Hosea 2:9 - Baibuli Ekibono kya Katonda 2014

⁹ Kale ni ndimutoolaku engaano yange n'omwenge ogw'emizabbibu mu biseera eby'amakungula. Era naamutoolaku n'engoye empegheevu, n'edho edhaakolebwa mu buviiri bw'entaama, dhe yavaalanga n'awona okuba amadu.

Hosea 2:9 ပူးပေါင်းရင်းမြစ်များ

Ezekieli 16:27

“Kale buti ngalwire omukono gwange okubabonereza. Era nja kukendeeza ku mugabo gwo, nkugheeyo y'abazigu bo Abafilisiti abakweguguna obwegugune, era abeesinwa eira ebikolwa byo eby'obwenzi.

Ezekieli 16:39

Ndikughaayo mu ngalo edh'abagonzi bo abo, baaja baasuula ghansi amasabo go era baamenhagho ebifo byo ebigulumivu by'osinzizaamu ebintu ebitali nze Katonda. Balikutoolamu engoye dho, era baakutoolaku ebyamadholobera byo ebirungi einho, baakuleka ng'oli madu ng'ozira kantu naire.

Ezekieli 23:26

Balikutoolamu engoye dho, era baakutoolaku ebyamadholobera byo ebirungi einho.

Danieli 11:13

“Kyabazinga wa Siria aliirayo yaasoloza eigye erindi einene okusinga lire eryasooka. Era nga ghabiseegho emyaka, aliira n'eigye ery'amaani n'eby'okulwanisa kamaala.

Hosea 2:3

Bw'ataalekere ndidha kumwambulamu ebivaalo asigale madu ng'oti ni bwe yali ku lunaku lwe baamuzaaliraku. Ndidha kumufuula ng'oti irungu, abe ng'oti itaka ikalu ery'olubbalangu, era mmuleetere okufa endiwo.

Hosea 8:7

Nga bwe baasiga empewo era balikungula kiwunga ow'amaani. Engaano nga tetaireeku bifaaganda, terivaamu mere naire. Aye ni bweyanditaireku ebifaaganda n'ebala, era abagwira n'abandigiriire.

Hosea 9:2

Aye mu bifo aghakubirwa engaano ghaidha kulekera okuvaagho engaano ebamala, ni mu bikunhiro by'omwenge ogw'emizabbibu mulekere okuvaamu omwenge ogw'emizabbibu omusu.

Yoeli 2:14

Tomanha, oba katyo asobola okukyusa ekirowoozo kye yaabasonigha, yaaleka ng'abaghaire enkabi, mwabaza ebirime. Agho mwasobola okumugha ebigheebwayo eby'emere ey'empeke n'eby'okunhwa.

Zefania 1:13

Eby'obukombe byaibwe bija kunhagibwa, n'endhu dhaibwe dhimenhebwegho. Waire bali kuzimba endhu, aye tibaja kudhisulamu. Waire bali kusimba amasamba ag'emizabbibu, aye tibaja kunhwa ku mwenge gwa mizabbibu guva mu masamba ago.”

Malaki 1:4

Abantu Abaedomu baidhukulu ba Esau, basobola okukoba bati: “Waire endhu dhaife baadhimenhamenha, tuliiramu twadhizimba twadhiizaagho.” Aye Musengwa Katonda Afuga Amagye akoba ati: “Baleke bazimbe, aye era nja kudhimenhamenha, okutuusa bwe balyetebwa ‘Eighanga ery'abakozi b'ebibi’, era ‘Abantu Musengwa Katonda be yasungughalira okuva eira n'eira, ebyanda n'ebyanda.’ ”

Malaki 3:18

Olwo kabiri muliiramu okwawulagho omutuufu n'omukozi w'ebibi, n'okwawulagho oyo ampeereza nze Katonda n'oyo atampeereza.”