Hosea 2:15 - Baibuli Ekibono kya Katonda 2014

¹⁵ Eyo ye ndimugheera amasamba ge ag'emizabbibu. Era ekyetebwa Ekiiko eky'Ebizibu ndikifuula omulyango ogwingira mu kusuubira. Era ng'ali eyo aliiramu okumpulira, nga bwe yampuliranga mu buto bwe mu kiseera kye yaviiramu e Misiri.

Hosea 2:15 ပူးပေါင်းရင်းမြစ်များ

1 Bakyabazinga 16:31

Eky'okukola ebibi nga Yeroboamu mutabane wa Nebati bwe yakola tikyamumala ng'oti se kitono, aye yaataaku n'okubayiza Yezebeli, mughala wa kyabazinga Ethibaali ow'Abasidoni. Ahabu oyo era yaatuuka n'okuja okugheereza omusambwa Baali era n'okugusinza.

Zabbuli 106:12

Olwo abantu be baakakasa bye yabasuubiza, era baayemba enhembo edhimusaaka.

Zabbuli 129:1

“Okuva mu buto bwange abazigu bange babaire bandaazadaaza inho.” Abantu ba Isiraeli mukobe muti:

Isaia 65:10

Balinsinzizanga e Sharoni era baatwalanga ebyayo byaibwe, baabyayira mu biketezo eby'e Sharoni eyo, ate byawuumuliranga mu kyetebwa Ekiiko eky'Ebizibu.

Isaia 65:21

Abantu balizimba endhu baadhibaamu, era baasimba amasamba g'emizabbibu baalya ebibala byamu.

Yeremia 2:1

Agho Musengwa Katonda yankoba ati:

Yeremia 2:2

“Ja olangirire eri ab'omu Yerusalemu boonaboona, oti Musengwa Katonda akoba ati, ‘Ndidhi nga bwe wali omwesigwa ng'okaali muto, era nga bwe wali n'okugonza ng'okaali mugole. Waanonerezanga nga tuli mu irungu, mu nsi ezira kintu kisigibwamu naire.

Yeremia 29:11

Nze mwene zenka, ninze ndidhi kye mbategekeire imwe. Mbategekeire bintu kubajiiranga bukalamu, se ti kubajiiranga bubi. Era ndidha kubatusaaku ebyo byonabyona bye musuubira mu maiso eyo.

Yeremia 3:4

Mpegaano muva kunkoba mbu, ‘Niiwe iseife eyatugonza okuva obuto.

Yeremia 32:15

Musengwa Katonda oyo Afuga Amagye, Katonda wa Isiraeli, akobye ati endhu, n'ebibandha, n'amasamba g'emizabbibu, biriiramu kabiri okugulwa mu nsi eno.”

Okulira 3:21

Aye eriyo kye ndidhukira nairamu eisuubi:

Ezekieli 16:22

Mu ebyo byonabyona ebyenhinhalwa n'obwamalaaya bye wakola, tiwaidhukiraku na bya mu buto bwo, nga bwe wali amadu geene, era ng'oli kusambagalira mu musaayi gwo.”

Ezekieli 16:60

Aye nze ndikuuma endagaano ye nakola n'iwe ng'okaali muto, era ndikola niiwe endagaano ey'ebyanda n'ebyanda.

Ezekieli 16:8

“Kabiri bwe nali ndi kubitagho nti naakubona ng'otuusiiza ekiseera eky'okufumbirwa. Agho naakughembaku ekivaalo kyange waalekera okuba amadu. Bwenebwene naakusuubiza okukufumbirwa era naamala naakola n'iwe endagaano ey'okufumbiraganwa, waafuuka wange.” Musengwa Katonda atyo bw'akoba.

Ezekieli 28:25

Musengwa Katonda era yaakoba ati: “Bwe ndimala okusoloza Abaisiraeli ni mbatoola mu maghanga mwe baasansaanira, olwo ab'amaghanga goonagoona balibona bwendi omutukuvu. Era Abaisiraeli abo baliba mu nsi yaibwe, ye nagha omugheereza wange Yakobo.

Ezekieli 28:26

Baligibaamu mu miraala, baazimba amayumba, baasimba n'amasamba ag'emizabbibu. Baliba mu miraala bwe ndisala omusango ni mbonereza baliraanwa baibwe boonaboona abaabanhoomanga. Olwo balimanha nga ninze Musengwa Katonda.”

Hosea 11:1

Musengwa Katonda akoba ati: “Isiraeli bwe yali omuto namugonzanga, naamweta okuva e Misiri nga mwana wange.

Hosea 12:13

Musengwa Katonda yatuma omulanzi, yaaja yaatoola Abaisiraeli mu nsi Misiri era yaabalabirira.

Hosea 12:9

Aye nze, ninze Musengwa Katonda waimwe, eyabatoola mu nsi Misiri. Era ndibaleetera kabiri okusula mu ntindi nga dhe mwasulangamu nga muli mu irungu.

Hosea 13:4

Musengwa Katonda akoba ati: “Ninze Musengwa Katonda waimwe eyabatoola mu nsi Misiri. Muzira Katonda wundi okutoolaku nze. Era muzira mulokozi wundi okutoolaku nze.

Hosea 2:12

Ndyonoonayonoona emizabbibu gye n'emiti gye emitiini, gye yakoba ati: “Gino n'empeera yange abagonzi bange ye bampa olw'okubagheerezanga.” Aye nze ndigireetera okuzika gyafuuka kibira. Era ensolo edh'omu nsiko dhiriidha dhaalya emizabbibu n'emiti emitiini egyo.

Amosi 9:14

Ndidha kwirizaagho abantu bange Abaisiraeli ebirungi. Baidha kwiramu okuzimba ebibuga byaibwe ebyazikirizibwa era babityamemu. Baidha kusimbanga amasamba ag'emizabbibu, era banhwenga omwenge ogugivaamu. Baidha kulimanga emere era bagirye.

Zekaria 9:12

Imwe abali mu bunhage, mwire mu kifo kyaimwe eky'okwewogomamu. Mwire kuba mpegaano muli n'eisuubi. Olwaleero ndi kubakakasa nti ebyaimwe byonabyona ebyayonoonebwa mu kudaazibwadaazibwa kwaimwe, ndibibairizaagho naasinzaagho emikuzi ebiri.

Okubala 21:17

Agho Abaisiraeli baayemba olwembo luno bati: “Nsulo iwe, sembula enhindo dho dhiveemu amaadhi, twidha kugembera olwembo.

Yoanne 10:9

Ninze omulyango, yeenayeena abita mu nze ng'aingira, aliwona yaingira era yaafuluma, era yaafuna n'eby'okulya.

Ebikolwa by'Abatume 14:27

Bwe baatuuka mu Antiokia baasoloza Ekikunsu ky'Abaikiriza mu Kurisito, baabakobera byonabyona Katonda bye yabakozesa era nga bw'alaze abamaghanga agandi engira ey'okwikiriza.

Yoshua 7:26

Bwe baamala, baamubungaku emungo ey'amabaale enkologho ekaaliyo ni ye buli eno. Era ekifo ekyo kyekiva kyetebwa Ekiiko eky'Ebizibu. Olwo Musengwa Katonda yaalekera agho okusungughala.

Abalamuzi 8:34

Baalekera okusinza Musengwa Katonda waibwe, eyabawonia abazigu baibwe boonaboona abaali babeezungulwire.