Hosea 2:20 - Baibuli Ekibono kya Katonda 2014

²⁰ Ndiba mwesigwa y'oli, era olwo olimanha nga ninze Musengwa Katonda.

Hosea 2:20 ပူးပေါင်းရင်းမြစ်များ

Amainhama 9:10

era na buli kiramu ekiri n'imwe, enhonhi, ensolo enfuge n'edh'omu nsiko, byonabyona ebyafuluma mu lyato.

Isaia 2:4

Musengwa Katonda aliramula amaghanga, yaasalira abantu kamaala emisango gyaibwe. Edhibaire empiima dhaibwe edh'okulwanisa balidhigheesaamu mbago, ate amafumo gaibwe baagagheesaamu busolobyo bwa kuwoolera. Amaghanga tigaliirayo kugema bya kulwanisa kuja kulumba gainaago, waire okwirayo okutendekebwa mu by'entalo.

Isaia 62:4

Toliiramu kabiri kwetebwa “Eyalekulirwa agho,” oba ensi yo okwiramu okwetebwa “Ekifulukwafulukwa.” Aye olyetebwa “Eyasiimibwa,” n'ensi yo yaayetebwa “Mufumbo”; kuba Musengwa Katonda akusiima, era ensi yo eriba ng'omukazi omufumbo.

Yeremia 24:7

Ndidha kubaleeteranga okuumanha nga ninze Musengwa Katonda. Olwo beene babenga bantu bange, ate nze mbenga Katonda waibwe, kuba baja kukyuka baire ye ndi n'omwoyo gwaibwe gwonagwona.

Yeremia 30:10

Kale ni, imwe abantu bange Abaisiraeli, mutatya, waire okweraliikirira. Mubone eno, nze ndibanunula, naabatoola mu nsi eyo ey'eghala, ensi ye mulimu ng'abasibe. Muliira ewaimwe mwatyama mwatereera nga muli mu miraala, era nga ghazira kibatiisa naire.

Yeremia 32:41

Ndidha kusangaalanga okubakolera ebirungi n'okubaleetera okutyama mu nsi eno nga batereire.

Yeremia 9:24

“Aye buli yeesuuta, yeesuutenga lwa kuba nti: antegeera era andidhi nga ninze Musengwa Katonda agonza abantu obutalekera, era ni nkola amazima n'ebituufu. Ebintu ebyo n'ebinsanhusa. Nze Musengwa Katonda, ninze nkobye.”

Ezekieli 16:62

Ndiizaagho endagaano yange n'iwe.

Ezekieli 16:8

“Kabiri bwe nali ndi kubitagho nti naakubona ng'otuusiiza ekiseera eky'okufumbirwa. Agho naakughembaku ekivaalo kyange waalekera okuba amadu. Bwenebwene naakusuubiza okukufumbirwa era naamala naakola n'iwe endagaano ey'okufumbiraganwa, waafuuka wange.” Musengwa Katonda atyo bw'akoba.

Ezekieli 34:25

Ndikola nadho endagaano ey'emiraala, naamalagho mu nsi eyo ensolo enkambwe. Olwo entaama dhisobole okubanga eyo mu nsiko nga dhiri mu miraala, era dhitendukenga n'eyo mu bibira.

Ezekieli 34:27

Ensi eidha kubazanga ebirime, emiti gibalenga ebibala, n'abantu babenga mu nsi mu miraala. Era bwe ndimala okumenhamenha ebikoligo ebiri mu nkoto dh'abantu bange, ni mbawonia abo abaabafuula abairu, olwo balimanha nga ninze Musengwa Katonda.

Ezekieli 38:23

Kale ntyo bwe ndyoleka amaghanga nga bwendi omukologho era omutukuvu. Olwo balimanha nga ninze Musengwa Katonda.”

Hosea 13:4

Musengwa Katonda akoba ati: “Ninze Musengwa Katonda waimwe eyabatoola mu nsi Misiri. Muzira Katonda wundi okutoolaku nze. Era muzira mulokozi wundi okutoolaku nze.

Hosea 2:19

Iwe Isiraeli, nze ndikwandhula waaba mukazi wange ebyanda n'ebyanda. Ndiba wa mazima era omutuufu y'oli, era ndikugonza n'ekisa obutalekera.

Hosea 6:6

Mbendaku okungonzanga obutalekera, aye ti misengo; n'okuumanhanga nze Katonda waimwe, okusinga okumpa ebigheebwayo ebyokebwa.

Abalevi 26:5

Ebirime byaimwe binaabalanga inho, mwakuba engaano okutuukiza irala ni mu biseera eby'okunoga emizabbibu, era mwanoga emizabbibu okutuukiza irala ni mu biseera eby'okusigiramu engaano. Munaalyanga emere mwaiguta, era munaabanga n'emiraala mu nsi yaimwe.

Abalevi 26:6

“Nnaabaghanga emiraala mu nsi yaimwe, mwatendukanga nga ghazira kibatiisa. Era ndimalagho ensolo edh'akabi mu nsi yaimwe, ensi yaimwe yaaloba kubangamu ntalo.

Mika 4:3

Musengwa Katonda aliramula amaghanga ag'amaani, ag'okumpi n'eghala. Edhibaire empiima dhaibwe edh'okulwanisa balidhigheesaamu mbago, ate amafumo gaibwe baagagheesaamu busolobyo bwa kuwoolera. Amaghanga tigaliirayo kulwana ntalo, waire okwirayo okutendekebwa mu by'entalo.

Zekaria 9:10

Musengwa Katonda akoba ati: “Nditoola mu Isiraeli ebigaali eby'omu lutalo, naatoola ni mu Yerusalemu embalaasi. Obulaso obukozesebwa mu lutalo bulizikirizibwa. Kyabazinga oyo alireetagho emiraala mu maghanga. Alifuga ekiketezo ekiva ku nhandha okutuuka ku nhandha, n'okuva ku mwiga Eufurate okutuusa ensi y'ekanga.”

Matayo 11:27

“Byonabyona Lata wange yabingemya, era ghazira aidhi Mwana okutoolaku Lata, waire aidhi Lata okutoolaku Mwana, n'oyo Mwana y'aba asiimye okumumanhisa.

Luka 10:22

“Ebintu byonabyona, Lata wange yabimpa era ghazira aidhi Mwana okutoolaku Lata, ate ghazira aidhi Lata okutoolaku Mwana n'oyo yeenayeena Mwana y'aba asiimye okumumanhisa.”

Yoanne 17:3

Era obulamu obutawaagho ni buno: Abantu okukumanha iwe wenka Katonda ow'amazima n'oyo ye watuma, Yesu Kurisito.

Yoanne 8:55

Timumumanhangaku aye nze mwidhi. Bwe nkoba nti timwidhi mba muguya ng'oti niimwe aye mmwidhi era ngema by'akoba.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.

Ab'e Filippi 3:8

Bwenebwene ebintu byonabyona mbibona ng'okufiirwa, olw'omuganhulo ogubisinga einho oguli mu kumanha Kurisito Yesu Musengwa. Ku lulwe naleka ebintu byonabyona, era mbibona ng'ebitagasa olw'okufuna Kurisito ng'empeera yange,

Ab'e Kolosai 1:10

Agho musobole okwebisa nga Musengwa bw'ayenda era nga mukola ebimusangaaza mu buli nsambo nga kiisi kye mukola kikalamu era nga kyania ebibala, era mweyongere n'okumanha Katonda.

2 Timotheo 1:12

era kyenva ni ndaagadaaga nti. Aye ekyo tikingemya nsoni kuba ndidhi bukalamu oyo ye naikiriza, era nkakasa nti asobola bukalamu okukuuma ekyo kye yanteresa okutuusa ku lunaku lule.

Abaheburayi 8:11

Ghazira aliba na kwegeresa mwine, oba aliba na kukoba muganda we ati, ‘Manha Musengwa!’ Kuba okuviira irala ku asembayo obuto okutuukira irala ku mukulu asingayo, boonaboona baliimanha.

1 Yoanne 4:6

Ife tuli ba Katonda, aidhi Katonda atuwulirisa era atali wa Katonda tatuwulirisa. Ekyo kye tumanhiraku Mwoyo ow'amazima ni mwoyo omuguya.

1 Yoanne 5:20

Twidhi nga Omwana wa Katonda yaidha, era yaatugha okutegeera, tumanhe Katonda oyo ow'amazima. Era tuli mu oyo ow'amazima, mu Mwana we Yesu Kurisito. Ono ni Katonda mwene era n'obulamu obutawaagho.