Hosea 6:7 - Baibuli Ekibono kya Katonda 2014

⁷ “Aye boona okufaananaku ni Adamu baamenha endagaano ye nakola nabo, baaloba kuba beesigwa ye ndi.

Hosea 6:7 ပူးပေါင်းရင်းမြစ်များ

Amainhama 3:11

Katonda yaamubuuza ati: “Naani akukobeire ati oli madu? Oliire ku kibala eky'oku muti gwe nakukoba obutalyangaku?”

Amainhama 3:6

Omukazi yaabona ng'omuti gusanhusa amaiso era nga mulungi okulyaku, era yaagwegomba olw'amagezi ge gwali guja okubaleetera. Agho yaanoga ku bibala byagwo yaalya, era yaagha ni ku musaadha we, yeena yaalya.

2 Bakyabazinga 17:15

Baaloba kugemanga biragiro bye, waire okukuuma endagaano ye yakola ni badhaadha baibwe, era baaloba kufangayo ku kulabula, kwe yabalabulangamu. Baasinzanga ebisinzibwa ebitali Katonda ebitagasa, olwo ni beene baafuuka ebitagasa, era baajiiranga ku mpisa edh'abamaghanga agandi agabeezungulwire. Ate nga Musengwa Katonda yabalobera okwebisanga ng'oti n'abamaghanga ago.

Yobu 31:33

Tigisangaku ku bantu bibi byange, ng'oti n'abantu bwe bakweka ebintu mu ngoye dhe bavaire.

Isaia 24:16

Tuliwulira enhembo okuva ensi y'ekoma nga dhisaaka ekitiisa ky'oyo Omutukuvu. Aye nze nkoba nti nga nkagwireku! Ndi kuseenena buseenene mwoyo era naagoogomba naawaagho. Abantu ab'enkwe baba bwa mukusalira banaibwe nkwe. Era enkwe dhaibwe dheeyongera bweyongere okuba embi.

Isaia 24:5

Abantu boonoine ensi nga bava ku mateeka ga Musengwa Katonda, baadheemera ebiragiro bye, era baamenha endagaano ye etawaagho.

Isaia 48:8

Okuva eira n'eira timubiwulirangaku na matu gaimwe, waire okubimanhaku, kuba namanha nga mwefuulafuula, era ng'okuva lwe mwazaalibwa muli badheemu.

Yeremia 3:7

Naalowooza nti bwe balimala okukola ebyo byonabyona, baliira ye ndi. Aye tibaamala ni baira. Ni baganda baibwe ab'omu kiketezo ky'e Buyudaaya, boona abataali beesigwa, baabibona ebyo byonabyona.

Yeremia 31:32

Teriba ng'oti n'ere ye nakola ni badhaadha baibwe, lwe nabagema ku mukono ni mbatoola e Misiri kuba waire nga nze nali Musengwa Katonda waibwe, aye era tibaakuuma ndagaano eyo

Yeremia 34:18

Abakungu b'omu Buyudaaya n'ab'omu Yerusalemu, n'abagheereza b'omu kisaagaati kya kyabazinga, n'abantu abandi boonaboona abaakola ninze endagaano nga babita ghagati gh'emamba ey'ente ento enume ye baasalamu aghabiri, aye ni bamala batatuukiriza ndagaano eyo, zeena ndibasalamu nga bwe baasala mu mamba ey'ente eyo.

Yeremia 5:11

Abantu ab'omu Isiraeli n'ab'omu Buyudaaya, tibabaire beesigwa ye ndi naire. Nze Musengwa Katonda, ninze nkobye.”

Yeremia 9:6

Baja bwa mu maiso na kukiriga bandi, na kwogera bya buguya. era baaloba okuumanha. Musengwa Katonda atyo bw'akoba.

Hosea 5:7

Tibabaire beesigwa naire ye Musengwa Katonda era bazaire abaana abatali babe. Aye tibaabite mu Kibinuko eky'Okuboneka kw'Omwezi, baja kuzikirira beene ghalala n'enimiro dhaibwe.

Hosea 8:1

Musengwa Katonda akoba ati: “Mufuughe amagwala agalaalika olutalo! Abazigu bali kwidha okugwa ku nsi yange Isiraeli ng'oti nsega; kuba abantu bange Abaisiraeli baamenha endagaano ye nakola nabo, baadheemera amateeka gange.

Ab'e Roma 5:14

Aye okuviira irala ku Adamu okutuukiza irala ku Musa, okufa kwafuga abantu boonaboona ng'omwo mw'otwaliire abataayonoona ng'oti ni Adamu eyadheemera Katonda. Adamu yali afaananaku n'oyo eyali aja okwidha.

Amateeka Agokubiri 31:20

kuba mpegaano ndi kuja kubaingiza mu nsi engimu era erimu ebirungi kamaala ye nasuubiza badhaadha baibwe. Aye bwe balimala okulya ni baiguta era ni bageedha, balinvaaku baira ku misambwa baagisinza, nze bankyagha era baamenha endagaano yange.

Abaheburayi 8:9

Teriba oti n'endagaano ye nakola ni badhaadha baibwe, ku lunaku lwe nabagema ku mukono okubatoola mu nsi Misiri; kuba tibaakalangukira ku ndagaano ye nakola nabo. Zeena kyenava ni ndekayo okubafaaku.