Hosea 12:9 - Baibuli Ekibono kya Katonda 2014

⁹ Aye nze, ninze Musengwa Katonda waimwe, eyabatoola mu nsi Misiri. Era ndibaleetera kabiri okusula mu ntindi nga dhe mwasulangamu nga muli mu irungu.

Hosea 12:9 ပူးပေါင်းရင်းမြစ်များ

Amainhama 25:27

Abaisuka abo bombi baakula. Esau yaafuuka omuyiizi omukugu, era omusaadha anhumirwa obulamu obw'omu nsiko. Aye Yakobo yaaba musaadha musirise, era eyasigalanga ghaka.

2 Samueli 7:2

Lwali lulala, Daudi oyo yaakoba Nathani omulanzi ati: “Bona eno, nze nsula mu ndhu eyazimbwa n'emiti emivule, aye Esanduuku ya Katonda yaaba bwa mu weema!”

Ezera 3:4

Baakolanga embaga ey'Ekibinuko eky'Entindi nga bwe kyaghandiikibwa, era baaghangayo ebigheebwayo ebyokebwa ebya buli lunaku, nga bajiira ku mikuzi amateeka ge giragira okubighaayo ku lunaku olwo.

Zabbuli 49:7

Bwenebwene ghazira muntu asobola kwenunula mwene, oba okusasula Katonda omughendo oguja mu bulamu bwe;

Zabbuli 81:10

Ninze Musengwa Katonda waimwe, eyabatoola mu nsi ey'e Misiri. Bwe mwasama ndidha kubaliisa mwigute.

Okuvaayo 20:2

ati: “Ninze Musengwa Katonda waimwe, eyabatoola mu Misiri ye mwali nga mukola obwiru.

Ensambo 30:12

Ghaligho abeerowooza okuba abalongoofu, aye nga baidhwire bibi.

Yeremia 35:7

Ekindi yatukoba obutazimbanga ndhu, n'obutalimanga nimiro, oba okusimbanga amasamba g'emizabbibu, waire okugagula obugule. Yatulagira tusulenga mu weema buliidho, olwo tusobole okusigala nga tukaali mu nsi eno mwe tuli ng'abasenze.

Yeremia 5:27

Ng'ole omutezi w'enhonhi bw'aidhuza ekiibo enhonhi, boona batyo bwe baidhuza endhu dhaibwe n'ebintu bye bafuna mu kukupankupania. Kyebava baba n'obuyinza era nga bakombe,

Hosea 11:1

Musengwa Katonda akoba ati: “Isiraeli bwe yali omuto namugonzanga, naamweta okuva e Misiri nga mwana wange.

Hosea 13:4

Musengwa Katonda akoba ati: “Ninze Musengwa Katonda waimwe eyabatoola mu nsi Misiri. Muzira Katonda wundi okutoolaku nze. Era muzira mulokozi wundi okutoolaku nze.

Hosea 2:15

Eyo ye ndimugheera amasamba ge ag'emizabbibu. Era ekyetebwa Ekiiko eky'Ebizibu ndikifuula omulyango ogwingira mu kusuubira. Era ng'ali eyo aliiramu okumpulira, nga bwe yampuliranga mu buto bwe mu kiseera kye yaviiramu e Misiri.

Abalevi 19:36

Mukozesenga minzaani entuufu nga n'ebipimo byonabyona bituufu. Ninze Musengwa Katonda waimwe, eyabatoola mu nsi Misiri.

Abalevi 26:13

Ninze Musengwa Katonda waimwe, eyabatoola mu Misiri, mulekere okuba abairu. Naatoolagho obuyinza obwali bubasibiire ghansi, naabatambuza nga mwesimbye.”

Mika 6:4

Kuba nabatoola e Misiri, naabanunula okuva mu bwiru era naabagha Musa, ni Aaroni, ni Miriamu, okubakulembera.

Zekaria 11:5

Abo abadhigula, baja baadhiita era ghaaloba kubaagho ababonereza. Abo abadhitunda bakoba bati, ‘Musengwa Katonda asaakibwe, tufuuse bakombe!’ Era abaayi baadho tibadhisaasira naire.”

Okubala 15:41

Ninze Musengwa Katonda waimwe, eyabatoola mu nsi Misiri, nsobole okubanga Katonda waimwe. Ni nze Musengwa Katonda waimwe.”

Yoanne 7:2

Ekibinuko ky'Abayudaaya eky'Entindi kyali kiri kumpi okutuuka.