Hosea 11:6 - Baibuli Ekibono kya Katonda 2014

⁶ Abazigu balirumba ebibuga byaibwe, baamenhamenha endhigi dhaabyo. Era balibazikiriza olw'okukola ebyo beene bye baayendanga.

Hosea 11:6 ပူးပေါင်းရင်းမြစ်များ

Zabbuli 106:39

Batyo beene beereetaku okuba aboonoonefu olw'ebikolwa byaibwe ebyo, era baava ku Katonda.

Zabbuli 106:43

Emikuzi kamaala nga Musengwa Katonda abatoola mu bizibu, aye baamala baasalagho okumudheemera. Kale beeyongera okuba ababi olw'ebibi byaibwe.

Isaia 18:5

Alizikiriza abalwani b'abantu abo nga bakaali na kulumba, ng'oti n'omuntu bwe yandiidhie ku muti ogumaze okumulisa ekimuli, nga gutaireku n'ebibala era nga biri na kwenga, aye nga bakaali bwa kubinoga, memale n'atema ensaga n'adhighanulayo yoonayoona ye dhaalandira.

Isaia 27:10

Ekibuga ekyabangaku ebimante ebigumu ebikyezungulwire, mpegaano kiri bifulukwa byereere, era kirekeibwa bwagho nga kyereere ng'oti irungu. Kifuuse kyayiro ensolo mwe dhiriira nga dhikooza amakaba g'emiti, era ni dhiwuumulira omwo.

Isaia 30:1

Musengwa Katonda akoba ati: “Bakagwireku abakulembeze abo abadheemu, abajiira ku ntegeka nze dhe ntakoze, era ni bakola endagaano edh'enkolagana n'amaghanga agandi; kuba agho baba bongera kibi ku kibi.

Isaia 9:14

Kale ni, Musengwa Katonda oyo ky'aliva n'abonereza ensi Isiraeli ku lunaku lulala luti, ebe ng'oti n'ekitonde kye batemyeku omutwe n'omukira, oba ng'ekimera kye batemyeku ensaga n'emizi;

Yeremia 5:17

Balirya emere yaimwe ni byonabyona bye muli kukungula. Balizikiriza emizabbibu gyaimwe n'emitiini gyaimwe, baasaaniagho embuzi dhaimwe n'ente dhaimwe, era baita batabane baimwe ni baghala baimwe. N'ebibuga byaimwe ebyezungulwirwa ebimante ebigumu bye mwesiga, balibizikiriza mu lutalo.”

Yeremia 50:35

Musengwa Katonda akoba ati: “Abantu b'omu kibuga Babiloni ka bafe, n'abantu b'omu nsi Babilonia yoonayoona ka bafe, ghalala n'abakungu baibwe, n'abantu baibwe abagezi.

Okulira 2:9

Endhigi dhaakyo dhaagwa era ebiwumpu byadheebungaku, n'eminhololo egyadhisibanga gyamenhekamenheka. Kyabazinga waamu n'abakungu be bali eyo mu maghanga mu bunhage, era mu kibuga ekyo timukaalimu mateeka. Abalanzi baamu tibakaabonekerwa Musengwa Katonda.

Ezekieli 20:47

Koba ekibira ekyo ekiri mu kiketezo ekikalukalu ekyo, kiwulirise nze Musengwa Katonda bye ndikukoba nti: Bona eno, ndikukunaaniaku omuliro gwayokya buli muti gwonagwona ogukulimu, ka gube omubisi oba omukalu. Omuliro gulibbeibbera era tighalibaagho muntu asobola kuguzikiza. Gulyokerera buli muntu, okuva ku luuyi olw'omukono omusaadha olw'e buvandhuba okutuuka ku luuyi olw'omugooda olw'e buvandhuba.

Hosea 10:14

Kale ni olutalo luliidhira abantu baimwe, n'ebifo byaimwe eby'okwewogomamu byazikirizibwa. Kiriba ng'oti bwe kyali mu lutalo kyabazinga Shalumani mwe yazikiririza ekibuga Betharubeli, ni bakuba ghansi abakazi ghalala n'abaana baibwe, ni babamanhiangula okutuusa okufa.

Hosea 10:6

Bwenebwene ekifaananie ekyo abazigu balikitwala mu Assiria ng'ekirabo eri kyabazinga waayo omukologho. Ensoni dhirigema Abaisiraeli, baaswala olw'ekisinzibwa kyaibwe ekyo ekitali Katonda.

Hosea 13:16

Ab'e Samaria balivunaanibwa omusango olw'okundheemera nze Katonda waibwe. Abazigu balibaitira mu ntalo, era abazigu abo balikuba abaana baibwe abaghere ku itaka, baabasekembula okutuusa okufa. N'abakazi baibwe abali enda balibasala amabunda baagaawuza.”

Hosea 4:16

Abaisiraeli bamagalavu ng'oti nte nto. Kale nze Musengwa Katonda nnaasobola ntya okubaliikiza mu kyayiro ekigazi, ng'omuntu bw'aliisa entaama ento?

Hosea 4:17

Ebisinzibwa ebitali Katonda bipaaziiza Abaisiraeli. Kale ka basigale batyo.

Abalevi 26:25

Ndidha kubaleeteranga entalo okubabonereza olw'okumenha endagaano yange n'imwe. Era bwe muneesololezanga aghalala mu bibuga byaimwe okwewonia, ndidha kubasindikangamu obulwaire obubi, muwalirizibwenga okweghaayo eri abazigu baimwe.

Abalevi 26:31

ndidha kusaaniagho ebibuga byaimwe, n'ebifo mwe musinziza, ndobe na kusiimanga misengo gyaimwe.

Abalevi 26:33

Ndidha kubaleeteranga entalo dhibaite, mbasansaanizenga eyo mu maghanga. Ensi yaimwe esigalenga agho etyo, n'ebibuga byaimwe mbisaaniegho.

Amosi 6:8

Musengwa Katonda afuga amagye, alayiire ati: “Neesiniirwa okwekuluntaza kw'Abaisiraeli, era endhu dhaibwe edhibeeyagaza tidhiinhoonha naire. Kye ndiva ni mpaayo ekibuga kyaibwe ekikulu n'ebikirimu byonabyona eri abazigu baibwe.”

Mika 5:11

Ndizikiriza ebifo byaimwe eby'okwewogomamu n'ebibuga byonabyona.

Malaki 4:1

Musengwa Katonda Afuga Amagye akoba ati: “Olunaku luli kwidha abo abeetwala okuba aba ghaigulu n'abakozi ab'ebibi, lwe baliya ng'oti isubi ikalu. Ku lunaku olwo baliya ensaga n'emizi, okutuuka okuweekereragho.

Amateeka Agokubiri 28:52

Balibazingiza mu bibuga byaimwe byonabyona okubyezunguluza, mu nsi Musengwa Katonda waimwe y'ali kubagha. Balibazingiza mu bibuga byaimwe ebyo, okutuusa ebimante byaimwe ebibyezungulwire ebigumu era bigulumivu bye mwesiga, lwe birigwa.

Amateeka Agokubiri 32:25

Abazigu baidha kubaitiranga mu ntalo mu nguudo, ate eka mu ndhu dhaibwe mwidhule ebitiisa. Abazigu baidha kwitanga abaisuka n'abaguna, era baitenga abakaire ab'envu n'abato abonka.