Hosea 12:10 - Baibuli Ekibono kya Katonda 2014

¹⁰ Nayogeranga n'abalanzi, naabaleeteranga okubonekerwa emikuzi kamaala. Era naabitanga mu balanzi abo okulabula abantu bange, nga bakozesa enfumo dhe nabaghanga.

Hosea 12:10 ပူးပေါင်းရင်းမြစ်များ

1 Bakyabazinga 13:1

Agho omulanzi yaava mu Buyudaaya nga Musengwa Katonda n'amulagiire, yaaja e Betheli. Yaayagaana Yeroboamu ng'ayemereire aghali alutaari, okuniokeza obubbaani.

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

1 Bakyabazinga 19:10

Eliya yairamu ati: “Enkikidi engemye ku lulwo, iwe Musengwa Katonda Afuga Amagye, kuba Abaisiraeli baamenha endagaano ye wakola nabo. Baamenhagho alutaari dho, era baita abalanzi bo. Nze zenka, ninze nsigairegho, ate zeena bali kwenda kundhita.”

2 Bakyabazinga 17:13

Ate nga Musengwa Katonda yalabulanga Isiraeli ni Buyudaaya ng'abita mu balanzi ni mu baboni, ng'akoba ati: “Mukyuke, muve mu mpisa dhaimwe embi mugeme ebiragiro byange ebiri mu Mateeka gange, ge nagha badhaadha baimwe nga mbita mu bagheereza bange abalanzi.”

Nehemia 9:30

Waabaguminkiriza emyaka kamaala, era waata omwoyo gwo mu balanzi bo baje babalabule, aye nga basembye amatu gaibwe. Kyewava n'obaghaayo mu ngalo edh'abamaghanga agandi.

Okuvaayo 20:2

ati: “Ninze Musengwa Katonda waimwe, eyabatoola mu Misiri ye mwali nga mukola obwiru.

Yeremia 19:1

Agho Musengwa Katonda yankoba ati: “Yeremia, kola oje ogule akadoome ak'eitosi. Otoole ku bakulu b'ebika ni ku bakulira bakabona,

Yeremia 19:10

Agho Musengwa Katonda yankoba mmenhe akadoome kale ak'eitosi ng'abantu be naja nabo babona,

Yeremia 25:4

Mwaloba okuwulirisa waire okufaayo, ate nga Musengwa Katonda oyo yatumanga abagheereza be abalanzi ye muli aghazira kukoogha naire,

Yeremia 7:25

Okuva ku lunaku badhaadha baimwe lwe baava mu nsi Misiri okutuusa ni ye buli eno, mbaire nga ntumanga ye muli abagheereza bange abalanzi aghazira kukoogha naire.

Ezekieli 17:2

“Iwe omuntu, kobera abantu ab'eighanga lya Isiraeli olufumo luno,

Ezekieli 20:49

Aye nze naakoba nti: “Aa, Musengwa Katonda, abantu bali kundhogeraku bati nze buli kiseera ndhogera mu nfumo.”

Hosea 13:4

Musengwa Katonda akoba ati: “Ninze Musengwa Katonda waimwe eyabatoola mu nsi Misiri. Muzira Katonda wundi okutoolaku nze. Era muzira mulokozi wundi okutoolaku nze.

Hosea 3:1

Agho Musengwa Katonda yankoba ati: “Ja kabiri ogonze omukazi omwenzi ali n'omusaadha owundi y'ayenda. Omugonze nga nze Musengwa Katonda bwengonza Abaisiraeli, waire nga bakyuka baasinza bakatonda abandi era baasanhukira inho okughaayo emizabbibu egikaziibwa ng'ebigheebwayo eri bakatonda abo.”

Yoeli 2:28

“Ebyo nga biwoire, ekiseera kirituuka naayugha omwoyo gwange ku bantu boonaboona. Batabane baimwe ni baghala baimwe baliranga ebiribaagho, abakaire mu imwe baaloota ebirooto, n'abaisuka baimwe baabonekerwa.

Abalevi 23:42

Abaisiraeli mwenamwena munaabanga mu ntindi okumala enaku musanvu,

Amosi 7:14

Amosi yairamu Amazia ati: “Nze tiri mulanzi akolerera empeera, waire okuba mu lulyo olw'abalanzi. Nze ndi mwayi era omulimi ow'emiti emitiini.

Okubala 12:6

Yaakoba ati: “Muwulire kye nkoba, bweghabaagho omulanzi mu imwe, nze Musengwa Katonda mwene mmweyoleka mu kubonekerwa, era naayogera naye mu kirooto.

Ebikolwa by'Abatume 2:17

‘Katonda akoba ati ku nkomerero kino n'ekiribaagho: Ndiyugha ku bantu boonaboona Mwoyo wange. Batabane baimwe ni baghala baimwe baliranga ekiribaagho, n'abaisuka baimwe balibonekerwa, n'abakaire mu imwe baliroota ebirooto.

2 Ab'e Korintho 12:1

Nteekwa okwesaaka, waire ng'okwesaaka kuziramu muganhulo. Aye mperaano ka ndhogere ku kubonekerwa n'okwolekebwa Musengwa.

2 Ab'e Korintho 12:7

Aye olw'okundobera okwekudumbaza olw'okuba nafuna okwolekebwa okutali kwa buliidho, nafumitibwa eiwa mu mubiri erikola ng'omukwenda wa Sitaani okunkubanga, olwo ndobenga kwekudumbaza.