Hosea 11:10 - Baibuli Ekibono kya Katonda 2014

¹⁰ Nze Musengwa Katonda ndiwologoma ng'oti mpologoma yeene, abantu bange baayangugha okwidha ye ndi, nga bava e bugwandhuba.

Hosea 11:10 ပူးပေါင်းရင်းမြစ်များ

Yobu 37:1

“Kiwunga antengeza omwoyo gwampakukapakuka.

Zabbuli 119:120

Zeenazeena ndhugumira olw'okukutya; ensala yo ngitya inho.

Zabbuli 2:11

Mugheereze Musengwa Katonda nga mumutya,

Isaia 11:11

Olunaku olwo bwe lulituuka, Musengwa Katonda aliiramu okukozesa obuyinza bwe, yaiza abantu be abaliba bawoniegho, yaabatoola mu Assiria, ni mu Misiri, ni mu Pathirosi, ni mu Ethiopia, ni mu Elamu, ni mu Shinari, ni mu Hamathi, ni mu biketezo eby'oku nhandha.

Isaia 2:5

Kale ni, imwe baidhukulu ba Yakobo, mwidhe tutambulire mu butangaavu bwa Musengwa Katonda.

Isaia 31:4

Agho Musengwa Katonda yankoba ati: “Abaayi ab'ensolo bwebaidha abangi okulumba empologoma eri n'ensolo y'eyiize, tibasobola kugitiisatiisa ni bwe bawowoigana okwekutula. Kale ninze Musengwa Katonda Afuga Amagye, zeena ntyo bwe ndirwanirira olusozi Sioni, nga ghazira kindobera naire.

Isaia 42:13

Musengwa Katonda avaayo, yaaja okulumba ng'omulwani ow'amaani. Ayoleka obukambwe ng'omwisirukale, yaakaabuka ng'ataireku n'enduulu edh'omu lutalo, yaayolesa amaani amabitirivu ag'okulwanisa abazigu be.

Isaia 49:10

Endhala teribalumanga waire endiwo okubagemanga. Empewo ebabula teribafuuwanga waire omusana okubookyanga; kuba oyo abagemerwa ekivunika alibakulembera, yaabatuusa ku nsulo dh'amaadhi.

Isaia 64:2

ng'oti n'ebisaka ebigemye omuliro, oba ng'amaadhi bwegasambira nga gali ku muliro. Idha oyoleke obuyinza bwo eri abazigu bo, era oleetere amaghanga okudhugumirira mu maiso go.

Isaia 66:2

Ebintu byonabyona ninze nabikola n'engalo dhange. Kale byonabyona byange. Aye omuntu ye nsangaalira n'oyo omuwombeefu era eyeeneniiza, antaamu ekitiisa era n'akola bye ndagira.”

Isaia 66:5

Imwe abafuba einho okugondera Musengwa Katonda by'alagira ni mubikola, muwulire Musengwa Katonda oyo ky'akoba: “Olw'okuba muli beesigwa ye ndi, abandi ku bantu baimwe beene babakyagha era baababingagania, nga babayeeyereza bati, ‘Musengwa Katonda leka abawonie ayolese nga bw'ali ow'ekitiisa, tuboneku nga bwe musagamba.’ Aye beene n'abaliswazibwa.

Yeremia 2:2

“Ja olangirire eri ab'omu Yerusalemu boonaboona, oti Musengwa Katonda akoba ati, ‘Ndidhi nga bwe wali omwesigwa ng'okaali muto, era nga bwe wali n'okugonza ng'okaali mugole. Waanonerezanga nga tuli mu irungu, mu nsi ezira kintu kisigibwamu naire.

Yeremia 25:30

“Agho ni, iwe Yeremia oteekwa okulangirira ebintu byonabyona bye ndhogeire ebiri kubaidhira, obakobe oti, ‘Musengwa Katonda aliwologoma ng'ali mu igulu, era yaakaabuka ng'ali mu kifo kye ekitukuvu. Aliwologomera abantu be n'amaani, yaayasiikana ng'oti n'abakunha emizabbibu okugikolamu omwenge. Abantu boonaboona abali ku nsi balimuwulira.

Yeremia 31:9

Abantu bange baliira nga bali kulira amaziga eno nga bwe basaba, nga nze ndi kubaiza ewaibwe. Ndibabisa eri obwiga obulimu amaadhi, era naababisa mu ngira entereevu baaloba kwekontola kugwa; kuba nze, ninze lata w'Abaisiraeli, era Efuraimu ni mutabane wange omuberi.”

Yeremia 33:9

Ekibuga kino Yerusalemu kirindeetera eisanhu n'ekitiisa era kyaneesiimisa. Amaghanga goonagoona ag'omu nsi galitya era gaadhugumira nga baboine nga bwe nkolera abantu b'omu Yerusalemu ebirungi, era nga bwe mbaleetera ebintu okubajiira obukalamu.”

Yeremia 5:22

Lwaki timuntyaku naire nze Musengwa Katonda? Lwaki timudhugumiraku naire mu maiso gange? Ninze nataagho omusenho okuba ensalosalo enhandha kw'ekoma, ensalosalo ey'olubeerera enhandha y'etasobola kutuuma. Enhandha ni bwe yeefuukuula etya tesobola kughaguza, era amaadhi gaayo ni bwe gawolomboka okwaga gha, tigaghanga kubitagho.

Yeremia 50:4

Musengwa Katonda akoba ati: “Ekiseera ekyo bwe kirituuka, abantu b'omu Isiraeli n'ab'omu Buyudaaya baliidha nga balira amaziga, nga baanoonia nze Katonda waibwe.

Yeremia 7:6

Mutanhigirizanga basenze, oba bamulekwa, oba banamwandu, oba okwitanga abantu abaziraku musango mu ighanga lino. Era mutasinzanga bakatonda bandi ni mwereetera kwerumya imwe beene.

Yeremia 7:9

Mwiba, mwatemula, mwakola obwenzi, mwalayira eby'obuguya, mwaniokeza omusambwa Baali obubbaani, mwasinza ni bakatonda be mwali timwidhiiku naire.

Ezekieli 26:16

Agho bakyabazinga boonaboona ab'ensi edhiriiraine ku nhandha, baliva ku bityamo byaibwe eby'obwakyabazinga, baatoolamu ebivaalo byaibwe ebiriku amadholobera. Baatyama ku itaka era baadhugumira buli kaseera, nga batiire inho olw'ebyo ebikutuuseeku.

Hosea 3:5

Aye mu biseera eby'oluvainhuma abantu bange Abaisiraeli balikyuka, kabiri baira eri Musengwa Katonda waibwe n'eri Daudi kyabazinga waibwe. Baliiramu okutya Musengwa Katonda oyo, era baafunanga ebirungi ebiva y'ali.

Yoeli 3:16

Musengwa Katonda awologoma ku lusozi Sioni era yaakaabuka mu Yerusalemu, eigulu n'ensi byatengeeta. Aye Musengwa Katonda oyo n'ekifo abantu be Abaisiraeli mwe balumukira okwewonia, era n'ekifo mwe beewogoma.

Amosi 1:2

Amosi yakoba ati: “Musengwa Katonda awologoma ku lusozi Sioni, era yaakaabuka mu Yerusalemu. Ebyayiro abaayi mwe baayira bikala, n'eisubi ku lusozi Karumeli lyawotoka.”

Amosi 3:4

Empologoma ewologomera mu kibira nga ghazira ky'ezize? Empologoma ento evuumira mu mpuku yaayo nga ghazira ky'egemiisa?

Amosi 3:8

Empologoma bw'ewologoma, naani asobola obutatya? Musengwa Katonda bw'ayogera, naani aghanga okuloba okulangirira obukwenda bwe?

Mika 4:5

Abantu aba buli ighanga basinza era baagondera bakatonda baalyo, aye ife twidha kusinzanga era tugonderenga Musengwa Katonda, Katonda waife ebyanda n'ebyanda.

Habakkuku 3:16

Bwe mpulira ebyo byonabyona ndhugumira, n'ensaya dhantengera olw'okutya. Amagumba gange gaanafugha, n'ebigere byange byatengeeta ku itaka. Ndidha kusirika nteegerere olunaku Katonda lw'alituusa obuzibu ku abo abatulumba.

Zekaria 10:10

Ndibasoloza naabatoola mu Misiri, naabatoola ni mu Assiria naabaiza ewaibwe. Naabata mu Gileadi ni mu Lebanoni, woonawoona ghaidhula abantu.

Zekaria 10:12

Ndireetera abantu bange okuba ab'amaani. Era baligheesanga eriina lyange ekitiisa.” Musengwa Katonda atyo bw'akobye.

Zekaria 8:7

Bona eno, ndinunula abantu bange, naabatoola mu nsi edh'e buvandhuba n'e bugwandhuba ye baatwalibwa.

Yoanne 8:12

Yesu yaayongera yaakoba abantu ati: “Ninze ekimuliikirira eky'ensi kiisi annonereza taja kutambulira ghali nzikiiza era aja kuba n'obutangaavu obuleeta obulamu.”

Ebikolwa by'Abatume 24:25

Aye Paulo bwe yayogera ku butuukirivu, ni ku muntu okufuga omubiri gwe, era ni ku lunaku olw'okusaliraku omusango, Felikisi yaatya, yaakoba ati: “Mperaano ja ndidha kufunayo ekiseera nkwetese.”

Ab'e Roma 8:1

Kale ni abo abali mu Kurisito Yesu tibakaali na musango.

2 Petero 2:10

Era Katonda abonereza okusingira irala abo abajiira ku mairu amabi ag'omubiri, ni banhooma obufuzi. Abeegeresa abo abaguya bakanu, era beidhi bonka tibatya na kuvuma ba kitiisa.

Okwolekebwa 10:3

Yaayeta n'amaani mu mamiro agali ng'oti ga mpologoma eri kuwologoma. Bwe yamala okweta atyo, enkuba omusanvu dhaatyabuka.