Hosea 2:10 - Baibuli Ekibono kya Katonda 2014

¹⁰ Ndimutoolamu ebivaalo yaaba madu mu maiso g'abagonzi be, ghaabulagho amutoola mu buyinza bwange.

Hosea 2:10 ပူးပေါင်းရင်းမြစ်များ

2 Ebyomubyanda 24:7

Batabane ba Athalia, omukazi omubi oyo, baali bamenhie eisinzizo lya Katonda, baingira era baatoolamu ebintu byonabyona ebyagheebwayo okuba eby'eisinzizo lya Musengwa Katonda eryo, baabigha emisambwa Baali.)

Zabbuli 50:22

Mumanhe kino imwe abatanfaaku nze Katonda: nsobola okubayuzayuza ate nga ghazira na muntu wa kubawonia.

Ensambo 11:21

Ekikakafu kiri nti abakozi b'ebibi baja kubonerezebwa, aye abatuufu akabi tikaja kubatuukaku naire.

Isaia 3:17

Aye nze Musengwa Katonda ndidha kuleetera emitwe gy'abakazi b'omu Yerusalemu abo okugwa empaata basigale nga bazira nviiri ku mitwe, era mpembule ebitundu byaibwe eby'ekyama.”

Yeremia 13:22

Bwe weebuuza mule lwaki ebyo byonabyona bikutuuseeku, ni bakukanulaku ebivaalo byo, ni bakugema eby'entaka era ni bakukaka okuba niiwe? Okwiramu kuli nti, lwa kuba ebibi byo binene inho.

Yeremia 13:26

Musengwa Katonda mwene aja kubatoolamu ebivaalo byaimwe, mube madu muswale.

Ezekieli 16:16

Watoola ku bivaalo byo waatimba amasabo go okugadholiga, waakolera omwo obwamalaaya mu nsambo etabangaghooku era etaja kubaagho kabiri.

Ezekieli 16:19

Emere yange ye nakugha ey'obuwunga obuseereibwa obukalamu, n'omuzigo ogw'ebibala eby'emiti emyoliva, n'omudheenene ogw'endhuki, waabighaayo ye biri ng'ebigheebwayo ebiri n'akawoowo akasanhusa ebifaananie ebyo.” Musengwa Katonda atyo bw'akoba.

Ezekieli 23:29

Nga bwe bakukyaye, balikutoolaku byonabyona bye wakolerera, baakuleka ng'oli madu ng'oti malaaya, era ng'ozira kantu naire. Obwenzi bwo n'obwamalaaya bwo,

Hosea 10:1

Abaisiraeli bali ng'oti n'omuzabbibu ogubala emizabbibu kamaala. Ye baakoma okweyongera obungi, ye baakoma n'okuzimba alutaari enhingi. Era ensi yaibwe ye yakoma okweyongera okuba enungi, ye baakoma n'okulungiya empango dh'amabaale dhe baasinzanga.

Hosea 13:1

Mu biseera ebyabita, ab'ekika kya Efuraimu bwe baayogeranga, ng'ab'ebika ebindi mu Isiraeli badhugumira. Abaefuraimu abo baateebwangamu ekinhagansi. Aye nga bwe beereetera omusango olw'okusinza omusambwa Baali, bali n'okufa.

Hosea 2:3

Bw'ataalekere ndidha kumwambulamu ebivaalo asigale madu ng'oti ni bwe yali ku lunaku lwe baamuzaaliraku. Ndidha kumufuula ng'oti irungu, abe ng'oti itaka ikalu ery'olubbalangu, era mmuleetere okufa endiwo.

Hosea 6:9

Ng'ekikuukuulu ky'abanhazi bwe kyeteega omuntu, ni bakabona boona batyo beeyimba, baatemula abantu ku ngira eja mu kifo ekitukuvu e Shekemu. Bwenebwene bakola ebibi ebyo nga bagendereire.

Mika 5:8

Abaisiraeli abo abaliwonagho eyo mu maghanga, baliba ng'oti n'empologoma eri kuyiiga ensolo edh'omu nsiko mu kibira, oba eri kuyiiga entaama mu kyayiro. Kiisi y'etuukaku egituumiraku yaagikankanula nga ghazira isuubi lyonalyona lya kuwona.

1 Ab'e Korintho 4:5

Kale mutasaliranga muntu yeenayeena musango nga ekiseera kikaali kutuuka ekya Musengwa waife okwidha. Oyo alita mu butangaavu ebintu ebigise mu nzikiiza, era alitoolayo ebidhuubo ebigise mu myoyo gy'abantu byamanhibwa. Olwo ni buli muntu yaasiimibwa Katonda.