Hosea 14:5 - Baibuli Ekibono kya Katonda 2014

⁵ Ng'amaadhi bwe gagwa ku itaka eikalu ni linoga amaadhi obukalamu, zeena ntyo bwe ndigha Abaisiraeli ebirungi kamaala. Baliba ng'oti kisimbe ekimuliisa ekimuli, era baasimba emizi mu itaka, baagumiragho ng'oti miti emipopulari egy'e Lebanoni.

Hosea 14:5 ပူးပေါင်းရင်းမြစ်များ

2 Samueli 23:4

ababonekera ng'oti n'akasana ak'oku nkyo, ak'endhuba evaayo ku lunaku oluziraku bire ku igulu aba ng'oti maadhi agaleetera eisubi okusibuka okuva mu itaka.

2 Bakyabazinga 19:30

Abo abaliwonagho mu Buyudaaya, balisibuka ng'ebimera ebisimba emizi gyabyo ghansi mu itaka, ni bitaaku ebibala ghaigulu.

Yobu 29:19

Nali ng'oti muti ogulandiza emizi aghali amaadhi, nga n'omusulo gugwa ku nsaga dhaagwo obwire bwonabwona.

Zabbuli 133:3

Kiri ng'oti n'omusulo ogw'oku lusozi Herimoni ogugwa ku nsozi dha Sioni. Eyo mu Sioni Musengwa Katonda ye yasuubiza okugha abantu enkabi, obwo nga n'obulamu obutawaagho.

Zabbuli 72:16

Emere ebenga ya mwero mu byalo; ensozi dhoonadhoona dhiidhule misiri, ebibala byagyo bibe ng'oti n'ebibala eby'omu Lebanoni. Ebibuga biidhule abantu abangi ng'oti isubi.

Zabbuli 72:6

Abe wa mugaso ng'amaadhi agagwa ku bisimbe mu nimiro, agagwa okufukirira eitaka.

Zabbuli 80:9

Waagulimaku, gwasimba emizi, gwabuna ensi.

Zabbuli 92:12

Abatuufu baja kweyongeranga okuba obulungi ng'oti n'omuti omunaazi, era bakule ng'oti n'emivule egy'e Lebanoni.

Zabbuli 92:13

Bali ng'oti n'emiti egyasimbwa mu ndhu ya Musengwa Katonda, era bakula bukalamu mu isinzizo lya Katonda waife.

Ensambo 19:12

Kyabazinga bw'asungughala aba ng'oti n'empologoma eri kuwologoma, aye ekivunika kye kiri ng'oti n'omusulo ogughegheeza ebisimbe ni birama.

Olwembo 2:16

Omugonzi wange oyo, wange, zeena ndi wuwe. Ayayira ebyayo bye mu bimuli ebyetebwa liri.

Olwembo 4:5

Amabeere go gombi gaboneka bulungi, ng'oti n'empuuli ento eibiri enongo, nga dhiri kuliira mu bimuli ebyetebwa liri.

Isaia 12:1

Olunaku olwo bwerulituuka, abantu balyemba bati: “Wo Musengwa Katonda, nze ndidha kukusiimanga. Waire nga wali onsungughaliire, obusungu bwo bwamala bwawaagho, wangumya.

Isaia 18:4

Musengwa Katonda ankobye ati aliba mu kifo kye mw'aba, yaalingirira kisiriikiriza ng'oti n'olwota bwe lukunkunira mu kasana akali kwememula, era yaaba ng'oti n'omusulo ogutoonhera mu lwota olw'obwire mu biseera by'amakungula.

Isaia 26:19

Abantu bo abaafa baliba balamu kabiri, emibiri gyaibwe gyairamu obulamu. Abo boonaboona abalambaire e magombe, balisituka baayemba olw'eisanhu. Ng'amatondo g'omusulo gw'oku nkyo bwe galeetera ebimera ku nsi okwiramu okuboneka obulungi, ni Musengwa Katonda atyo bw'aliiza obulamu mu abo abaafa eira.

Isaia 27:6

Mu biseera ebiri kwidha, Abaisiraeli baidhukulu ba Yakobo balisimba emizi ng'oti muti, baamulisa ekimuli, era baataaku ebibala ebiidhuza ensi.

Isaia 35:2

Eirungu liryemba lyakuba emizira. Liriboneka bulungi nga lisanhusa ng'oti n'ensozi dh'e Lebanoni, era lyaba igimu ng'oti n'enimiro edh'e Karumeli n'e Sharoni. Abantu boonaboona balibona ekitiisa kya Musengwa Katonda, baabona n'amaani n'obuyinza bwe.

Isaia 44:3

Ndireeta amaadhi gaagwa mu nsi eziramu waire itondo lya maadhi, era naata emiiga mu itaka eryakala. Ndireeta omwoyo gwange gwaika ku baana baimwe, era naayugha enkabi dhange ku baidhukulu baimwe.

Isaia 45:8

Iwe eigulu, toonhesa obutuufu buve ku igulu ng'oti maadhi, era ensi eyasame ebumire, bumerukemu eidembe n'amazima, bibe ku nsi. Nze Musengwa Katonda ninze ndidha okuleetera ekyo okubaagho.”

Isaia 57:18

“Waire namala ira okubona nga bwe beebisa obubi, aye era ndibakyusa naabawonia, naabakulemberamu, era ebibi byaibwe naabisasulamu ebirungi olwo naasangula amaziga g'abo abalira.

Isaia 57:19

Nze Musengwa Katonda nkoba nti ninze ndeetera abantu ab'okumpi n'eghala okuba mu miraala. Era ninze ndiwonia abantu bange.

Yeremia 3:22

Musengwa Katonda akoba nti: ‘Imwe abatali beesigwa, mwire ye ndi, ndidha kubawonia mbafuule beesigwa.’ Ate imwe mukoba muti: ‘Bona eno, twidhie y'oli, kuba niiwe Musengwa Katonda waife.

Yeremia 32:41

Ndidha kusangaalanga okubakolera ebirungi n'okubaleetera okutyama mu nsi eno nga batereire.

Hosea 6:3

Ka tufube inho okumanha Musengwa Katonda. Okwidha kwe ye tuli kukakafu ng'oti bwire kukya. Aliidha ye tuli ng'oti maadhi matoigo, agagwa ni gafukirira ensi.”

Mika 5:7

Olwo Abaisiraeli abaliwonagho eyo ye baliba mu maghanga mu bunhage, baliba ng'oti n'omusulo oguva ye Musengwa Katonda, era baaba ng'oti n'amaadhi agagwa agakuza ebisimbe. Baja kwesiga maani ga Katonda gonka, se ti ga bantu.

Mika 7:18

Ezirayo katonda ali ng'oti niiwe, Musengwa Katonda. Osonigha ebibi eby'abantu bo abawoniegho. Tosungughala bujiiririire, aye osangaala okutwoleka okugonza kwo okutakoma.

Matayo 6:28

“Eby'ebivaalo lwaki mubyeraliikirira? Mudhuubirize ku bimuli eby'omu nsiko nga bwe bikula: ghazira kye bikola waire kuluka ngoye.

Luka 12:27

Ate bw'olowooza ebimuli bya liri nga bwe bikula: Tibitakabana waire okuluka engoye aye nhenda okubakobera, waire Solomoni mu bitiisa bye byonabyona, tiyavaalanga n'ayaga waire n'ekimuli ekirala ku ebyo.

Ab'Efeso 3:17

Kurisito abe mu myoyo gyaimwe olw'okwikiriza kwaimwe. Musimbire irala emizi mu kugonza era mukalangukiremu.

Amateeka Agokubiri 32:2

Nsaba bye ndhegeresa bibe ng'oti n'amaadhi agali kugwa, bye ndhogera bigwe ng'oti musulo, ng'oti n'oluudhi olufuunhagala ku bimera ebigonvu, ng'oti n'olumiiyirizi ku isubi eito.