Hosea 6:11 - Baibuli Ekibono kya Katonda 2014

¹¹ N'imwe Abayudaaya mwena, ekiseera namala okukitaagho, eky'okubabonereza olw'ebyo bye mukola.”

Hosea 6:11 ပူးပေါင်းရင်းမြစ်များ

Yobu 42:10

Agho Yobu bwe yamala okusabira bakagwa be, Musengwa Katonda yaamwirizaagho obukombe bwe; nga bwe yali nabwo mu mainhama okubyamu emikuzi ebiri.

Zabbuli 126:1

Musengwa Katonda lwe yatwiza mu Sioni, twali ng'oti tuloota buloote.

Zabbuli 85:1

Wo Musengwa Katonda, wagonza inho ensi yo wairiza Yakobo obukombe.

Yeremia 30:10

Kale ni, imwe abantu bange Abaisiraeli, mutatya, waire okweraliikirira. Mubone eno, nze ndibanunula, naabatoola mu nsi eyo ey'eghala, ensi ye mulimu ng'abasibe. Muliira ewaimwe mwatyama mwatereera nga muli mu miraala, era nga ghazira kibatiisa naire.

Yeremia 51:33

Akaseera kasigaire katono abazigu batyankiririre abantu b'omu Babilonia, ng'oti ngaano mu kifo aghakubirwa engaano. Nze Musengwa Katonda Afuga Amagye, Katonda wa Isiraeli, ninze nkobye.”

Yoeli 3:13

Ekibi kyaibwe kye baakola kinene inho! Kale mubasale n'emiwolo ng'oti n'engaano etuuse okukungula. Mubatyankirire ng'oti n'emizabbibu egiidhwire mu kikunhiro eky'omwenge ogw'emizabbibu ni gibanda n'okubanda.”

Mika 4:12

Aye amaghanga ago tigaidhi Musengwa Katonda ky'ategeike kugakola. Tigaidhi nga Musengwa Katonda agasoloiza ghalala kugabonereza ng'oti n'engaano bwe solozebwa mu kifo gh'ekubirwa.

Zefania 2:7

Ekiketezo ekyo eky'oku nhandha kija kufuuka kya Bayudaaya. Eyo ye balyayiranga ebyayo byaibwe, era baasula mu ndhu edh'omu kibuga Ashikeloni kuba Musengwa Katonda waibwe aidha kubalabiriranga, abaleetere ebintu kabiri okubajiiranga obukalamu.

Okwolekebwa 14:15

Agho malaika owundi yaava mu isinzizo yaalangiriza n'amamiro ag'amaani y'ole atyaime ku kire ati: “Kozesa omuwolo gwo owoobye, ekiseera eky'okukungula kituuse kuba ebikungulwa eby'ensi bituuse.”