Hosea 13:10 - Baibuli Ekibono kya Katonda 2014

¹⁰ Imwe mwaidha mwansaba muti, ‘Tughe kyabazinga, otughe n'abakulembeze.’ Aye mperaano kyabazinga waimwe ali gha abalokole? Abakulembeze baimwe boonaboona bali gha babalwanirire?

Hosea 13:10 ပူးပေါင်းရင်းမြစ်များ

1 Bakyabazinga 12:20

Agho abantu ab'omu Isiraeli yoonayoona, bwe baawulira nga Yeroboamu aize okuva e Misiri, baamwetesa okwidha ghe baali beesololeiza, era baamufuula kyabazinga wa Isiraeli yoonayoona. Ekika kya Yuda kyonka n'ekyasigala nga kikaafugibwa ab'endhu ya Daudi.

2 Bakyabazinga 17:4

Aye kyabazinga oyo ow'e Assiria yaagwa mu lukwe lwa Hoshea olw'okudheema, nga Hoshea oyo agheereiza abakwenda okusaba kyabazinga So owa Misiri amuyambe, era nga Hoshea oyo alekeire n'okugha kyabazinga w'e Assiria omusolo nga bwe yakolanga buli mwaka. Agho kyabazinga w'e Assiria yaagema Hoshea oyo, yaamusiba mu ikomera.

Zabbuli 10:16

Musengwa Katonda ni kyabazinga ow'ebyanda n'ebyanda, abatamutya tibaja kubanga mu nsi ye.

Zabbuli 149:2

Abaisiraeli ka basangaale olw'oyo Eyabatonda; abantu ab'omu Sioni basagambe olwa Kyabazinga waibwe oyo.

Zabbuli 44:4

Niiwe Kyabazinga wange era Katonda wange, niiwe asobozesa Yakobo okughangula.

Zabbuli 74:12

Ate nga iwe Katonda waife, okuva eira n'eira oli Kyabazinga waife; otulokoire emikuzi kamaala.

Zabbuli 89:18

Iwe Musengwa Katonda watulondera atukuuma ng'oti ngabo; iwe Omutukuvu wa Isiraeli waatugha kyabazinga owaife.

Isaia 33:22

Musengwa Katonda mwene n'aliba omulamuzi waife, yaaba kyabazinga waife atufuga, era yaaba omulokozi waife.

Isaia 43:15

Ninze Musengwa Katonda Omutukuvu waimwe, Omutonzi wa Isiraeli era Kyabazinga waimwe.”

Yeremia 2:28

“Mpegaano emisambwa gyaimwe gye mwekolera giri gha? Kale ka gisituke gibalokole mu biseera ebizibu, bwe giba nga gisobola. Imwe abantu b'omu Buyudaaya, muli n'emisambwa egyagayaga n'ebibuga byaimwe obungi.

Yeremia 8:19

Wulira, abantu bange bali kulira woonawoona mu ighanga, bati: “Musengwa Katonda takaaba mu Sioni? Oyo Kyabazinga ow'ensi eno takaabaamu?” Aye Musengwa Katonda yaabairamu ati: “Lwaki mwansoononkereza ni mundeetera okusungughala, nga musinza ebifaananie ebibaadhe, ni musinza ebintu ebitali Katonda?”

Okulira 4:20

Baasima ebiina okutega kyabazinga, oyo Musengwa Katonda ye yasiiga omuzigo abenga obugheereso bwaife, era baamala baamugemya. Ate ng'oyo ye twali tudhuuba tuti n'anaatulwaniriringa nga tulumbiibwa.

Hosea 10:3

Abantu abo balikoba bati: “Tuzira kyabazinga kuba twaloba okutya Musengwa Katonda. Aye era kyabazinga ni bwe yandibairegho, yanditukoleire ki?”

Hosea 13:4

Musengwa Katonda akoba ati: “Ninze Musengwa Katonda waimwe eyabatoola mu nsi Misiri. Muzira Katonda wundi okutoolaku nze. Era muzira mulokozi wundi okutoolaku nze.

Hosea 3:4

Mu nsambo ng'oti n'eyo, Abaisiraeli boona balimala ekiseera kireeyi nga bazira kyabazinga waire omukulembeze, nga bazira misengo gye baghaayo waire okuba n'empango dh'amabaale edhisinzibwa, nga bazira bivaalo bakabona bye bakozesa mu kulagula waire okuba n'ebifaananie ebisinzibwa ebyetebwa terafimu.

Hosea 7:7

Obusungu bwaibwe bwe butumbuka ng'oti muliro mu ziiko, olwo baatemula abafuzi baibwe. Era bajiire nga baita bakyabazinga baibwe mulala mulala, aye ghazira muntu waire omulala ati ansaba kubayamba.”

Hosea 8:4

Baataagho bakyabazinga nga tibambuuziiza naku, era baataagho abakulembeze nga tibankobeire naku. Baatoola feeza waibwe ni zaabu waibwe, baamukolamu ebisinzibwa ebitali Katonda, ebija okubaleetera beene okuzikirira.

Zekaria 14:9

Agho Musengwa Katonda n'aliba Kyabazinga ow'ensi yoonayoona, abantu boonaboona baamusinzanga nga ni Musengwa Katonda yenka ye baidhi.

Yoanne 1:49

Nathanaeli yairamu ati: “Mwegeresa, niiwe Omwana wa Katonda! Niiwe Kyabazinga wa Isiraeli!”

1 Samueli 8:7

Musengwa Katonda yaamwiramu ati: “Wulirisa ebintu byonabyona abantu bye bali kukukoba, kuba ti niiwe ye balobye, aye ninze ye balobye okuba kyabazinga waibwe.