Hosea 12:13 - Baibuli Ekibono kya Katonda 2014

¹³ Musengwa Katonda yatuma omulanzi, yaaja yaatoola Abaisiraeli mu nsi Misiri era yaabalabirira.

Hosea 12:13 ပူးပေါင်းရင်းမြစ်များ

Amainhama 28:2

Situkiramu oje e Paddanarama mu maka ga dhaadha wo Bethueli azaala inhoko, ofune eyo omukazi ow'okubayiza ku baghala ba Labani mwanhina inhoko.

Amainhama 29:20

Yakobo yaakolera emyaka musanvu afune Rakeli, era gyamubonekera ng'oti nnaku bunaku entono dhiti, olw'okumwenda okungi kwe yali nakwo.

Zabbuli 77:20

Wabisa abantu bo ku maadhi ng'omwayi bw'atambuza ebyayo bye, ng'okozesa Musa ni Aaroni.

Okuvaayo 13:3

Musa yaakoba abantu ati: “Mwidhukirenga olunaku luno lwe mwaviiraku mu Misiri, ye mwabanga nga muli bairu. Luno n'olunaku Musengwa Katonda lwe yabatoolera mu nsi eyo, ng'akozesa amaani ge agataloodheka. Mutaluliirangaku migaati gizimbulukusiibwa.

Okuvaayo 14:19

Malaika wa Katonda eyakulemberangamu Abaisiraeli yaakyuka yaabaira einhuma, n'ekire ekiri ng'oti mpango kyona kyava emberi waibwe kyabaira einhuma

Hosea 11:1

Musengwa Katonda akoba ati: “Isiraeli bwe yali omuto namugonzanga, naamweta okuva e Misiri nga mwana wange.

Hosea 2:15

Eyo ye ndimugheera amasamba ge ag'emizabbibu. Era ekyetebwa Ekiiko eky'Ebizibu ndikifuula omulyango ogwingira mu kusuubira. Era ng'ali eyo aliiramu okumpulira, nga bwe yampuliranga mu buto bwe mu kiseera kye yaviiramu e Misiri.

Mika 6:4

Kuba nabatoola e Misiri, naabanunula okuva mu bwiru era naabagha Musa, ni Aaroni, ni Miriamu, okubakulembera.

Okubala 12:8

Oyo ndhogera naye butereevu maiso ku maiso, se ti mu bikoiko. Era ambona bukalamu nga bwe nfaanana. Kale mukana mutya ni mwemuluguunhiza omugheereza wange oyo Musa?”

Amateeka Agokubiri 26:5

“Olwo aidha kwogeranga ebibono bino mu maiso ga Musengwa Katonda wo, oti, Dhaadha wange yali Muaramea ng'atambulatambula eyo atyo. Yaja e Misiri yaaba eyo n'ab'omu maka ge abataali bangi naire. Aye bwe baatuuka eyo baayala, baafuuka eighanga eikologho ery'amaani.

1 Samueli 12:8

Yakobo bwe yaja e Misiri n'ab'endhu ye, memale Abamisiri ni babatuntuza, badhaadha baimwe abo baalirira Musengwa Katonda. Era Musengwa Katonda yaatuma Musa ni Aaroni, baatoola badhaadha baimwe abo e Misiri, baabaleeta okuba mu nsi eno.