwe, mbabonereze olw'ebibi byaibwe.”

Yeremia 42:20

munaaba mukoze ekisobyo ekija okubaitisa kuba mwantuma okubasabira ye Musengwa Katonda waife, nga mukoba muti, ‘Tusabire ye Musengwa Katonda waife, era buli ky'anairamu okitukobere ife. Era twidha kukikola.’

Yeremia 51:9

Abagwira abaabanga mu Babilonia baakoba bati, ‘Twagezaaku okuyamba ensi Babilonia eno, aye nga tikikaasoboka naire. Kale ife ka tugiveemu twireyo ewaife ye twava, kuba Katonda abonereiza inho Babilonia eno, yaagisaanizaagho irala.’ ”

Yeremia 7:15

Era imwe ndidha kubabinga munve mu maiso, nga bwenabinga baganda baimwe abasimuka mu Efuraimu boonaboona. Nze Musengwa Katonda, ninze nkobye.”

Okulira 5:16

Ghazira akaatutaamu kitiisa. Tukagwireku, kuba twayonoona.

Ezekieli 16:23

Musengwa Katonda akukoba iwe Yerusalemu ati: “Okagwireku, era okagwireku inho! Bwe wamala okukola ebibi ebyo byonabyona,

Ezekieli 18:2

“Mutera okukozesa endhogera ekoba eti, ‘Abazaire baalya emizabbibu egikaagha, aye ate abaana n'abaagemwa engigina ku maino.’ Muba mutegeeza ki?

Ezekieli 18:25

“Aye imwe mukoba muti, ‘Musengwa Katonda mu nkola ye tasala nsonga mu butuufu.’ Aye muwulire imwe ab'eighanga Isiraeli: Obwo bwenebwene nze mu nkola yange tisala nsonga mu butuufu? Nti katyo niimwe mutasala nsonga mu butuufu mu nkola dhaimwe!

Ezekieli 34:6

Entaama dhange edho dhaaja nga dhitambulatambula eyo dhityo, ku nsozi enene ni ku busozi obutono. Dhaasansaanira mu nsi yoonayoona aghazira adhinonerezaaku oba adhinooniaku.

Hosea 11:12

Musengwa Katonda akoba ati: “Abaisiraeli bandidhwizaaku obuguya bwaibwe okuneezunguluza. Aye ab'omu Buyudaaya, nze Katonda mbaidhi, era beesigwa eri Nze Omutukuvu.”

Hosea 11:2

Aye Abaisiraeli abo ye nakoma okubeeta, boona ye baakoma okunvaaku. Baaghangayo emisengo eri omusambwa Baali; baaniokezanga ebisinzibwa ebitali Katonda obubbaani.

Hosea 5:7

Tibabaire beesigwa naire ye Musengwa Katonda era bazaire abaana abatali babe. Aye tibaabite mu Kibinuko eky'Okuboneka kw'Omwezi, baja kuzikirira beene ghalala n'enimiro dhaibwe.

Hosea 7:1

“Buli lwe ngezaaku okuwonia abantu bange Abaisiraeli, nga nhenda ebintu biiremu okubajiira obukalamu, neeyongera bwa kubona obwonoonefu bwaibwe n'ebikolwa ebibi bye bakola: Baguyaguya abantu, baamenha endhu dh'abantu baibamu, era baanhagulula abantu ku ngira.

Hosea 7:3

Musengwa Katonda akoba ati: “Abantu beefuula okuba ng'abasanhusa kyabazinga, aye nga baguya buguye, era beefuula okuba ng'abasanhusa abafuzi baibwe, aye nga balimba bulimbe.

Hosea 9:12

Aye ni bwe balizaala abaana, era ndibabatoolaku boonaboona ghaaloba kusigalagho waire omulala ati omulamu. Lwe ndibavaamu ni mbalekulira agho, baliba bakagwireku!”

Hosea 9:17

Katonda wange alirekulira agho abantu be, kuba baaloba okuwulira by'abakoba. Balitambulatambula eyo batyo mu maghanga agandi.

Yona 1:10

Abasaadha baatya inho era baamukoba bati: “Ekyaga agho kikoleka?” Kuba yali amaze okubakobera ati ali kulumuka ku Musengwa Katonda.

Yona 1:3

Aye Yona yaalumuka okuva aghali Musengwa Katonda aje e Tarushishi. Agho yaaja e Yoppa, ye yayagaana eryato eryali liri kutegekebwa okuja e Tarushishi. Yaasasula empiiya edh'olugendo oluja e Tarushishi, yaaniina mu lyato aje nabo okutuuka ye baali bali kuja, alumuke okuva aghali Musengwa Katonda.

Mika 6:12

Abakombe mu imwe batuntuza abaavu era mwenamwena mwidhwire buguya.

Mika 6:4

Kuba nabatoola e Misiri, naabanunula okuva mu bwiru era naabagha Musa, ni Aaroni, ni Miriamu, okubakulembera.

Matayo 23:37

“Yerusalemu, Yerusalemu iwe aita abalanzi, n'okuba abatumiibwa y'oli amabaale! Emikuzi emeka gye nayenda okusoloza abaana bo aghalala ng'enkoko bw'esoloza obwana bwayo mu maghagha, aye nga tonganha?

Amateeka Agokubiri 15:15

Mwidhukire nga mwali bairu mu Misiri, Musengwa Katonda waimwe yaabanunula. Kyenva ndi kubagha ekiragiro ekyo mpegaano.

1 Yoanne 1:10

Bwe tukoba tuti titukolangaku kibi tuba tumufiire muguya era n'ekibono kye ti kitubaamu.

Okwolekebwa 8:13

Agho naabona era naawulira enkookooma, yaaguluka nga yeeruupiise ghaigulu ng'eyasiikana eti: “Mukagwireku! Mukagwireku! Mukagwireku imwe abali ku nsi, amagwala agandi asatu bwe ganaavuga bamalaika abasatu ge baja okufuuwa.”