Hosea 2:23 - Baibuli Ekibono kya Katonda 2014

²³ Ndita abantu bange mu nsi yaibwe, baaba bukalamu. Ndisaasira abo abaali beetebwa bati “Tibasaasirwa,” era abo abaali beetebwa bati “Timuli bantu bange,” ndibakoba nti: “Muli bantu bange.” Boona baliiramu bati: “Niiwe Katonda waife.”

Hosea 2:23 ပူးပေါင်းရင်းမြစ်များ

Zabbuli 118:28

Niiwe Katonda wange, era ndidha kukusiimanga iwe Katonda wange, ndidha kukoberanga abantu nga bw'oli omukologho.

Zabbuli 22:27

Okuva ku ndhuyi dhoonadhoona edh'ensi amaghanga galiidhukira Musengwa Katonda. Galikyuka gaira y'ali; ebika byonabyona birimusinza;

Zabbuli 68:31

Abakwenda abakologho balireetebwa okuva e Misiri; ate ab'e Ethiopia baagololera Katonda emikono gyaibwe.

Zabbuli 72:16

Emere ebenga ya mwero mu byalo; ensozi dhoonadhoona dhiidhule misiri, ebibala byagyo bibe ng'oti n'ebibala eby'omu Lebanoni. Ebibuga biidhule abantu abangi ng'oti isubi.

Olwembo 2:16

Omugonzi wange oyo, wange, zeena ndi wuwe. Ayayira ebyayo bye mu bimuli ebyetebwa liri.

Isaia 44:5

Ghalibaagho omuntu alikoba ati, ‘Nze ndi wa Musengwa Katonda.’ Ate ole alyetuuma eriina lya Yakobo, n'owundi yaaghandiika ku mukono gwe ati, ‘Nze ndi wa Musengwa Katonda,’ era yeebalira mu Baisiraeli.”

Yeremia 16:19

Wo Musengwa Katonda, niiwe amaani gange era niiwe onkuuma; niiwe onhamba mu biseera ebizibu. Amaghanga galiva mu buli nsonda y'ensi, gaidha y'oli, gaakoba gati: “Badhaadha baife tibaali na Katonda, aye baali na bisinzibwa ebitali Katonda, ebintu obuntu ebiziramu muganhulo naire.

Yeremia 30:22

Beene baliba bantu bange, nze naaba Katonda waibwe.

Yeremia 31:27

“Nze Musengwa Katonda nkoba nti ekiseera kiri kwidha, ndidhuze Isiraeli ni Buyudaaya abantu n'ensolo.

Yeremia 32:38

Baliba bantu bange, nze naaba Katonda waibwe.

Yeremia 33:26

Kale ni ng'endagaano eyo bw'etasobola kumenhebwagho, zeena ntyo bwe ntalisobola kulekulira agho baidhukulu ba Yakobo n'aba Daudi omugheereza wange, ni ntalonda owundi ku baidhukulu be afugenga baidhukulu ba Aburahamu, n'aba Isaaka, n'aba Yakobo. Bwenebwene ndigemerwa abantu bange ekisa, naabaleetera ebintu byairamu okubajiiranga obukalamu.”

Ezekieli 36:29

Ndibawonia byonabyona ebibaleetera obutaba balongoofu, era naaleetera engaano okubaalira einho, olwo endhala yaaloba kubalumaku naire.

Hosea 1:6

Gomeri yaatoola enda kabiri, yaazaala omwana mughala. Musengwa Katonda yaakoba Hosea ati: “Mutuume eriina ‘Tasaasirwa,’ kuba nze tikaasaasira Baisiraeli, waire okubasonigha.

Hosea 8:2

Waire bandirira bati, ‘Ife Abaisiraeli tukwidhi nga niiwe Katonda waife,’

Zekaria 10:9

Waire nabasansaaniza mu maghanga, aye era balindidhukiranga nga bali eyo mu nsi edh'eghala. Era beene aghalala n'abaana baibwe balisigala nga bakaali balamu, baamala baira eka ewaibwe.

Zekaria 13:9

Era abo abaliba mu kitundu ekyo ekirala ndibatukuza ng'oti ni feeza bwe bamukenenula mu muliro, era naabagezesa ng'oti ni zaabu bwe bamugezesa. Balinsaba, era zeena naabairamu. Ndibeeta bantu bange, era boona bandheta Katonda waibwe.”

Zekaria 14:16

Olwo abo boonaboona abaliwonagho ku b'amaghanga agaliba galumbye Yerusalemu, baliniinaniinanga buli mwaka, baajanga okusinza Musengwa Katonda Afuga Amagye era Kyabazinga, n'okukolanga Ekibinuko eky'Entindi.

Zekaria 14:9

Agho Musengwa Katonda n'aliba Kyabazinga ow'ensi yoonayoona, abantu boonaboona baamusinzanga nga ni Musengwa Katonda yenka ye baidhi.

Zekaria 2:11

Mu kiseera ekyo, abantu abamaghanga kamaala baliidha ye Musengwa Katonda baafuuka bantu be. Musengwa Katonda alibanga ghalala n'imwe, era imwe mulimanha nga oyo n'eyantuma ye muli.

Malaki 1:11

Okuva e buvandhuba okutuuka e bugwandhuba, abantu ab'amaghanga goonagoona bantaamu ekitiisa. Buli ghantu baniokeza obubbaani ye ndi era baagheereza ye ndi ebigheebwayo ebirongoofu. Boonaboona bantaamu ekitiisa.

Ab'e Roma 3:29

Koodhi Katonda aba Katonda wa Bayudaaya bonka? Abamaghanga agandi boona taba Katonda waibwe? Bwene, boona waibwe

Yakobo 1:1

Ninze Yakobo omugheereza wa Katonda, era owa Musengwa Yesu Kurisito. Mpandiikira ebika eikumi n'ebibiri ebisansaaniire woonawoona. Mbalamwisa inho.