Hosea 13:5 - Baibuli Ekibono kya Katonda 2014

⁵ Ninze eyabalabiriranga nga muli mu irungu, mu nsi enkalu.

Hosea 13:5 ပူးပေါင်းရင်းမြစ်များ

Amainhama 31:40

Kale omusana gwampwerangaku, ate obwire empewo yanfuuwanga, era endoolo dhambulanga mu maiso.

Zabbuli 1:6

Katonda alabirira era yaakugira abatuufu, aye ababi balizikirira.

Zabbuli 142:3

Amaani bwe gampwamu, ankuuma yandabirira. Mu ngira mwe mbita, abazigu bange batezeemu omutego okungemya.

Zabbuli 31:7

Ndidha kusangaalanga era nsagambenga olw'okugonza kwo okutakoma; kuba obona okudaazibwadaazibwa kwange, era ofaayo ku bizibu byange.

Zabbuli 63:1

Wo Katonda, niiwe Katonda wange, omwoyo guunumira iwe. Nhenda inho okuba gh'oli; ng'oti n'eitaka eikalu bwe lyetaaga maadhi.

Okuvaayo 2:25

Katonda yaalingirira Abaisiraeli, yaamanha nga bali bubi, era yaabalumirwa.

Yeremia 2:2

“Ja olangirire eri ab'omu Yerusalemu boonaboona, oti Musengwa Katonda akoba ati, ‘Ndidhi nga bwe wali omwesigwa ng'okaali muto, era nga bwe wali n'okugonza ng'okaali mugole. Waanonerezanga nga tuli mu irungu, mu nsi ezira kintu kisigibwamu naire.

Yeremia 2:6

Baaloba okwebuuzaaku naire bati, ‘Musengwa Katonda ali gha? Oyo n'eyatutoola mu nsi Misiri, yaatubisa mu irungu, mu nsi enkalu eidhwire ebiina, eziramu maadhi era ey'akabi, eziramu muntu agibitamu, era etabaamu bantu.’

Hosea 5:3

Nze ndidhi Abaisiraeli nga bwe bafaanana era tibasobola kuneegisaaku. Abaisiraeli abo tibabaire beesigwa naire, era bafuuse abatali balongoofu.”

Hosea 9:10

Musengwa Katonda akoba ati: “Nayagaana ensi Isiraeli ng'oti n'ole bw'ayagaana emizabbibu egiri kukulira eyo mu irungu. Era naabona badhaadha baimwe ng'oti n'ole bw'abona ebibala eby'omutiini ebisooka okwenga mu mwaka. Aye bwe baatuuka ka lusozi Peori baatoolera okusinza omusambwa Baali, olwo baafuuka ekyenhinhalwa ng'oti n'omusambwa gwene ogwo gwe baasinzanga bwe gwali.

Nahumu 1:7

Musengwa Katonda mulungi, oyo n'ekifo eky'okwewogomamu mu biseera ebizibu; alabirira abo abamwesiga.

1 Ab'e Korintho 8:3

Aye omuntu bw'agonza Katonda, Katonda amumanha.

Ab'e Galatia 4:9

Aye mperaano nga bwe mwidhi Katonda, oba ka nkobe nga Katonda bw'abaidhi, musobola mutya kabiri okwiramu okufugibwa emisambwa egy'oku nsi kuno, eminafu era egizira kye gigasa? Mwenda kabiri mube bairu ba bintu ng'oti n'ebyo?

Amateeka Agokubiri 2:7

“Musengwa Katonda waimwe yabagha enkabi, ebintu byonabyona byabajiira bukalamu. Yaabalabirira nga muli kubita mu irungu lino einene. Emyaka gino amakumi ana yaaba ghalala n'imwe, nga muzira kye mudhulirira.

Amateeka Agokubiri 32:10

Yabaagaana nga batambulatambula eyo batyo mu irungu eikalu, eriidhwire kiwunga w'empewo. Yaabakuuma, yaabalabirira, ng'omuntu bw'alabirira emboni y'eriiso lye.

Amateeka Agokubiri 8:15

Yababisa mu irungu einene era eritiisa, omwali emisota n'ebiyiri eby'obusagwa. Mu irungu omwo omuzira maadhi, yaabafunira amaadhi okuva mu lubaale olubbalangufu.”