Hosea 13:13 - Baibuli Ekibono kya Katonda 2014

¹³ Abaisiraeli abo bali n'omukisa ogw'okuba abalamu. Aye olw'obusiru bwaibwe tibasobola kugukozesa. Bali ng'oti mwana atuuse okuzaalibwa, aye n'aloba okufuluma mu nda ya inhina!

Hosea 13:13 ပူးပေါင်းရင်းမြစ်များ

2 Bakyabazinga 19:3

Baamukoba bati: “Hezekia akoba ati, ‘Olunaku luno lwa kudaazibwadaazibwa, kubonerezebwa na kuswazibwa. Tuli ng'oti n'omukazi atuusiisa okuzaala, aye ng'aziramu maani gasindika mwana.

Zabbuli 48:6

Baatya inho era baalumwa ng'oti n'omukazi bw'alumwa ng'azaala.

Ensambo 22:3

Omuntu omutegeevu abona akabi nga kali kwidha yaakeesamba; aye ole azira magezi aja buje yaakagwamu.

Isaia 13:8

Abantu baliidhula okutya baaba n'obulumi, ng'oti n'omukazi ali kulumwa okuzaala. Baliringaganaku mu kutya, nga buli muntu ensoni dhimugemye.

Isaia 21:3

Obulumi bwe ndi nabwo bwenda kundhita bwite; ndi ng'oti n'omukazi ali kulumwa okuzaala. Obulumi tibunganha kubona waire okuwulira.

Isaia 26:17

Wo Musengwa Katonda, ng'omukazi ali enda bw'ayana ng'ali kulumwa ebisa by'omwana, ni yeegoniola ng'ebiseera bye eby'okuzaala bituuse, twena tutyo bwe twabanga mu maiso go.

Isaia 37:3

Baamukoba bati: “Hezekia akoba ati, ‘Olunaku luno lwa kudaazibwadaazibwa, kubonerezebwa na kuswazibwa. Tuli ng'oti n'omukazi atuusiisa okuzaala, aye ng'aziramu maani gasindika mwana.

Isaia 66:9

Mulowooza muti nze ndituusa abantu bange mu kaseera ak'okuzaalibwa, aye naabalekayo mu nda, naaloba kubatuusa ku kuzaalibwa?

Yeremia 13:21

Olyogera ki, ng'abantu be wadhuubanga okuba bakagwa bo bakughangwire era baakufuga? Toliwulira bulumi ng'oti n'obw'omukazi ali kulumwa okuzaala?

Yeremia 22:23

Imwe buti mweyagalira mu mivule egyava e Lebanoni, aye muja kusaasirwa inho ng'obulumi bubatuuseeku, obulumi obuli ng'oti bwa mukazi ali kulumwa okuzaala.”

Yeremia 30:6

Buti sooka olowooze era weebuuze! Bwenebwene omusaadha asobola okuzaala omwana? Memale lwaki mbona buli musaadha ng'agemereire enda ye ng'oti n'omukazi ali kulumwa okuzaala? Lwaki buli muntu ayakaanhiriire?

Yeremia 4:31

Mpuliire okusinda ng'oti n'okw'omukazi ali kulumwa okuzaala, era naawulira okwana ng'oti n'okw'omukazi ali kuzaala omwana we omuberi. Okwo n'okulira kwa Yerusalemu ali kusika omuuka nga tigwidha, n'ayandhuluza emikono ng'akoba ati: ‘Nkagwireku nze! Abatemo bali kwenda kundhita!’”

Yeremia 49:24

Abantu b'e Damasiko bawoiremu amaani era balumwikegho nga batiire inho. Bali mu bulumi era beeraliikirivu, ng'oti n'omukazi ali kulumwa okuzaala.

Hosea 5:4

Ebikolwa byaibwe tibibaganha kukyuka kwira ye Katonda waibwe; kuba batwalirizibwa okusinza ebitali Katonda, baaloba okumanha Musengwa Katonda oyo.

Yoanne 16:21

Omukazi bw'aba ng'aja okuzaala awulira obulumi kuba ekiseera kye kituuse, aye kasita amala okuzaala omwana, aba nga takaidhukira bulumi olw'eisanhu ery'okuzaala omuntu ku nsi.

Yoanne 5:4

Kuba ghaalingagho ebiseera malaika mwe yaikiranga mu kidiba n'ataabuula amaadhi, era nga kiisi asooka okwika mu maadhi nga gamaze okutaabuuka, awona kiisi bulwaire bwonabwona bw'aba ng'alwaire.]

Ebikolwa by'Abatume 24:25

Aye Paulo bwe yayogera ku butuukirivu, ni ku muntu okufuga omubiri gwe, era ni ku lunaku olw'okusaliraku omusango, Felikisi yaatya, yaakoba ati: “Mperaano ja ndidha kufunayo ekiseera nkwetese.”

2 Ab'e Korintho 6:2

Katonda akoba ati: “Nakuwulira mu kiseera kyange eky'okukugemerwa ekisa, era naakubeera ku lunaku lwange olw'okukulokola.” Bona eno! Kino n'ekiseera eky'okugemerwaku ekisa, olwaleero n'olunaku olw'okulokolebwa.

Amateeka Agokubiri 32:6

Obwo bwene, mutyo bwe mugwaine okubisa Musengwa Katonda, imwe abantu abasiru era abatategeera? Ti ni iseimwe eyabataagho? Ti n'eyabafuula eighanga?

1 Ab'e Thessalonika 5:3

Abantu balikoba bati: “Ghaligho emiraala era ghazira kabi,” aye balija okubona bati ng'okuzikirira kubatuuseeku. Kulibazindula ng'oti n'ebisa eby'omwana bwe bizindula omukazi ali kumpi okuzaala, era tighaliba gha kuwonera.