Hosea 2:21 - Baibuli Ekibono kya Katonda 2014

²¹ Mu biseera ebyo nze Musengwa Katonda, ndiwulira okusaba kw'abantu bange Abaisiraeli, naalagira eigulu lyagwisa ku nsi amaadhi.

Hosea 2:21 ပူးပေါင်းရင်းမြစ်များ

Isaia 55:10

Amaadhi n'omugozi biva ku igulu byagwa, byaloba kwirayo ghaigulu kabiri, aye byafukirira eitaka, byameza ebimera era ebimera ebyo byamala byataaku ebibala. Olwo byagha omulimi ensigo ey'okusiga n'emere ey'okulya.

Isaia 62:4

Toliiramu kabiri kwetebwa “Eyalekulirwa agho,” oba ensi yo okwiramu okwetebwa “Ekifulukwafulukwa.” Aye olyetebwa “Eyasiimibwa,” n'ensi yo yaayetebwa “Mufumbo”; kuba Musengwa Katonda akusiima, era ensi yo eriba ng'omukazi omufumbo.

Isaia 62:5

Ng'omwisuka bw'abayiza omughala omwegha, n'abantu bo batyo bwe baliba ng'oti bakubayiiza. Era ng'omusaadha bw'asagamba olw'omugole y'abayiiza, ni Katonda atyo bw'alisagamba olwa iwe.

Isaia 65:24

Banaabanga bakaali na kundheta nga nabawuliire ira, era banaajanga okumala okunsaba nga nabaizeemu ira.

Ezekieli 36:29

Ndibawonia byonabyona ebibaleetera obutaba balongoofu, era naaleetera engaano okubaalira einho, olwo endhala yaaloba kubalumaku naire.

Hosea 14:7

Baliira ye ndi naabakuumanga nga mbalabirira. Baliba ng'oti nimiro ebaziiza emere, era baamulisa ekimuli ng'oti muzabbibu. Balimanhikana inho ng'oti n'omwenge ogw'emizabbibu ogw'e Lebanoni.

Yoeli 2:19

Yairamu abantu be ati: “Bona eno, ndidha kubagha engaano, n'omwenge ogw'emizabbibu, n'omuzigo ogw'ebibala eby'emiti emyoliva, ebiidha okubaigusa. Era tikaabaleka kuba kivumo eri bamaghanga gandi.

Zekaria 13:9

Era abo abaliba mu kitundu ekyo ekirala ndibatukuza ng'oti ni feeza bwe bamukenenula mu muliro, era naabagezesa ng'oti ni zaabu bwe bamugezesa. Balinsaba, era zeena naabairamu. Ndibeeta bantu bange, era boona bandheta Katonda waibwe.”

Zekaria 8:12

Baidha kusiganga emere nga bali mu miraala, emizabbibu gibalenga ebibala, eitaka lyeyongerenga okubaaku ebirime, n'amaadhi gagwenga. Ebyo byonabyona ndibigha abantu b'eighanga lino abaawonagho.

Zekaria 8:8

Ndibaiza mu Yerusalemu baabanga omwo. Baliba bantu bange, nze naaba Katonda waibwe omwesigwa era omutuufu.

Malaki 3:10

Ale muleeteku mu bwidhuvu ebintu byonabyona ebiva mu kintu ekirala ekirala ku buli bintu eikumi bye mufuna, mwidhuze eiterekero ly'eisinzizo lyange libeemu emere kamaala. Mugezeeku mube ng'abali kundeba, mubone oba nga tiribaiguliragho igulu ni mbadhogomolera bintu birungi kamaala?

Malaki 3:11

Tiriganha bisiisa kuzikiriza birime byaimwe. N'emizabbibu gyaimwe tigiriroba kubala.

Matayo 6:33

Kale ni musookenga kunoonia Bwakyabazinga bwa Katonda n'obutuufu bwe, era byonabyona biribongerwaku.

Ab'e Roma 8:32

Oyo ataasaasira na mwana we mwene, aye n'amughaayo ku lwaife twenatwena, aliroba atya okutugheera aghalala n'Omwana we oyo ebintu byonabyona?