Hosea 5:11 - Baibuli Ekibono kya Katonda 2014

¹¹ Isiraeli bamutuntuza era baamusaliriza omusango gwamusinga, olw'okuba yaikiriza okukolera ku biragiro eby'abo abatandigwaniire kumulagira naire.

Hosea 5:11 ပူးပေါင်းရင်းမြစ်များ

2 Bakyabazinga 15:29

Mu biseera Peka bye yafugiramu Isiraeli, ghaabaagho kyabazinga Tigulathi Pileseri ow'e Assiria yaidha yaagema ebibuga Iyoni, ni Abeli Bethi Maaka, ni Yanoa, ni Kedeshi, ni Hazori, n'ebiketezo eby'e Gileadi, n'eby'e Galilaaya, n'eby'e Nafutali. Era yaatwala n'abantu mu Assiria nga banhage.

Hosea 9:16

Abaisiraeli bali ng'oti kisimbe kye batemye emizi ni gikala, ni kitataaku bibala. Boona tibalizaala baana. Aye era ni bwebandizaire, nandiise abaana baibwe abo abagonzi.”

Mika 6:16

Ebyo bija kuba bityo lwa kuba mwasalagho okugema empisa embi edha kyabazinga Omiri ni mutabane Ahabu n'ab'endhu y'Ahabu oyo. Era timulekerangaku kujiira ku ngeri dhaibwe, kale nja kubazikiriza era abantu boonaboona babalingengaku nga babeesiimooza era nga bwe babasekerera.”

Amateeka Agokubiri 28:33

Ab'eighanga erindi balinhaga emere ye mwafaabiikana okulima ku itaka lyaimwe era ni bye mwadaagirira ebindi byonabyona, aye nga imwe babatuntuza butuntuze na kubabisa bubi.