Hosea 6:9 - Baibuli Ekibono kya Katonda 2014

⁹ Ng'ekikuukuulu ky'abanhazi bwe kyeteega omuntu, ni bakabona boona batyo beeyimba, baatemula abantu ku ngira eja mu kifo ekitukuvu e Shekemu. Bwenebwene bakola ebibi ebyo nga bagendereire.

Hosea 6:9 ပူးပေါင်းရင်းမြစ်များ

Amainhama 12:6

Aburamu yaaja ng'atambula mu nsi eyo, yaatuuka ku muti gwa More mu kifo ekitukuvu e Shekemu. Mu biseera ebyo Abakanaani nga n'abali mu nsi eyo.

1 Bakyabazinga 12:25

Agho Yeroboamu yaazimba ekibuga Shekemu mu kiketezo kya Efuraimu eky'oku nsozi, yaaba omwo. Era yaava agho yaazimba ekibuga Penueli.

Ezera 8:31

Agho twava ku mwiga Ahava ku lunaku olweikumi n'eibiri olw'omwezi ogusooka, twaja e Yerusalemu. Katonda waife yaaba ghalala n'ife, yaatuwonia okugwa mu ngalo edh'abazigu baife abaatweteeganga nga tuli mu ngira.

Yeremia 11:9

Musengwa Katonda era yankoba ati: “Abantu b'omu Buyudaaya n'ab'omu Yerusalemu bali kutegeka okundheemera.

Ezekieli 22:25

Abakulembeze baamu bali ng'oti mpologoma ewologoma, n'ekankanula ky'egemye. Baita abantu, baanhaga empiiya n'eby'obukombe, era baaleka abakazi kamaala nga bafuuse banamwandu.

Ezekieli 22:27

Abakulembeze baamu bali ng'oti misege egikankanula kye gigemye. Baita abantu baabazikiriza, basobole okutwala ebintu byaibwe, bakombaghale.

Ezekieli 22:9

Mu iwe mulimu abantu abaghaayiriza banaibwe olw'okwenda okubaitisa, mwabaamu abalya ku misengo gye bagheerayo mu masabo ku nsozi, mwabaamu n'abeesanhusa n'okukola obwenzi.

Ezekieli 23:27

Agho ndirekeza obwenzi n'obwamalaaya bye watoola mu nsi Misiri. Era toliiramu kabiri kulingirira bifaananie bya misambwa gya Bamisiri, waire okwiramu okulowooza ku nsi Misiri.”

Hosea 2:10

Ndimutoolamu ebivaalo yaaba madu mu maiso g'abagonzi be, ghaabulagho amutoola mu buyinza bwange.

Hosea 4:2

Balayira bye bataatuukirize, balimba, batemula, baiba, era baakola obwenzi. Okwiza emisango kweyongera bweyongere, era obutemo bubaagho buli kiseera.

Hosea 5:1

“Imwe bakabona muwulire kino! Imwe Abaisiraeli mufeeyo ku kye nkoba! Imwe ab'endhu ya kyabazinga mutege kutu! Omusango baligubasalira; kuba e Mizipa mwafuukira abantu ekizibu ng'oti mutego, e Tabori mweraliikiriza abantu ng'oti lutuula olutegeibwa,

Hosea 5:2

era e Shittimu mwatiisa abantu ng'oti kiina ekireeyi. Aye ndibabonereza imwe mwenamwena.

Hosea 7:1

“Buli lwe ngezaaku okuwonia abantu bange Abaisiraeli, nga nhenda ebintu biiremu okubajiira obukalamu, neeyongera bwa kubona obwonoonefu bwaibwe n'ebikolwa ebibi bye bakola: Baguyaguya abantu, baamenha endhu dh'abantu baibamu, era baanhagulula abantu ku ngira.

Mika 3:9

Imwe abakulu ab'ebikunsu mu Isiraeli muwulire bino: mukyagha okukola ebituufu, era ebikolwa ebyandibaire ebirungi mwabifuulania byaba bibi.

Mika 7:2

Mu Isiraeli muzira muntu mwesimbu akaasigairemu. Timukaali atya Katonda! Buli muntu aguniriire kakisa ka kutemula, era olw'ekyo buli muntu atega mwine olutuula.

Zefania 3:3

Abakungu mu kibuga omwo bali oti mpologoma edhiwologoma. Abalamuzi baamu baaba ng'oti n'emisege egiyiiga eigulo nga giri ndhala inho, ni gitalekaagho kagumba kusigala kubonebwaku nga bukyeire.

Mariko 14:1

Agho, yali ng'ekaabulayo enaku ibiri okutuuka ku Kibinuko eky'Okubitizibwa n'Ekibinuko eky'Emigaati Egitazimbulukusiibwa, Bakabona Abakulu n'Abanamateeka baanoonia engeri ey'okumugema mu nkukutu bamwite.

Yoanne 11:47

Agho Bakabona Abakulu n'Abafarisaayo, beesoloza mu lwekobaano era beebuuzagania bati: “Tukole tutya? Kuba omusaadha ono ali kukola ebyewuunhio kamaala.

Ebikolwa by'Abatume 4:24

Abaikiriza boonaboona olwabiwulira, baasaba Katonda nga bakoba bati: “Musengwa, niiwe eyakola eigulu, n'ensi, n'enhandha, ni byonabyona ebirimu.