Hosea 6:5 - Baibuli Ekibono kya Katonda 2014

⁵ Kyenva ni ntuma abalanzi ye muli, ni babaleetera obukwenda bwange obw'okubazikiriza era obubalumiriza imwe omusango. Kye mbendaku kibonekeragho ng'oti butangaavu.

Hosea 6:5 ပူးပေါင်းရင်းမြစ်များ

Amainhama 18:25

Ekyo tikikoleka! Okwitira abantu abatuufu ghalala n'aboonooni olwo abatuufu ni baba nga baagayaga n'aboonooni! Ekyo tikikoleka! Omulamuzi ow'ensi yoonayoona ali n'okusala omusango mu butuufu.”

1 Bakyabazinga 14:6

Aye Ahiya yaawulira empindo dh'ebigere bye ng'atuuse ku mulyango okwingira. Yaakoba ati: “Muka Yeroboamu, ingira. Lwaki weefuula okuba omuntu owundi. Bye ntumiibwa okukukoba ti bikalamu naire.

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

1 Bakyabazinga 18:17

Ahabu bwe yabona Eliya, yaamukoba ati: “Bwenebwene obwo niiwe otabulatabula Isiraeli?”

1 Bakyabazinga 19:17

Kale omuntu yeenayeena anaawonanga okwitibwa Hazaeli, aidha kwitibwanga Yehu. Ate anaawonanga okwitibwa Yehu, aidha kwitibwanga Elisha.

2 Bakyabazinga 1:16

Eliya oyo bwe yatuuka ye kyabazinga, yaakoba kyabazinga ati: “Musengwa Katonda akoba ati, ‘Nga bwe watuma abakwenda okuja okwebuuza ku musambwa Baalizebubu ogw'Ekuroni, ng'oti se mu Isiraeli muziramu Katonda, kale ni toidha kuwona ove ku buliri okwo kw'oli, bwenebwene oidha kufa.’ ”

2 Ebyomubyanda 21:12

Agho omulanzi Eliya yaagheereza Yeroboamu embaluwa ng'ekoba eti: “Musengwa Katonda, Katonda wa dhaadha wo Daudi akoba ati, waloba okwebisanga obukalamu nga lata wo Yehoshafati bwe yakolanga, era nga dhaadha wo Asa kyabazinga wa Buyudaaya yeena bwe yakolanga.

Yobu 15:30

Era taja kuva mu nzikiiza. Aliba ng'oti n'ensaga dh'omuti edhibabwirwa omuliro, era nga n'ebimuli byagwo bitwaliibwa empewo.

Yobu 34:10

Kale muntegere kutu imwe abantu abategeevu. Tikisoboka waire akatono Katonda okukola ebibi; oyo Aghanga Ebintu Byonabyona okukola ebikyamu.

Zabbuli 119:120

Zeenazeena ndhugumira olw'okukutya; ensala yo ngitya inho.

Zabbuli 37:6

Aidha kwoleka nga bw'oziraku omusango, n'obutuufu bwo bumesunkane ng'endhuba ey'omu kasana ghagati.

Isaia 11:4

Aye aidha kusalanga emisango gy'abaavu mu butuufu, era akolerenga abaziraku bwogereso ebyo bye bagwaniire okukolerwa. Aliragira bulagire, abantu mu nsi baabonerezebwa, era ababi baitibwa.

Isaia 58:1

Musengwa Katonda era akoba ati: “Kaabuka era oyasiikane nga bw'osobola, obe ng'oti kuvuga kwa igwala. Okobere abantu bange okusobya kwaibwe; oyatulire ab'endhu ya Yakobo abo ebibi byaibwe.

Yeremia 1:10

Olwaleero luno, nkugemiisa amaghanga n'obwakyabazinga, oiwululengagho era omenhemenhenga, ozikirizenga era osaaniengagho ozimbenga era osimbenga.”

Yeremia 1:18

“Bona eno, olwaleero nkufiire ng'oti n'ekibuga ekyezungulwirwa ebimante ebigumu, oba ng'oti n'empango eyakolebwa mu kyuma ekigumu einho, oba ng'oti n'ekisenge ekyakolebwa mu kyuma eky'ekikomo olwanise bakyabazinga ba Buyudaaya, n'abakungu baayo, ni bakabona baayo, era n'abantu baayo boonaboona.

Yeremia 13:13

Olwo omale obakobe oti, nze Musengwa Katonda nja kutoola abantu b'omu nsi eno: bakyabazinga baidhukulu ba Daudi, ni bakabona, n'abalanzi, n'abantu boonaboona ab'omu Yerusalemu, mbaidhuze omwenge gw'emizabbibu ng'oti n'omuntu bw'aidhuza ekidoome, okutuusa nga boonaboona batamiire.

Yeremia 23:29

Obukwenda bwange buli oti muliro, era bwaba ng'oti n'enhundo ekonta amabaale ni gafuuka obumulumulu.

Yeremia 5:14

Kale ni, Musengwa Katonda Afuga Amagye akoba ati: “Bona eno, olw'okuba abantu abo boogeire batyo, ndidha kufuula ebibono byange by'oyogera bibe ng'oti muliro, ate abantu abo babe ng'oti nku. Olwo omuliro gubasenkeenhe ng'oti nku.

Ezekieli 11:4

Kale ni, iwe omuntu, langirira obavumirire.”

Ezekieli 3:9

Nkufiire obe mubbalangafu okusinga n'olubaale. Kale otatyanga badheemu abo waire okudhugumira olw'emmoga yaibwe eidhwire obukambwe.”

Ezekieli 32:18

“Iwe omuntu, wowoola amaziga olw'abantu kamaala ab'e Misiri, era obasindike mu nsi ey'abafu babe ghalala n'ab'ensi edhindi edh'amaani abaamala eira okwika eyo mu lwina.

Ezekieli 43:3

Okubonekerwa okwo kwali ng'oti ni kwe nabonekerwa Katonda oyo lwe yaidha okuzikiriza ekibuga Yerusalemu. Era ng'oti ni kwe nabonekerwa nga ndi ku mwiga Kebari. Agho naakuba amakiryaivu era naakutama n'ekyeni kyatuuka ku itaka.

Zefania 3:5

Aye Musengwa Katonda ali mu kibuga omwo, era akola bituufu byonka, takola kibi. Buli nkyo, aghazira kwosaamu, ayoleka ng'aziramu kwekubira. Aye abatenda kujiira ku mazima tibabaamu na nsoni, bongera kukola bibi.

Ebikolwa by'Abatume 7:31

Musa yeewuunhia kye yali abona, era yaaseeta okwekalirisa. Yaawulira Musengwa ng'akoba ati,

Ab'e Roma 2:5

Aye nga bw'oli n'omwoyo omukalangufu ogutenda kwenenia, weereeteire mwene omusango n'obukambwe ku lunaku Katonda lw'aliragiraku obusungu bwe, nga asala omusango aghazira kusaliriza.

Ab'Efeso 6:17

Muvaale obulokofu ng'enkuufiira ey'ekyuma, mugeme ekibono kya Katonda ng'empiima Mwoyo y'abagha.

Abaheburayi 4:12

Ekibono kya Katonda kiramu, kikola era kyogi okusinga empiima eri n'obwogi ku ndhuyi dhaayo dhombi. Kisalira irala kyatuuka n'okwawula omutima n'omwoyo, obuyungiro n'omusokono. Kisobola okubonera irala omuntu by'alowooza ni by'ayenda, ebiri mu mwoyo gwe.

Okwolekebwa 1:16

Mu mukono gwe omusaadha, yali agemye emuunienie musanvu. Mu munwa gwe mwavaamu empiima eri n'obwogi ku ndhuyi dhaayo dhombi. Mu maiso ge ng'ali ng'oti ndhuba nga erikwaka inho.

Okwolekebwa 2:16

Kale weenenie: oba ti n'ekyo, ndidha kukwidhira mangu nwane n'abantu abo n'empiima ey'omu munwa gwange.

Okwolekebwa 9:15

Agho bamalaika abana baasibululwa nga baategekebwa ira okwita omuntu mulala mulala ku buli bantu basatu ku saawa eyo, ku lunaku olwo, mu mwezi ogwo mu mwaka ogwo.

Okwolekebwa 9:21

Era baaloba okwenenia olw'obutemo bwaibwe, n'obulogo bwaibwe, n'obudankaanu bwaibwe, n'obwibi bwaibwe.

1 Samueli 13:13

Samueli yaakoba Saulo ati: “Ekyo okoze kya busiru. Togemye kiragiro kya Musengwa Katonda wo kye yakugha. Ngoli okigemye, Musengwa Katonda yandibaire mpegaano nga yamala ira okuleetera obwakyabazinga bwo okukakata, bwabanga bwa nsikirano mu Isiraeli enaku dhoonadhoona.

1 Samueli 15:22

Samueli yaakoba Saulo ati: “Iwe odhuuba oti Musengwa Katonda asiima inho ebigheebwayo ebyokebwa n'emisengo, ng'oti ni bw'asiima okugondera ebiragiro bye? Bona eno, okumugondera kusinga okumugha emisengo, n'okumuwulira kwasinga okumugha amasavu ag'entaama enume.

1 Samueli 15:32

Agho Samueli yaakoba ati: “Mundeetere ghano Agagi kyabazinga w'Abamaleki.” Agagi yaidha ng'aliku akamwenhumwenhu ng'akoba mule ati: “Bwenebwene obulumi obw'okufa mbuwonie.”

1 Samueli 15:33

Samueli yaamukoba ati: “Ng'empiima yo bwe yalekanga abakazi nga baziraku baana, ni inhoko yeena atyo bw'aja okusigala ng'aziraku mwana mu bakazi baine.” Era agho Samueli yaatematema Agagi bukutukutu, agho mu maiso ga Musengwa Katonda e Giligali.