Hosea 2:12 - Baibuli Ekibono kya Katonda 2014

¹² Ndyonoonayonoona emizabbibu gye n'emiti gye emitiini, gye yakoba ati: “Gino n'empeera yange abagonzi bange ye bampa olw'okubagheerezanga.” Aye nze ndigireetera okuzika gyafuuka kibira. Era ensolo edh'omu nsiko dhiriidha dhaalya emizabbibu n'emiti emitiini egyo.

Hosea 2:12 ပူးပေါင်းရင်းမြစ်များ

Zabbuli 80:12

Kale lwaki wamenha olugo lwe wagusitaku, n'oleka kiisi abitagho okunoga ebibala byagwo?

Isaia 29:17

Ekaabulayo akaseera katono, ekibaire ekibira ekizibirivu eky'e Lebanoni bakifuulemu enimiro edhigimusa ebirime, ate ebaire enimiro egimusa ebirime eiremu okuba ekibira.

Isaia 5:5

Mpegaano ka mbakobere kye nja okukolera eisamba lyange eryo: Nja kulitoolaku olukomera olulyezungulwire, mmenhegho n'ekigo ekirikuuma, ensolo dhiriire omwo era dhirityankirire.

Isaia 7:23

“Olunaku olwo bwe lulituuka, buli kifo aghaabanga emizabbibu olukumi (1,000), nga buli mulala gujaamu ebitundu bya feeza lukumi, ghalizika ghaameragho nkandwa na mawa.

Yeremia 13:26

Musengwa Katonda mwene aja kubatoolamu ebivaalo byaimwe, mube madu muswale.

Yeremia 26:18

“Hezekia bwe yali nga ni kyabazinga wa Buyudaaya, omulanzi Mika eyabanga e Moreshethi yakobera abantu ati Musengwa Katonda Afuga Amagye akoba ati, ‘Olusozi Sioni balirulima ng'oti nimiro; ekibuga Yerusalemu kirifuuka mmungo dha bifunfugu, n'olusozi lwonalwona oluliku eisinzizo lwafuuka kibira.’

Yeremia 5:17

Balirya emere yaimwe ni byonabyona bye muli kukungula. Balizikiriza emizabbibu gyaimwe n'emitiini gyaimwe, baasaaniagho embuzi dhaimwe n'ente dhaimwe, era baita batabane baimwe ni baghala baimwe. N'ebibuga byaimwe ebyezungulwirwa ebimante ebigumu bye mwesiga, balibizikiriza mu lutalo.”

Yeremia 8:13

“Nayenda okusoloza abantu bange ng'oti n'omuntu bw'asoloza by'akungula. Aye nga bali ng'oti n'omuzabbibu oguziraku mizabbibu, oba ng'oti n'omutiini oguziraku mitiini. Era n'amakaba nga gaaniala. Kale ni, n'ebyo bye nali mbaghaire biribatoolebwaku.”

Hosea 13:8

Ndibatuumiraku ng'oti n'ekisolo ekikambwe kye banhazeeku obwana bwakyo, naabayuzaamu ghabiri. Ndibakankamira nga muli gheene agho ng'oti mpologoma yeene, naabayuzayuzaamu bukutukutu ng'oti nsolo ya mu nsiko.

Hosea 2:5

Inhaibwe yakola obwamalaaya, oyo eyabazaala yeebisa mu nsambo eswaza ng'akoba ati: “Ndidha kuja y'abagonzi bange, bampe emere, n'amaadhi, n'engoye empegheevu, n'edho edhaakolebwa mu buviiri bw'entaama, n'omuzigo ogw'ebibala eby'emiti emyoliva, n'eby'okunhwa.”

Hosea 5:14

Kale ndirumba Isiraeli ni Buyudaaya ng'oti mpologoma. Era nze mwene, ninze ndibayuzayuza, memale neejiira. Ndibaghaluudhania naabatwala nga ghazira n'asobola kubawonia.

Hosea 9:1

Imwe Abaisiraeli, mulobe kusagamba waire okuba abasangaavu ng'oti n'abantu abatatya Katonda; kuba mwaloba okuba abeesigwa mwava ku Katonda waimwe. Mwasanhukira inho engaano eva mu bifo aghakubirwa engaano, nga mulowooza muti eyo n'empeera emisambwa ye gibagha olw'okwetunda ye giri nga bamalaaya.

Mika 3:12

Kale ni ku lwaimwe, olusozi Sioni balirulima ng'oti nimiro, ekibuga kya Katonda Yerusalemu kyasigala agho nga mmungo ya bifunfugu n'olusozi lwonalwona oluliku eisinzizo lwafuuka kibira.