Hosea 6:10 - Baibuli Ekibono kya Katonda 2014

¹⁰ Mu Isiraeli mboinemu ekintu ekibi einho. Abantu bange abo ti beesigwa ye ndi naire. Bali ng'oti n'omwenzi era beereeteire okuba abatali balongoofu.

Hosea 6:10 ပူးပေါင်းရင်းမြစ်များ

1 Bakyabazinga 12:8

Aye kyabazinga Rehoboamu yaava ku magezi g'abantu abakulu ge baamugha, yeebuuza ku baisuka abaakula naye era abaali nga n'abamugheereza mu kiseera ekyo.

1 Bakyabazinga 15:30

Ebyo byaligho olw'ebibi Yeroboamu bye yakola, n'aleetera Isiraeli okwonoona, era n'asungughaza Musengwa Katonda, Katonda wa Isiraeli.

2 Bakyabazinga 17:7

Ebyo byabaagho, kuba Abaisiraeli baakola ebibi eri Musengwa Katonda waibwe, eyabatoola mu nsi Misiri mu mikono gya kyabazinga waayo. Abaisiraeli abo baasinzanga emisambwa,

Yeremia 18:13

Musengwa Katonda akoba ati: “Mubuuze amaghanga goonagoona oba nga ekintu ng'oti n'ekyo kyali kibaireghooku. Abaisiraeli bakoze ekintu ekitiisa einho!

Yeremia 23:14

Aye ate mboine ng'abalanzi b'omu Yerusalemu, bakola ebibi n'okusinga agho: bakola obwenzi era baaguya, baleetera abantu okukola ebibi. Olwo ghaabula akyuka okuva mu bibi bye. Nze mbona nga boonaboona babi ng'oti n'abantu b'e Sodoma n'ab'e Gomorra.”

Yeremia 3:6

Yosia bwe yaba nga ni kyabazinga, Musengwa Katonda yankoba nti: “Oboine abantu abo Abaisiraeli abatali beesigwa ng'oti n'omukazi malaaya, kye baakola? Banvaaku ng'oti n'omukazi malaaya bw'ava ku iba, baajanga ku buli lusozi olugulumivu na buli ghansi mu kinsense eky'omuti omuzibirivu, baasinziza eyo.

Ezekieli 23:5

“Waire Ohola yali mukazi wange, aye era yakolanga obwamalaaya, yeefulugutanga n'abagonzi be Abassiria.

Ezekieli 23:7

Ohola oyo yalaaya ku buli musaadha Mussiria yeenayeena eyali asinga kuboneka bulungi. Era okwefuluguta nabo einho kwamuleetera okweyonoona ng'asinza ebisinzibwa byaibwe byonabyona ebitali Katonda.

Hosea 4:11

Musengwa Katonda akoba ati: “Omwenge omusu n'oguwoze, gumala mu bantu bange okutegeera.

Hosea 4:12

Beebuuza ku bintu ebyakolebwa mu muti obuti. Omwigo obwigo n'ogubakobera bye benda okumanha. Bali ng'oti mukazi mwenzi: banvaaku nze Katonda waibwe, baadaaliima, baaja baasinza bakatonda abandi.

Hosea 4:17

Ebisinzibwa ebitali Katonda bipaaziiza Abaisiraeli. Kale ka basigale batyo.

Hosea 5:3

Nze ndidhi Abaisiraeli nga bwe bafaanana era tibasobola kuneegisaaku. Abaisiraeli abo tibabaire beesigwa naire, era bafuuse abatali balongoofu.”