Hosea 5:10 - Baibuli Ekibono kya Katonda 2014

¹⁰ Musengwa Katonda akoba ati: Abakulembeze b'omu Buyudaaya, bafuuse ng'oti n'abantu abakyusa embibi ni banhaga eitaka lya banaibwe. Kale ndibamaliraku ekiruyi kyange ng'oti n'ali kubabboomaku amaadhi.

Hosea 5:10 ပူးပေါင်းရင်းမြစ်များ

Zabbuli 32:6

Kyenva ni nkoba kiisi akutya, akusabenga mu biseera eby'enaku, olwo ebizibu ebyekuluumulula ng'oti mwiga gwa mwidhuzo lwe bitalimutuukaku.

Zabbuli 69:24

Babonereze n'ekiruyi kyo, obamalireku obusungu bwo obwokya ng'oti muliro.

Zabbuli 88:17

Ebyo bineezungulwire ng'oti mwidhuzo gwa maadhi olunaku lwonalwona, era bija nga biinumba okuva mu buli nsonda.

Ensambo 17:14

Okusoola kutoolereza mpola ng'oti n'okutoonherera okw'amaadhi, kale ekiwula n'okumalagho entaka nga mukaali kukoodhana.

Ensambo 22:28

Otakyusanga ensalosalo ey'eira, kugitoola badhaadha bo ghe baagita.

Isaia 1:23

Abakulembeze bo badheemu, era bagemagana na baibi. Buli muntu agonza kulya nguzi era yaagunirira okugheebwa ebirabo. Tibalwaniriraku bamulekwa, waire okuwulirisa ensonga banamwandu dhe babaleetera.

Ezekieli 22:22

Nga feeza bw'asaanuukira mu kyokero, boona bwe balisaanuukira mu Yerusalemu, memale baamanha nga nze Musengwa Katonda mwene, ninze mbamaliireku obusungu bwange.”

Ezekieli 7:8

“Buti ndi kumpi okubamaliraku ekiruyi kyange, mboolekeze obusungu bwange. Olwo mbasalire omusango nga njiira ku neebisa yaimwe, era mbabonereze olw'ebibi bye mwakola ebyenhinhalwa.

Matayo 7:27

Amaadhi gaagwa, mukoka yayoolooka, kiwunga yaakunta, byakuba endhu eyo era yaagwa, yaamenhekeragho irala.”

Luka 6:49

Aye oyo awulira ebibono byange n'atabijiiraku afaanana ng'oti n'omuntu eyazimba endhu ku itaka nga tatairegho musingi, era omwiga bwe gwayalaala ni gugibanda, mangu ago ng'egwa era yaasaanagho.”

Amateeka Agokubiri 19:14

Musa yaakoba Abaisiraeli ati: “Nga muli mu nsi Musengwa Katonda waimwe y'ali kubagha okutwala ebe obutaka bwaimwe, mutakyusanga mbibi dha bibandha bya baliraanwa baimwe, edhaamala eira okusimbibwa abantu abaabasookamu.”

Amateeka Agokubiri 27:17

“ ‘Omuntu yeenayeena anaakyusanga embibi edh'ekibandha kya muliraanwa we, akolimirwenga! “Olwo abantu boonaboona baliiramu bati, ‘Amiina.’