Hosea 12:8 - Baibuli Ekibono kya Katonda 2014

⁸ Bakoba bati, ‘Tuli bakombe, era ebintu ebingi bye tuli nabyo, ghazira asobola kutulumiriza ati twabifuna mu kukupankupania.’

Hosea 12:8 ပူးပေါင်းရင်းမြစ်များ

Zabbuli 49:6

abantu abo beesiga bukombe bwaibwe era beesuuta olw'ebintu kamaala bye baba nabyo.

Zabbuli 52:7

“Mubone omusaadha eyaloba okweguya Katonda okumukuuma, nga yeesigulira ku bukombe bwe obungi, era nga yeesiga enkwe dhe edh'obuguya okumukuuma.”

Zabbuli 62:10

Oteesiganga bikolwa bya bukambwe; otasuubiriranga mu kukambula. Eby'obukombe bwebyeyongeranga otabitangaku mwoyo gwo.

Ensambo 11:1

Musengwa Katonda akyagha abakozesa minzaani enkyamu, aye abakozesa ebipimo ebituufu abasiima.

Ensambo 30:12

Ghaligho abeerowooza okuba abalongoofu, aye nga baidhwire bibi.

Ensambo 30:20

Eno n'enkola ey'omukazi omwenzi: bw'amala okwenda anaaba yeenhiriza, era yaakoba mule ati: ‘Ghazira kibi kye nkoze.’

Yeremia 2:23

Musobola mutya okukoba muti, ‘Titubangaku boonoonefu, era titusinzangaku musambwa Baali?’ Mubone nga bwe mwebisa obubi mu kiiko, mutegeere bye mwakola. Muli ng'oti ngamiya ebbaamuuse n'erumukira eno n'ere.

Yeremia 2:35

era mukoba muti, ‘Tuziraku musango. Bwenebwene Musengwa Katonda takaali na busungu ku ife.’ Aye nze Musengwa Katonda imwe ndidha kubabonereza, kuba mukoba muti timukolanga kibi naire.

Yeremia 5:27

Ng'ole omutezi w'enhonhi bw'aidhuza ekiibo enhonhi, boona batyo bwe baidhuza endhu dhaibwe n'ebintu bye bafuna mu kukupankupania. Kyebava baba n'obuyinza era nga bakombe,

Ezekieli 28:5

Olw'amagezi amangi g'oli nago mu by'obusuubuzi, weeyongeire okukombaghala, era waatoolera okwekudumbaza olw'obukombe obwo.

Hosea 13:6

Aye bwe mwatuuka mu nsi enungi, ni mulya era ni mwiguta, olwo mwatoolera okwekuluntaza, mwaneerabira.

Hosea 14:1

Imwe Abaisiraeli, mwire eri Musengwa Katonda, oyo Katonda waimwe, kuba ebibi byaimwe byabaleetera okwekontola mwagwa.

Hosea 4:8

Mufuuka bakombe olw'ebyo ebigheebwayo abantu bange ku lw'ebibi byaibwe, kyemuva mwenda inho beeyongere okwonoona.

Amosi 8:5

Muja mwakoba muti: “Enaku enkulu dhiriwaaku li memale tutunde ku birime? Ni Sabbato enaawaku li memale tutunde engaano? Olwo tukendeeze ku bipimo, ate twongezeemu n'emighendo, tusibe minzaani tuseere be tuguza.

Habakkuku 1:16

Era baaghaayo n'emisengo eri obutimba bwaibwe obutono, baaniokeza obutimba bwaibwe obunene obubbaani; kuba ebyo n'ebibafunisa ebirungi mu bulamu era ni balya emere esinga bulungi.

Zekaria 11:5

Abo abadhigula, baja baadhiita era ghaaloba kubaagho ababonereza. Abo abadhitunda bakoba bati, ‘Musengwa Katonda asaakibwe, tufuuse bakombe!’ Era abaayi baadho tibadhisaasira naire.”

Malaki 2:17

Mukooya Musengwa Katonda n'ebyo bye mwogera. Aye ate mwamala mwabuuza muti: “Tumukooya tutya?” Ate nga mumukooya bwe mukoba muti: “Kiisi muntu akola kibi aba mulungi mu maiso ga Musengwa Katonda, era Musengwa Katonda amusangaalira.” Oba bwe mubuuza muti: “Katonda oyo akola ebituufu nga tasaliriza ali gha?”

Malaki 3:13

Musengwa Katonda Akoba ati: “Mwandhogeraku bubi inho. Aye ate mwamala mwabuuza muti, ‘Twakwogeraku tutya obubi?’

Luka 10:29

Aye ole olw'okwenda okulaga ati ky'abuuziiza kya makulu, yaakoba Yesu ati: “Muntu munange naani?”

Luka 12:19

Era olwo nkobe omwoyo gwange nti: Mwoyo gwange, ofunie ebirungi kamaala, wuumula, olye, onhwe osagambe.’

Luka 16:13

“Ezira mugheereza aja kuba ni basengwa be babiri kuba akyaghaku mulala yaayenda owundi, oba yeekubira ku mulala yaanhooma owundi. Timusobola kugheereza byombi: Katonda na bukombe bwa nsi.”

Luka 16:15

Aye yaabakoba ati: “Niimwe abeerongoosa mu maiso ag'abantu aye Katonda aidhi emyoyo gyaimwe kuba abantu kye basuuta, Katonda akyenhinhala.

Amateeka Agokubiri 8:17

Kale ni mulobenga kukoba mule muti, “Amagezi gaife n'amaani gaife n'ebitufuniisa obukombe.”

1 Timotheo 6:17

Labula abakombe ab'oku nsi kuno, balobe kweghanika, waire okwesiga obukombe obutali bwa lubeerera, aye beesige Katonda atugha byonabyona ebitusangaaza.

1 Timotheo 6:5

n'okughaghaana. Ebyo byonabyona bikolebwa abantu ab'omwoyo omubi, abaawaamu amazima, abatwala okwikiriza ng'engira ey'okukombaghala.

Okwolekebwa 3:17

Okoba oti, ‘Ndi mukombe, ndi bukalamu, nzira kye ndhulirira’, waaloba kumanha ng'oli mughafu asaasirwa, omwavu, omutulu era ali ekidu.