Hosea 10:11 - Baibuli Ekibono kya Katonda 2014

¹¹ Isiraeli eira yali ng'oti nte nto eyatendekebwa obukalamu, ng'eyenda inho okusibwaku ekintu ekimulungula engaano, nze nga mmusaasiranga olw'enkoto ye enungi. Aye Isiraeli oyo ndimuta ekikoligo mu nkoto ekiriku embago, era alikumula eitaka, ni Buyudaaya yaatoodha eitaka.

Hosea 10:11 ပူးပေါင်းရင်းမြစ်များ

Isaia 28:24

Omulimi ng'ali kutegeka enimiro ye okugisigamu, akola gwa kutegeka ogwo gwonka ekiseera kyonakyona aghazira kukoma? Ekiseera kyonakyona akimala ku kutoodha na kwandhala mu nimiro eyo kwonka aghazira kulekera?

Yeremia 28:14

Musengwa Katonda Afuga Amagye, Katonda wa Isiraeli, akoba ati aidha kuta ekikoligo eky'ekyuma ekigumu einho mu nkoto edh'amaghanga gano goonagoona gagheerezenga kyabazinga Nebukadinezzari ow'e Babilonia. Musengwa Katonda era akoba ati n'ensolo edh'omu nsiko dhoona aidha kudhireetera okugheerezanga Nebukadinezzari.”

Yeremia 46:20

Ensi Misiri eri ng'oti n'ente ento eboneka obulungi, erumbiibwa ekisukuma ekiviire ku luuyi olw'omukono omugooda olw'e buvandhuba.

Yeremia 50:11

Musengwa Katonda akoba ati: “Imwe abantu b'omu nsi Babilonia, mwanhagulula eighanga lyange. Muli basangaavu era muli kusagambya, ng'oti n'ente ento bw'etuumiratuumira mu isubi, era muli kugufula ng'oti mbalaasi nume.

Hosea 11:4

Nabatwalanga na kisa, naabaleeteranga okwidha ye ndi nga mbagonza. Nabaghembereranga ng'oti n'aghemberera omwana okumusirisaagho, era naakutamanga okubaliisa.

Hosea 2:5

Inhaibwe yakola obwamalaaya, oyo eyabazaala yeebisa mu nsambo eswaza ng'akoba ati: “Ndidha kuja y'abagonzi bange, bampe emere, n'amaadhi, n'engoye empegheevu, n'edho edhaakolebwa mu buviiri bw'entaama, n'omuzigo ogw'ebibala eby'emiti emyoliva, n'eby'okunhwa.”

Hosea 3:1

Agho Musengwa Katonda yankoba ati: “Ja kabiri ogonze omukazi omwenzi ali n'omusaadha owundi y'ayenda. Omugonze nga nze Musengwa Katonda bwengonza Abaisiraeli, waire nga bakyuka baasinza bakatonda abandi era baasanhukira inho okughaayo emizabbibu egikaziibwa ng'ebigheebwayo eri bakatonda abo.”

Hosea 4:16

Abaisiraeli bamagalavu ng'oti nte nto. Kale nze Musengwa Katonda nnaasobola ntya okubaliikiza mu kyayiro ekigazi, ng'omuntu bw'aliisa entaama ento?

Hosea 9:1

Imwe Abaisiraeli, mulobe kusagamba waire okuba abasangaavu ng'oti n'abantu abatatya Katonda; kuba mwaloba okuba abeesigwa mwava ku Katonda waimwe. Mwasanhukira inho engaano eva mu bifo aghakubirwa engaano, nga mulowooza muti eyo n'empeera emisambwa ye gibagha olw'okwetunda ye giri nga bamalaaya.

Mika 4:13

Musengwa Katonda akoba abantu be ati: “Imwe abantu ab'e Yerusalemu, musitukiremu muje mukube abazigu baimwe. Imwe ndidha kubafuula mube ba maani ng'oti n'ensolo enume eri n'amayiga ag'ekyuma ekigumu einho, n'ebigere ebiriku ebinuulo eby'ekyuma eky'ekikomo. Mwidha kukuba era mumulungule abantu ab'amaghanga kamaala, eby'obukombe byaibwe bye bali nabyo ni bye baanhaga, mwidha kubighaayo ye Musengwa Katonda ow'ensi yoonayoona.”

Ab'e Roma 16:18

kuba abantu abakola ebintu oti n'ebyo tibagheereza Musengwa waife Kurisito aye bakolerera nda dhaibwe. Bakozesa ebibono ebinhoonha era ebisaakiriza, baaguya abantu abazira kabi.

Amateeka Agokubiri 25:4

“Otasibanga nte munwa bw'eba ng'emulungula engaano.”