Hosea 5:5 - Baibuli Ekibono kya Katonda 2014

⁵ Abaisiraeli abo okwekuluntaza kwaibwe kubabonekera ni ku maiso. Ebibi byaibwe biribaleetera okugwa, n'Abayudaaya boona baagwa ghalala nabo.

Hosea 5:5 ပူးပေါင်းရင်းမြစ်များ

Ensambo 11:21

Ekikakafu kiri nti abakozi b'ebibi baja kubonerezebwa, aye abatuufu akabi tikaja kubatuukaku naire.

Ensambo 11:5

Obwesigwa obw'omuntu omwesimbu butereeza obulamu bwe, aye obubi obw'omuntu omubi n'obumugwisa bwene.

Ensambo 14:32

Ababi beereetera beene okugwa olw'ebikolwa byaibwe ebibi, aye abatuufu, obwesigwa bwaibwe n'obubakuuma.

Ensambo 24:16

Abakola ebituufu ni bwe bagwa emikuzi kamaala gitya, bamala baasituka aye abakozi b'ebibi bazikirira buzikirire ng'akabi kabaidhiire.

Ensambo 30:13

Ghaligho abeetwala okuba aba ghaigulu, era nga batwala abandi boonaboona okuba ghansi ghaibwe.

Isaia 3:8

Bwenebwene ekibuga Yerusalemu bakizikiriiza n'ensi Buyudaaya baagireetera okugwa; kuba byonabyona abantu bye bakola ni bye boogera, bivumirira Musengwa Katonda, byanhooma n'ekitiisa kye.

Isaia 3:9

Okuboolagana kwaibwe kwene kubalumiriza omusango; ebibi byaibwe babikolera gheeru ng'oti n'abe Sodoma, tibabigisaaku naire. Bakagwireku! Kuba beereeseeku beene akabi.

Isaia 44:9

Abo boonaboona abakola ebisinzibwa ebitali Katonda bali agho batyo, bazira kye bagasa naire. N'ebisinzibwa byaibwe ebyo ebibeesiimisa, biziramu muganhulo. N'abo ababisinza batulu beene, era tibaidhi ng'ekyo kye bakola kisobola okubaleetera okuswala obuswale.

Isaia 59:12

“Wo Musengwa Katonda, twakola ebibi kamaala y'oli, era okusobya kwaife okwo kwene kutulumiriza kuba ebibi byaife tubibona, n'okusobya kwaife tukwidhi bukalamu.

Yeremia 14:7

Abantu bange bandirira bati, ‘Wo Musengwa Katonda, waire ebibi byaife bitulumiriza olw'okukuvaaku emikuzi kamaala ni twonoona, iwe mala gaganha otuyambe nga bwe watusuubiza.

Yeremia 2:19

Ebibi byaimwe byene n'ebiribakangaivula imwe, era okunvaaku kwaimwe n'okulibasalira omusango okubasinga. Mukibone era mukimanhe nga bwekiri ekibi einho era eky'obulumi, okunvaaku nze Musengwa Katonda waimwe era n'obutantya. Nze Musengwa Katonda Afuga Amagye, ninze nkobye.”

Hosea 14:1

Imwe Abaisiraeli, mwire eri Musengwa Katonda, oyo Katonda waimwe, kuba ebibi byaimwe byabaleetera okwekontola mwagwa.

Hosea 14:2

Mwire eri Musengwa Katonda era okusaba kwaimwe n'okube kufuuke ekigheebwayo kyaimwe kye mumugha, nga mumweghemba muti: “Tusonighe ebibi byaife byonabyona, osanhukire ebyo ebirungi mu ife. Twidha kukusaakanga n'eminwa gyaife.

Hosea 4:5

Imwe bakabona mugwa mu nsobi omusana n'obwire, n'abalanzi boona baakola n'ekirala ng'oti niimwe. Kale ni ndizikiriza Isiraeli inhaimwe.

Hosea 5:14

Kale ndirumba Isiraeli ni Buyudaaya ng'oti mpologoma. Era nze mwene, ninze ndibayuzayuza, memale neejiira. Ndibaghaluudhania naabatwala nga ghazira n'asobola kubawonia.

Hosea 7:10

Okwekuluntaza okw'Abaisiraeli kubalumiriza omusango. Aye waire ng'ebyo byonabyona bibairegho, tibakyukangaku ni baira eri nze Musengwa Katonda waibwe.

Hosea 8:14

Abaisiraeli bazimbye endhu edh'omughendo aye baaneerabira nze eyabatonda. N'ab'omu Buyudaaya bongeire okuzimba ebibuga ebyezungulwirwa ebimante ebigumu. Aye ndisindika omuliro gwayokya ebibuga byaibwe, era gwasaaniagho ebifo byaibwe eby'okwewogomamu.”

Amosi 5:2

“Isiraeli omughala omwegha agwire butasituka. Alekeibwa agho ku itaka nga yeegolomoire. Ghazira naire wa kumuyambaku okusitukagho!”

Matayo 23:31

Kale mutyo beene mwakakasa muti muli baana b'abo abaita abalanzi.

Luka 19:22

Yaamukoba ati, ‘Omugheereza omubi iwe, by'oyogeire kwe nnaasinziira okukusalira omusango. Wamanha oti ndi muzibu, ntwala ebitali byange, naakungula bye ntaasiga