Hosea 14:1 - Baibuli Ekibono kya Katonda 2014

¹ Imwe Abaisiraeli, mwire eri Musengwa Katonda, oyo Katonda waimwe, kuba ebibi byaimwe byabaleetera okwekontola mwagwa.

Hosea 14:1 ပူးပေါင်းရင်းမြစ်များ

2 Bakyabazinga 8:12

Hazaeli yaabuuza ati: “Musengwa Katonda wange, lwaki oli kulira?” Elisha yairamu ati: “Lwa kuba ndidhi ebiinoino by'olikola ku Baisiraeli. Olikuma omuliro ku bifo byaibwe eby'okwewogomamu, waita abaana baibwe abaakaisuka, era waabaagamu abakazi baibwe abali enda.”

Isaia 19:22

Musengwa Katonda alibonereza Abamisiri, aye ate b'abonereiza alimala yaabawonia. Balikyukira y'ali baamusaba, era yaawulira okusaba kwaibwe yaabawonia.

Yeremia 2:19

Ebibi byaimwe byene n'ebiribakangaivula imwe, era okunvaaku kwaimwe n'okulibasalira omusango okubasinga. Mukibone era mukimanhe nga bwekiri ekibi einho era eky'obulumi, okunvaaku nze Musengwa Katonda waimwe era n'obutantya. Nze Musengwa Katonda Afuga Amagye, ninze nkobye.”

Yeremia 4:1

Musengwa Katonda akoba ati: “Imwe Abaisiraeli, oba nga bwene mwenda okukyuka, mukyuke mwire ye ndi. Bwe mutoolagho ebyenhinhalwa byaimwe bye musinza, ni mugumira ku nze aghazira kudaaliima naire,

Okulira 5:16

Ghazira akaatutaamu kitiisa. Tukagwireku, kuba twayonoona.

Ezekieli 16:46

“Mukulu wo bamweta Samaria, ng'ali ku luuyi lwo olw'omukono omugooda olw'e buvandhuba ghalala n'ebibuga bye. Ate muto wo bamweta Sodoma, ng'ali ku luuyi lwo olw'omukono omusaadha olw'e buvandhuba ghalala n'ebibuga bye.

Ezekieli 33:11

Bakobe oti nze Musengwa Katonda nga bwendi omulamu, tinhumirwa kubona mwonooni ng'afiire. Aye nhenda akyuke aleke ebibi bye, abe mulamu. Imwe abantu b'eighanga Isiraeli, mukyuke. Mukyuke muve mu mpisa dhaimwe embi. Lwaki mwenda okufa?

Ezekieli 33:14

Era bwendabula omuntu omubi nti bwenebwene aidha kufa, aye n'akyuka n'alekera okukola ebibi, n'akola ebituufu ebigwaniire ng'ajiira ku mateeka,

Hosea 10:12

Nze naakoba nti, ‘Mulime enimiro dhaimwe edhaawuumuzibwaku okulimwa, musige ensigo ey'obutuufu. Mwidha kukungula ebibala olw'okungonza nze obutalekera. Kino n'ekiseera okuunoonia nze Musengwa Katonda. Era ndidha kwidha mbamwageku emikisa egy'obulokozi mingi ng'oti n'amaadhi agagwa.’

Hosea 12:6

Kale imwe baidhukulu ba Isiraeli, mwire ye Katonda waimwe oyo aidha kubayambanga. Mwekalangulenga okugonzania n'okukola amazima. Era aghazira kukoogha naire, muteegererenga okubona ky'anaabakoleranga.

Hosea 12:8

Bakoba bati, ‘Tuli bakombe, era ebintu ebingi bye tuli nabyo, ghazira asobola kutulumiriza ati twabifuna mu kukupankupania.’

Hosea 13:9

Ndibazikiriza imwe Abaisiraeli. Naani alisobola okubayamba?

Hosea 4:8

Mufuuka bakombe olw'ebyo ebigheebwayo abantu bange ku lw'ebibi byaibwe, kyemuva mwenda inho beeyongere okwonoona.

Hosea 5:5

Abaisiraeli abo okwekuluntaza kwaibwe kubabonekera ni ku maiso. Ebibi byaibwe biribaleetera okugwa, n'Abayudaaya boona baagwa ghalala nabo.

Hosea 6:1

Abantu baja baakoba bati: “Mukole twire ye Musengwa Katonda. Waire nga mwene n'eyatuyuzayuza aye alituwonia; era waire nga n'eyatufumita aye alitunhiga ebibwa ebyo.

Hosea 9:13

Wo Musengwa Katonda, ndi kubona abaana ba Isiraeli, ng'abazigu bali kubayiiga bwe babaita.

Hosea 9:7

Ekiseera eky'okubonerezebwa kituuse, ekiseera ekya buli muntu okufuna ekimusaana. Mulikoba muti: “Omulanzi ono musiru,” era muti: “Omuntu ono aliku omwoyo gwa Katonda, mulalu.” Mukoba mutyo, kuba ebibi byaimwe bingi inho, n'obukyayi bwe muli nabwo bubitirivu.

Amosi 1:13

Musengwa Katonda akoba ati: “Abantu ab'omu Ammoni bakoze ebibi emikuzi kamaala. N'olw'ensonga eyo nteekwa buteekwe okubabonereza kuba, mu ntalo dhe baalwana okugaziya ekiketezo kyaibwe, baasalanga amabunda g'abakazi be baayagaananga nga bali nda mu Gileadi.