Hosea 11:4 - Baibuli Ekibono kya Katonda 2014

⁴ Nabatwalanga na kisa, naabaleeteranga okwidha ye ndi nga mbagonza. Nabaghembereranga ng'oti n'aghemberera omwana okumusirisaagho, era naakutamanga okubaliisa.

Hosea 11:4 ပူးပေါင်းရင်းမြစ်များ

2 Samueli 7:14

Nze ndiba lata we ate mwene yaaba mwana wange. Bw'anaakolanga ekibi ndidha kumukangaivulanga ng'omuzaire bw'akangaivula omwana we.

Zabbuli 105:40

Baamusaba, yaabasindikira obunhonhi obuli ng'oti bukologo, yaabagha n'emere kamaala okuva mu igulu.

Okuvaayo 16:32

Musa yaakoba ati: “Musengwa Katonda yatulagira tulekeghooku akaibo aka mannu, tukaterekere abaana n'abaidhukulu abaliiragho, babone ku mere Musengwa Katonda ye yatughanga nga tuli mu irungu, lwe yatutoola mu Misiri.”

Olwembo 1:4

Ntwala y'oli kuja tuve ghano mangu, onhingize ewuwo iwe kyabazinga wange. Twidha kusangaala tusagambire ghalala n'iwe; era tusaake inho okugonza kwo, kuba kusinga omwenge ogw'emizabbibu. Abakwegomba batuufu okukwegombanga.

Isaia 63:9

Yaabalumirwa mu kudaazibwadaazibwa kwaibwe kwonakwona, era yaabawonia mwene, se ti malaika we. Era olw'okugonza kwe n'okusaasira kwe by'ali nabyo, yaabanunula era yaabalabiriranga okuva eira n'eira.

Hosea 2:8

Tiyayatulaku naire ati ninze eyamughanga engaano, n'omwenge ogw'emizabbibu, n'omuzigo ogw'ebibala eby'emiti emyoliva. Waire okwatulaku ati ninze eyamudoomooleranga feeza ni zaabu bye yaghangayo mu kusinza omusambwa Baali.

Abalevi 26:13

Ninze Musengwa Katonda waimwe, eyabatoola mu Misiri, mulekere okuba abairu. Naatoolagho obuyinza obwali bubasibiire ghansi, naabatambuza nga mwesimbye.”

Yoanne 12:32

Bwe ndighanikibwa okuva ku nsi abantu boonaboona ndibaseesa ye ndi.”

2 Ab'e Korintho 5:14

Ife tufugibwa kugonza kwa Kurisito, era twidhi nga yafiirira boonaboona, ekikoba nti boonaboona bagabana ku kufa kwe.

Amateeka Agokubiri 32:12

Musengwa Katonda yenka n'eyabakulemberamu. Ghazira musambwa gwamugemeraku.

Amateeka Agokubiri 32:14

Ente dhaibwe dhaabagha omuzigo, n'embuzi dhaibwe dhaabagha amata. Baazaaza entaama ensavu einho, baafuna engaano enungi einho, baakunha omwenge ogw'emizabbibu omuka oguwooma.