Hosea 14:6 - Baibuli Ekibono kya Katonda 2014

⁶ Baliba n'obulamu buyaaka ng'oti muti ogusibwisa ensaga ni dheeyandhala, era nga baboneka bulungi ng'oti miti myoliva. Baliwunha akawoowo ng'oti ka miti egy'e Lebanoni.

Hosea 14:6 ပူးပေါင်းရင်းမြစ်များ

Amainhama 27:27

Yaaseeta, yaamugwa mu kifuba. Isaaka yaawunhiza akawoowo k'ebivaalo bye, yaamusabira enkabi, ng'akoba ati: “Akawoowo ak'omwana wange kali ng'oti n'akawoowo ak'enimiro Musengwa Katonda gy'aghaire enkabi!

Zabbuli 128:3

Mu maka go, mukazi wo aidha kubanga ng'oti n'omuzabbibu ogwama einho, ate abaana bo babenga oti miti emyoliva emito, nga beezungulwire ekiiwulo.

Zabbuli 52:8

Aye nze ndi ng'oti n'omuti omwoliva omugimu, ogukulira mu ndhu ya Katonda. Nkakasa nga Katonda aidha kungonzanga obutalekera ebyanda n'ebyanda.

Zabbuli 92:12

Abatuufu baja kweyongeranga okuba obulungi ng'oti n'omuti omunaazi, era bakule ng'oti n'emivule egy'e Lebanoni.

Isaia 27:6

Mu biseera ebiri kwidha, Abaisiraeli baidhukulu ba Yakobo balisimba emizi ng'oti muti, baamulisa ekimuli, era baataaku ebibala ebiidhuza ensi.

Isaia 35:2

Eirungu liryemba lyakuba emizira. Liriboneka bulungi nga lisanhusa ng'oti n'ensozi dh'e Lebanoni, era lyaba igimu ng'oti n'enimiro edh'e Karumeli n'e Sharoni. Abantu boonaboona balibona ekitiisa kya Musengwa Katonda, baabona n'amaani n'obuyinza bwe.

Isaia 66:14

Ekyo mulikibona mwasagamba mu myoyo ni mu mibiri, mwairamu obulamu n'amaani. Era kirimanhikana nga nze Musengwa Katonda nhamba abagheereza bange abampulira, aye naasungughalira abazigu bange.”

Yeremia 11:16

Ghaligho olundi lwe nabeetaku omuti omwoliva ogusagaatiriire amakaba n'ebibala ebiboneka obulungi einho. Aye buti ndidha kugusindikaku kiwunga ow'amaani alimu n'okutyabuka, agukunaanieku omuliro, ensaga dhaagwo dhisiriire.

Hosea 6:3

Ka tufube inho okumanha Musengwa Katonda. Okwidha kwe ye tuli kukakafu ng'oti bwire kukya. Aliidha ye tuli ng'oti maadhi matoigo, agagwa ni gafukirira ensi.”

Matayo 13:31

Yaabakobera olufumo olundi ati: “Obwakyabazinga obw'omu igulu bufaanana ng'oti n'akamuuma ka kaladaali, omuntu ke yatoola n'asiga mu nimiro ye.

Yoanne 15:1

“Ninze omuzabbibu gwenegwene, ate Lata wange n'omulimi.

Ab'e Filippi 4:18

Ebintu byonabyona mbifunie mu bwidhuvu, bisingaku ni bye neetaaga. Mperaano buli kintu kye neetaaga ndi nakyo okuva Epafurodito bwe yampa ebyo bye mwantonera nga biri ng'omusengo oguwunhira Katonda akawoowo, gw'asiima era ogumusangaaza.