Hosea 10:14 - Baibuli Ekibono kya Katonda 2014

¹⁴ Kale ni olutalo luliidhira abantu baimwe, n'ebifo byaimwe eby'okwewogomamu byazikirizibwa. Kiriba ng'oti bwe kyali mu lutalo kyabazinga Shalumani mwe yazikiririza ekibuga Betharubeli, ni bakuba ghansi abakazi ghalala n'abaana baibwe, ni babamanhiangula okutuusa okufa.

Hosea 10:14 ပူးပေါင်းရင်းမြစ်များ

Amainhama 32:11

Nkweghembye mponia muganda wange Esau, kuba mmutya; asobola okwidha yaatwita twenatwena, era yaatwalizaamu n'abakazi n'abaana.

2 Bakyabazinga 17:16

Baava ku biragiro byonabyona ebya Musengwa Katonda waibwe, beekolera ebifaananie bibiri eby'ente ento mu kyuma ekisaanuusiibwa, beekolera n'ekifaananie ky'omusambwa omukazi Ashera. Baasinzanga emuunienie dhoonadhoona edh'oku igulu, era baasinzanga ni Baali yeena.

2 Bakyabazinga 17:3

Agho kyabazinga Shalumaneseri ow'e Assiria, yaalumba Hoshea yaamughangula mu lutalo, Era Hoshea oyo yaaghanga Shalumaneseri omusolo.

2 Bakyabazinga 18:33

Ghalighooku omusambwa waire omulala guti ogw'abamaghanga agandi ogwali gusoboireku okuwonia ensi yaagwo ni gugitoola mu ngalo dha kyabazinga w'e Assiria?

Isaia 17:3

Ensi Isiraeli eriba nga tekaali na bifo bya kwewogomamu kwewonia bazigu, ni Damasiko nga tikikaali na bwakyabazinga. Abasiria abaliwonagho baliswala inho ng'oti n'Abaisiraeli. Nze Musengwa Katonda Afuga Amagye ntyo bwe nkobye.”

Isaia 33:14

Aboonooni abali mu Sioni bali mu kutya kwereere; abantu abo abatatya Katonda bali kudhugumira, nga bakoba bati: “Musengwa Katonda ali ng'oti muliro oguzikiriza buli ekiri mu ngira yaagwo. Kale naani ku ife asobola okusigala ng'akaali mulamu mu kwokerera okwo okutalekera ebyanda n'ebyanda?”

Yeremia 13:14

Memale mbakontaganie buli muntu ku mwine, k'abe omuto oba omukulu. Nga ghazira kusaasira, oba okusonigha, waire okugemerwa omuntu ekivunika, aye okutoolaku okubazikiriza obuzikirize.”

Yeremia 48:41

Abazigu baligema ebibuga n'ebifo byayo eby'okwewogomamu. Ku lunaku olwo, abalwani ba Moabu ab'amaani baliidhula okutya ng'oti n'omukazi ali kulumwa okuzaala.

Hosea 10:15

Mwena Abaisiraeli batyo bwe balibakola olw'ebibi byaimwe ebitaloodheka. Kyabazinga wa Isiraeli aliitibwa ng'olutalo lwakatoolera.”

Hosea 13:16

Ab'e Samaria balivunaanibwa omusango olw'okundheemera nze Katonda waibwe. Abazigu balibaitira mu ntalo, era abazigu abo balikuba abaana baibwe abaghere ku itaka, baabasekembula okutuusa okufa. N'abakazi baibwe abali enda balibasala amabunda baagaawuza.”

Amosi 3:14

Ku lunaku lwe ndibonerezaaku Abaisiraeli olw'ebibi byaibwe, nja kuzikiriza alutaari edh'e Betheli. N'ebintu ebiri ng'oti mayiga ga nsolo ebiba ku nsonda dhaadho nja kubimenhaku mbisuule ku itaka.

Amosi 3:8

Empologoma bw'ewologoma, naani asobola obutatya? Musengwa Katonda bw'ayogera, naani aghanga okuloba okulangirira obukwenda bwe?

Amosi 9:5

Musengwa Katonda afuga amagye agema ku nsi, ensi yaatengeeta n'abantu boonaboona baagemwa enaku. Ensi esiikuuka yeefuukuula ng'oti n'omwiga Kiyira.

Mika 5:11

Ndizikiriza ebifo byaimwe eby'okwewogomamu n'ebibuga byonabyona.

Nahumu 3:10

Aye waire kyali kityo, abantu b'omu kibuga ekyo Thebesi baabatwala mu bunhage. Abaana baamu abato baabakuba ghansi mu buli maagaanana gaakyo baabasekembula okutuusa okufa. Abantu baamu ab'ekitiisa baasibwa ku ndhegere era baakubwaku akalulu okusalagho abe abatwale.

Nahumu 3:12

Ebifo byo eby'okwewogomamu bija kuba ng'oti n'ebibala ebisooka okwenga ku muti omutiini, ole bw'atengeesa omuti bigwa butereevu mu munwa ogw'omuli.

Habakkuku 1:10

Tibata kinhagansi mu bakyabazinga, era batwala buli mufuzi ng'eky'okuzaanhisa. Ezira kifo kya kwewogomamu kibalema; bakibungaku emungo ey'eitaka kwe baniinira, baakitwala.