Hosea 6:1 - Baibuli Ekibono kya Katonda 2014

¹ Abantu baja baakoba bati: “Mukole twire ye Musengwa Katonda. Waire nga mwene n'eyatuyuzayuza aye alituwonia; era waire nga n'eyatufumita aye alitunhiga ebibwa ebyo.

Hosea 6:1 ပူးပေါင်းရင်းမြစ်များ

2 Ebyomubyanda 30:6

Agho abakwenda baakola nga kyabazinga bwe yalagira, baaja mu Isiraeli ni mu Buyudaaya mwonamwona nga bali n'embaluwa edhiva ye kyabazinga oyo n'abakungu be, edhikoba dhiti: “Imwe Abaisiraeli abaawonagho ni mutatwalibwa bakyabazinga ba Siria, mukyuke mwire eri Musengwa Katonda, Katonda wa Aburahamu, ni Isaaka, ni Isiraeli, memale yeena aire ye muli.

Yobu 16:9

Katonda ankyaye era mu busungu bwe yandhuzayuza; omuzigu wange oyo antunguliire amaiso.

Yobu 22:23

Weewooye, okyuke oire eri Aghanga Ebintu Byonabyona, okomye agho ebibi byonabyona ebikolebwa mu ndhu yo.

Yobu 34:29

Katonda bw'asalagho obutabaaku ky'akolagho, naani asobola okumusalira omusango okumusinga? Bw'agisa amaiso ge, naani asobola okumubona, k'abe omuntu omulala ati oba eighanga eiramba?

Yobu 5:18

Kuba aja yaakuba omuntu oluguma, aye yaamunhiga amabwa; akubisa engalo dhe omuntu, aye engalo dhe edho dhaamuwonia.

Zabbuli 30:7

Iwe olw'obulungi bwo wankuuma naaba mugumu ng'oti lusozi, aye bwe watuuka ku ky'obutenda kuuningaku, naatya inho.

Zabbuli 6:2

Wo Musengwa Katonda, idha ondhune, gampweire, mponia ebiinuma, nsigaire magumba meereere.

Zabbuli 71:20

Wansidikira ebizibu kamaala n'okudaagadaaga, aye olindhiriza amaani gange kabiri; olintoola ghansi eyo abantu ye baja, wamponia okufa.

Omulangirizi 3:3

Ekiseera eky'okwita, n'ekiseera eky'okuwonia. Ekiseera eky'okumenha, n'ekiseera eky'okuzimba.

Isaia 17:7

Olunaku olwo bwe lulituuka, abantu balita omwoyo ku Mutonzi waibwe, n'amaiso baagakyukiza eri oyo Omutukuvu wa Isiraeli.

Isaia 2:3

abantu abangi abo balikoba bati: “Mwidhe tuje ku lusozi lwa Musengwa Katonda, mu isinzizo lya Katonda wa Isiraeli, atwegerese by'ayenda tukole, era tujiire ku ebyo by'atwegeresa; kuba Musengwa Katonda aba eyo mu Yerusalemu yaayegeresa abantu be, era aba eyo mu Sioni yaayogera n'abantu be.”

Isaia 30:22

Olwo mulitoola ebifaananie byaimwe ebibaadhe bye mwalimbyaku feeza, n'ebyo bye mwakola mu zaabu, mwabisuula ere ng'ebintu ebitali birongoofu, nga mukoba muti: “Muje ere, era timwiranga!”

Isaia 30:26

Ku lunaku Musengwa Katonda lw'alinhigiraku ebinuubule n'ebibwa by'abantu be, n'abawonia enguma dhe yabataaku, omwezi gulyaka ng'oti ndhuba. Ate okwaka kw'endhuba kulyeyongeramu amaani emikuzi musanvu ng'okwaka okw'omu lunaku olulala kuli ng'oti kwa nnaku musanvu.

Isaia 55:7

Ababi balekeyo empisa dhaibwe embi; aboonooni bave mu ndowooza yaibwe embi. Baire eri Musengwa Katonda, aidha kubagemerwa ekivunika; Katonda waife oyo aidha kubasoniyira irala na mwoyo mulala.

Yeremia 3:22

Musengwa Katonda akoba nti: ‘Imwe abatali beesigwa, mwire ye ndi, ndidha kubawonia mbafuule beesigwa.’ Ate imwe mukoba muti: ‘Bona eno, twidhie y'oli, kuba niiwe Musengwa Katonda waife.

Yeremia 30:12

Musengwa Katonda era akoba abantu be ati: “Amabwa gaimwe tigasobola kuwonezebwa, gafuuse ga kokolo, tigawonezeka naire.

Yeremia 30:17

Ndibalongoosa mwairagho bukalamu nga bwe mwali, era naawonia amabwa gaimwe waire ng'abazigu baimwe bakoba bati, ‘Sioni kiri ng'oti n'omuntu ye baabinga adaagiradaagira eyo atyo. Ghazira akifaaku naire.’ Nze Musengwa Katonda, ninze nkobye.”

Yeremia 33:5

Abababilonia bali kwidha okulwana, baidhuze endhu edho n'ekisaagaati ekyo emirambo egy'abo be nja okwita mu busungu n'ekiruyi. Ekibuga kino nkirekuliire agho olw'ebikolwa ebibi abantu baamu bye bakola.

Yeremia 33:6

Aye bona eno, ndiizaagho ekibuga kino bukalamu era naakireetera okuwona. Abantu baamu ndibaleetera okuba mu miraala kamaala, ng'ebintu bibajiira bukalamu.

Yeremia 50:4

Musengwa Katonda akoba ati: “Ekiseera ekyo bwe kirituuka, abantu b'omu Isiraeli n'ab'omu Buyudaaya baliidha nga balira amaziga, nga baanoonia nze Katonda waibwe.

Yeremia 50:5

Balibuuza engira eja e Sioni, era baasimba mu ngira eyo nga bakoba bati, ‘Mwidhe tweyimbe ku Musengwa Katonda, tukole naye endagaano ey'ebyanda n'ebyanda, ye tutaja kumenhagho naire.’

Okulira 3:11

Yankwekwebya okuntoola mu ngira yange yankankanula, yandekulira agho ntyo nga ndaaga.

Hosea 11:10

Nze Musengwa Katonda ndiwologoma ng'oti mpologoma yeene, abantu bange baayangugha okwidha ye ndi, nga bava e bugwandhuba.

Hosea 12:6

Kale imwe baidhukulu ba Isiraeli, mwire ye Katonda waimwe oyo aidha kubayambanga. Mwekalangulenga okugonzania n'okukola amazima. Era aghazira kukoogha naire, muteegererenga okubona ky'anaabakoleranga.

Hosea 14:1

Imwe Abaisiraeli, mwire eri Musengwa Katonda, oyo Katonda waimwe, kuba ebibi byaimwe byabaleetera okwekontola mwagwa.

Hosea 14:4

Musengwa Katonda akoba ati: “Ndiiza abantu bange ye ndi, naabagonzanga n'omwoyo gwange gwonagwona; kuba ndekeire okubasungughalira.

Hosea 3:5

Aye mu biseera eby'oluvainhuma abantu bange Abaisiraeli balikyuka, kabiri baira eri Musengwa Katonda waibwe n'eri Daudi kyabazinga waibwe. Baliiramu okutya Musengwa Katonda oyo, era baafunanga ebirungi ebiva y'ali.

Abalevi 14:48

“Aye kabona bw'anaingiranga n'abona ng'endwaire teizeemu kuboneka mu ndhu eyo ng'emaze okwiramu okukubwa ni seminti ku bimante, anaagirangiriranga ati nongoofu, kuba endwaire ewonie.

Zefania 2:1

Imwe eighanga eriziramu nsoni mwenenie era mweireku,

Amateeka Agokubiri 32:39

Mpegaano ni mukimanhe, nga nze, era Nze zenka, ni Nze Katonda; ezirayo katonda wundi okutoolaku Nze. Ninze aita, era ninze agha obulamu. Nfumita era naawonia; ghazira asobola kuntoolaku kiri mu buyinza bwange.

1 Samueli 2:6

Musengwa Katonda aita era yaizaagho obulamu; aserengesa omuntu ghansi e magombe, era yaamuzuukiza okuva e magombe.

1 Samueli 7:3

Agho Samueli yaakoba Abaisiraeli boonaboona ati: “Oba nga mwenda okukyuka okwira ku Musengwa Katonda n'omwoyo gwaimwe gwonagwona, mutoolegho emisambwa egy'amaghanga agandi gyonagyona era mutoolegho n'ebifaananie eby'omusambwa omukazi Ashitarothi. Mwegheereyo irala eri Musengwa Katonda, yenka ye mube mugheereze. Aidha kubawonia Abafilisiti.”