Hosea 5:14 - Baibuli Ekibono kya Katonda 2014

¹⁴ Kale ndirumba Isiraeli ni Buyudaaya ng'oti mpologoma. Era nze mwene, ninze ndibayuzayuza, memale neejiira. Ndibaghaluudhania naabatwala nga ghazira n'asobola kubawonia.

Hosea 5:14 ပူးပေါင်းရင်းမြစ်များ

Yobu 10:16

Bwe nkola ekintu ekindeetera okwenhumiriza, oba ng'oti mpologoma wandhiiga; waakola ebyewuunhisa okuunumya.

Yobu 10:7

Ate nga oidhi nga nze nziraku musango, era nga ghazira asobola kumponia n'antoola mu ngalo dho.”

Zabbuli 50:22

Mumanhe kino imwe abatanfaaku nze Katonda: nsobola okubayuzayuza ate nga ghazira na muntu wa kubawonia.

Zabbuli 7:2

Tiikulwa nga bandhuzayuza ng'oti mpologoma, bankwekwebya nga ghazira n'ambeera.

Isaia 5:29

Bawologoma ng'oti mpologoma egemye ensolo y'eyiize, ng'eri kugikwekwebya okugitwala era nga ghazira asobola kugigitoolaku.

Yeremia 25:38

Musengwa Katonda alekuliire agho abantu be, ng'oti n'empologoma bw'eva mu mpuku yaayo. Ebitiisa eby'omu lutalo n'obusungu bwa Musengwa Katonda obubitirivu, bireeteire ensi yaibwe okufuuka ng'oti bwa irungu.”

Okulira 3:10

Aneeteega ng'oti n'ekisolo ekikambwe bwe kyeteega obusolo bwe kirya, era ng'oti n'empologoma ebwama ng'eyenda okutuumira ku nsolo.

Hosea 13:6

Aye bwe mwatuuka mu nsi enungi, ni mulya era ni mwiguta, olwo mwatoolera okwekuluntaza, mwaneerabira.

Hosea 2:12

Ndyonoonayonoona emizabbibu gye n'emiti gye emitiini, gye yakoba ati: “Gino n'empeera yange abagonzi bange ye bampa olw'okubagheerezanga.” Aye nze ndigireetera okuzika gyafuuka kibira. Era ensolo edh'omu nsiko dhiriidha dhaalya emizabbibu n'emiti emitiini egyo.

Hosea 6:1

Abantu baja baakoba bati: “Mukole twire ye Musengwa Katonda. Waire nga mwene n'eyatuyuzayuza aye alituwonia; era waire nga n'eyatufumita aye alitunhiga ebibwa ebyo.

Amosi 2:14

Waire abalumusi einho mu imwe, embiro dhija kubabula, n'ab'amaani amangi gaja kubawaamu, n'abalwani ab'amaani einho tibaja kusobola kwewonia beene.

Mika 5:8

Abaisiraeli abo abaliwonagho eyo mu maghanga, baliba ng'oti n'empologoma eri kuyiiga ensolo edh'omu nsiko mu kibira, oba eri kuyiiga entaama mu kyayiro. Kiisi y'etuukaku egituumiraku yaagikankanula nga ghazira isuubi lyonalyona lya kuwona.

Amateeka Agokubiri 28:31

Ente dhaimwe dhiidha kwitibwanga nga mubona, aye timuulyenga ku mamba yaadho. Endogoyi dhaimwe baidha kudhibanhagangaku era tibaadhibairizenga. Entaama dhaimwe baidha kudhigabiranga abazigu baimwe, era imwe ghazira anaababeeranga.

Amateeka Agokubiri 32:39

Mpegaano ni mukimanhe, nga nze, era Nze zenka, ni Nze Katonda; ezirayo katonda wundi okutoolaku Nze. Ninze aita, era ninze agha obulamu. Nfumita era naawonia; ghazira asobola kuntoolaku kiri mu buyinza bwange.