Hosea 2:11 - Baibuli Ekibono kya Katonda 2014

¹¹ Ndirekeza ebintu byonabyona ebimuleetera okusagamba: embaga edh'ebibinuko bye byonabyona eby'Okuboneka kw'Omwezi, n'edha Sabbato, n'edh'ebibinuko bye ebindi byonabyona ebyalagirwa.

Hosea 2:11 ပူးပေါင်းရင်းမြစ်များ

1 Bakyabazinga 12:32

Era yaataagho ekibinuko, kibengagho mu mwezi ogwomunaana, ku lunaku olweikumi n'eitaanu, nga kye baabanga nakyo mu Buyudaaya. Yaaja ku alutaari e Betheli yaaghaayo emisengo y'ebifaananie eby'ente ento bye yakola, era yaataagho bakabona abaagheerezanga mu masabo ge yazimba.

Yeremia 16:9

Wulirisa bukalamu, nze Musengwa Katonda Afuga Amagye era Katonda wa Isiraeli, bye ndi kubakoba: Bona, ndidha kulekeza amamiro ag'abali mu binhumo ni mu kusagamba galobe kuwulirwaku naire, ndekeze n'emizira gy'abo abali mu mbaga dh'obugole. Ekyo nja kukikola nga n'imwe mukaali balamu era nga mubona.

Yeremia 25:10

N'ekindi, nja kusirisa emizira egy'abali mu binhumo ni mu kusagamba, nsirise n'egy'abo abali mu mbaga edh'obugole. Tibaliba na mafuta ga kwasa ntaala, waire okuba n'emere ey'empeke ey'okusa ku mmengo.

Yeremia 7:34

Mu bibuga bya Buyudaaya ni mu nguudo dha Yerusalemu, ndidha kulekeza emizira egy'abali mu binhumo ni mu kusagamba, ndekeze n'egy'abo abali mu mbaga edh'obugole kuba ensi eyo ya kufuuka bifulukwafulukwa omutaba bantu.”

Ezekieli 26:13

Ndirekeza abantu okwembera mu iwe enhembo, naasirisa n'entongooli dho dhoonadhoona nga tidhikaawulirwaku naire.

Hosea 3:4

Mu nsambo ng'oti n'eyo, Abaisiraeli boona balimala ekiseera kireeyi nga bazira kyabazinga waire omukulembeze, nga bazira misengo gye baghaayo waire okuba n'empango dh'amabaale edhisinzibwa, nga bazira bivaalo bakabona bye bakozesa mu kulagula waire okuba n'ebifaananie ebisinzibwa ebyetebwa terafimu.

Hosea 5:7

Tibabaire beesigwa naire ye Musengwa Katonda era bazaire abaana abatali babe. Aye tibaabite mu Kibinuko eky'Okuboneka kw'Omwezi, baja kuzikirira beene ghalala n'enimiro dhaibwe.

Abalevi 26:20

Bwe munaakolanga emirimo, amaani gaimwe ganaabafanga busa, kuba ensi teebazenga birime, n'emiti tigiibalenga bibala.

Amosi 5:21

Musengwa Katonda akoba ati: “Nsiniirwa era tibona makulu mu bibinuko byaimwe. Era timuunhoonha naire, bwe mwesoloza okwidha okunsinza.

Amosi 8:3

Ku lunaku olwo, edhibairenga enhembo dhe bembera mu isinzizo, dhirifuuka maliro. Ghalibaagho emirambo kamaala inho, nga giri kusuulibwa buli ghantu mu kasirise.” Musengwa Katonda atyo bw'akoba.

Amosi 8:5

Muja mwakoba muti: “Enaku enkulu dhiriwaaku li memale tutunde ku birime? Ni Sabbato enaawaku li memale tutunde engaano? Olwo tukendeeze ku bipimo, ate twongezeemu n'emighendo, tusibe minzaani tuseere be tuguza.

Nahumu 1:10

Waire muli ng'oti n'amawa amakaadaanie, era mwaba ng'oti n'abanhwi b'omwenge abatamiire, muja kusaanagho ng'eisubi eikalu bwe limamuka n'omuliro.