Hosea 12:4 - Baibuli Ekibono kya Katonda 2014

⁴ Yalwana ni malaika yaaghangula, era yalira ng'asaba okugheebwa enkabi. Bwe yali e Betheli yabona Katonda era Katonda oyo yaayogera naye.

Hosea 12:4 ပူးပေါင်းရင်းမြစ်များ

Amainhama 25:26

Owokubiri yaafuluma, ng'omukono gwe gugemereire ekibbonge kya Esau kale baamutuuma eriina Yakobo. Rebekka yaja okuzaala nga Isaaka agheziiza emyaka nkaaga (60) egy'obukulu.

Amainhama 32:24

Aye mwene yaasigala eyo yenka. Ghaidhagho omusaadha, yaatuulana naye ekigwo, okutuusa obwire okukya.

Amainhama 32:25

Omusaadha bweyabona nga taidha kumughangula, yaakuba Yakobo ku kisambi, kyawogoka ng'ali kutuulana naye.

Amainhama 32:26

Yaakoba Yakobo ati: “Ndeka nje, kuba obwire buli kukya.” Yakobo yaakoba ati: “Tiidha kukuleka okutoolaku ng'ompaire enkabi.”

Amainhama 32:29

Yakobo yaakoba ati: “Nkweghembye, nkobera eriina lyo.” Aye ole yairamu ati: “Lwaki oyenda okumanha eriina lyange?” Agho yaagha Yakobo enkabi agho mu kifo ekyo.

Amainhama 35:15

Yakobo yaatuuma ekifo ekyo eriina Betheli.

Amainhama 48:15

Agho yaasabira Yosefu enkabi, ng'akoba ati: “Katonda oyo, dhaadha wange Aburahamu ni lata wange Isaaka ye baagheerezanga; era Katonda oyo eyandabiriranga okuva mu buto bwange okutuusa mpegaano, aghe abaana bano enkabi.

Zabbuli 66:6

Yafuula enhandha ng'oti bukalu abantu baasala omwiga nga batambula ku bigere. Agho twasagamba olw'ebyo bye yakola.

Isaia 63:9

Yaabalumirwa mu kudaazibwadaazibwa kwaibwe kwonakwona, era yaabawonia mwene, se ti malaika we. Era olw'okugonza kwe n'okusaasira kwe by'ali nabyo, yaabanunula era yaabalabiriranga okuva eira n'eira.

Malaki 3:1

Agho Musengwa Katonda Afuga Amagye yaabairamu ati: “Bona eno, ndituma omukwenda wange yantegekera engira mwe ndibita. Olwo Musengwa Katonda ye muli kwagala alibazinduukiriza nga timwetegeike, yaidha mu isinzizo lye. Era omukwenda oyo ye mwegomba okubona, aliidha yaalangirira endagaano yange.”

1 Ab'e Thessalonika 4:17

memale ife abalamu, abaliba bakaasigairegho twatwalibwa ghalala nabo mu bire okwagaanana ni Musengwa mu ibbanga. Era olwo tubenga eyo ni Musengwa buliidho.

Abaheburayi 5:7

Yesu mu bulamu bwe obw'oku nsi kuno, yayogerera ghaigulu mu kusaba kwe, era yaalira n'amaziga nga yeeghemba Katonda, eyali nga n'asobola okumuwonia okufa. Era olw'okutya Katonda okwo kwe yali nakwo, Katonda yamuwulira.