Hosea 5:15 - Baibuli Ekibono kya Katonda 2014

¹⁵ Ndiirayo mu kifo kyange ye mba, okutuusa lwe baliikiriza ni baatula ebibi byaibwe era ni baanoonia ye ndi. Bwe baliba mu kudaagadaaga kwaibwe baliinoonia ye ndi.

Hosea 5:15 ပူးပေါင်းရင်းမြစ်များ

Amainhama 42:21

Agho baakoba ati: “Bwenebwene omusango gwatusinga olwa muganda waife, kuba twabona obulumi bwe yalimu ng'ali kutweghemba tumusaasire aye twaloba kuwulirisa, kye tuviire tudaazibwadaazibwa tuti!”

2 Ebyomubyanda 7:14

aye abantu bange abo ni bagonda ni bansaba, era ni balekera agho okukola ebibi ni baira ye ndi, olwo nze ndidha kubawulirisanga eyo mu igulu ye mba, mbasonighenga ebibi byaibwe era mponienga ensi yaibwe.

Yobu 33:27

Era yaakobera abantu ati, ‘Nayonoona, naakola ebikyamu, aye Katonda taneesasuliizaaku.

Zabbuli 107:13

Agho baalirira Musengwa Katonda nga bali mu buzibu bwaibwe, Musengwa Katonda yaabawonia.

Zabbuli 107:19

Agho baalirira Musengwa Katonda nga bali mu buzibu bwaibwe, Musengwa Katonda yaabawonia.

Zabbuli 107:28

Agho baalirira Musengwa Katonda nga bali mu buzibu bwaibwe, Musengwa Katonda yaabawonia.

Zabbuli 107:6

Agho baalirira Musengwa Katonda nga bali mu buzibu bwaibwe, Musengwa Katonda yaabawonia.

Zabbuli 132:14

Yaakoba ati: “Kino n'ekifo kyange ebyanda n'ebyanda; ghano ghe ndidha okubanga, kuba mwene ntyo bwe nhenze.

Zabbuli 50:15

Munsabenga nga muli mu bizibu, ndidhanga kubawonia, imwe muntengamu ekitiisa.”

Zabbuli 78:34

Bwe yabaitamu banaibwe atyo, abaasigalagho baakyuka baira y'ali beenenia, baatoolera okumusinza n'omwoyo mulala.

Zabbuli 83:16

Baswaze ebitoogerekeka, balwe eira baire y'oli iwe Musengwa Katonda.

Ensambo 8:17

Ngonza abo abangonza, abo abandhagala n'omwoyo omulala bambona.

Isaia 18:4

Musengwa Katonda ankobye ati aliba mu kifo kye mw'aba, yaalingirira kisiriikiriza ng'oti n'olwota bwe lukunkunira mu kasana akali kwememula, era yaaba ng'oti n'omusulo ogutoonhera mu lwota olw'obwire mu biseera by'amakungula.

Isaia 26:16

Wo Musengwa Katonda, abantu bo bwe baali mu buzibu, baidha baakwagala y'oli; bwe wabakangaivula, baakusaba nga bakweghemba.

Isaia 26:21

Musengwa Katonda wuuyo ali kuva mu igulu y'aba, ng'aidha okubonereza abantu ku nsi olw'ebibi byaibwe. Abantu abaatemulwa mu ngiso balimanhibwa mu lwatu. Eitaka liriba tirikaasobola kugisa abo abaitibwa.

Isaia 26:9

Omwoyo gwange gwegomba okuba aghalala n'iwe obwire, era nkunoonia obutakoogha. Kuba bw'osalira abantu emisango mu nsi, olwo beega okukola ebituufu.

Yeremia 2:27

Mukoba omuti muti, ‘Niiwe iseife,’ n'eibaale muti, ‘Niiwe inhaife.’ Nze mwankuba bwa nkoone, mwaloba kukyukira ye ndi. Aye bwe muba mu buzibu, munsaba muti, ‘Idha otulokole.’

Yeremia 3:13

Aye mwikirize nga muli n'omusango olw'okudheemera nze Musengwa Katonda waimwe, ni mweghaayo okusinza bakatonda abagwira buli ghansi mu kinsense eky'omuti omuzibirivu. Era mwaloba kumpulira na kugondera biragiro byange. Nze Musengwa Katonda, ninze nkobye.

Yeremia 3:14

Imwe abantu abatali beesigwa, mwire ye ndi, kuba ninze musengwa waimwe. Ndidha kutoolanga omuntu mulala mulala okuva mu buli kibuga, era ntoole abantu babiri babiri okuva mu buli maka, mbaleete e Sioni.’ ”

Okulira 3:40

Ka twekebere tubone ensambo ye twebisaamu, twire ye Musengwa Katonda.

Ezekieli 10:4

Ekitiisa kya Musengwa Katonda kyasituka nga kiva gha bikerubi, kyaja ku mulyango ogw'eisinzizo. Ekire kyagema woonawoona mu isinzizo, oluya lwaidhula obutangaavu obw'ekitiisa kya Musengwa Katonda.

Ezekieli 11:23

Ekitiisa kya Musengwa Katonda kyasituka kyava ghagati mu kibuga, kyaja kyaba ku lusozi olwali ku luuyi olw'e buvandhuba olw'ekibuga ekyo.

Ezekieli 20:43

Nga muli eyo muliidhukira emize gyaimwe n'ebikolwa byaimwe byonabyona bye mweyonoona nabyo. Olwo mwenenia era mwawulira n'enaku olw'ebibi byaimwe byonabyona bye mwakola.

Ezekieli 36:31

Agho muliidhukira empisa dhaimwe edhaali embi n'ebikolwa byaimwe ebyali ebibi. Olwo mwekyagha olw'ebibi byaimwe n'olw'ebikolwa ebyenhinhalwa bye mwakola.

Ezekieli 6:9

baaba eyo mu bunhage. Abo balindidhukira nga bali eyo era baamanha nga bwe namenha emyoyo gyaibwe egitali myesigwa egyanvaaku, ni giira ku kusinza ebifaananie ebitali nze Katonda. Kale balituuka beene okwesinwa olw'ebibi byaibwe, n'olw'ebyenhinhalwa bye bakola.

Ezekieli 8:6

Era Katonda yankoba ati: “Iwe omuntu, oli kubona bye bali kukola? Oli kubona ebyenhinhalwa ebibitiriire, Abaisiraeli bye bali kukolera ghano, ebindeetera okwesamba eisinzizo lyange ni mba eghala einho nalyo? Aye ate oidha kubona ebyenhinhalwa ebibitiriire einho ebisinga n'agho.”

Hosea 3:5

Aye mu biseera eby'oluvainhuma abantu bange Abaisiraeli balikyuka, kabiri baira eri Musengwa Katonda waibwe n'eri Daudi kyabazinga waibwe. Baliiramu okutya Musengwa Katonda oyo, era baafunanga ebirungi ebiva y'ali.

Hosea 5:6

Ni bwebalija okunoonia Musengwa Katonda bagheeyo ku mbuzi, ni ku nte, ni ku ntaama dhaibwe ng'emisengo, tibalimuzuula gh'ali; kuba yabavaaku.

Mika 1:3

Bona eno, Musengwa Katonda aja kuva mu kifo kye ekitukuvu aidhe. Era bw'aliidha aja kutambulira ku nsozi.

Okubala 21:7

Agho abantu baaja ye Musa baamukoba bati: “Twayonoona okwemuluguunhiza Musengwa n'iwe. Tusabire Musengwa atutooleku emisota gino.” Kale Musa yaabasabira.

Luka 13:25

Mwenemu bw'alimala okusituka n'asibagho olwigi, imwe mulyemerera ku luya mwatoolera okukonkona ku lwigi nga mukoba muti, ‘Musengwa, twiguliregho.’ Alibairamu ati, ‘Tibaidhi! Muva gha?’

Abalamuzi 4:3

Yabini yali n'ebigaali lwenda eby'omu lutalo eby'ekyuma ekigumu einho. Era yafuga Abaisiraeli ng'abatuntuza n'obukambwe, okumala emyaka amakumi abiri. Agho Abaisiraeli baalirira Musengwa Katonda ababeere.