Hosea 10:10 - Baibuli Ekibono kya Katonda 2014

¹⁰ Ndirumba abantu abo aboonooni naababonereza. Amaghanga galyesoloza ghalala okubalwanisa, baabonerezebwa olw'ebibi byaibwe ebingi.

Hosea 10:10 ပူးပေါင်းရင်းမြစ်များ

1 Bakyabazinga 12:28

Kale kyabazinga Yeroboamu oyo yaalowoolereza inho ku kintu ekyo, era yaamala yaakola ebifaananie eby'ente ento bibiri mu zaabu. Agho yaakoba abantu ati: “Mubairenga nga muja e Yerusalemu okumala ekiseera ekireeyi ekimala. Mubone eno, imwe Abaisiraeli, bano ni bakatonda baimwe abaabatoola mu Misiri.”

Yobu 39:10

Osobola okugisibaku embago yaakulimira? Oba yaakughaluliza embago yaakukumulira enimiro?

Isaia 1:24

Kale ni Musengwa Katonda Afuga Amagye, Katonda oyo owa Isiraeli Aghanga Ebintu Byonabyona, akoba ati: “Ha, imwe abazigu bange ndidha kubamaliraku obusungu bwange, era mbeesasuulizeeku imwe abantakania.

Yeremia 15:6

Imwe mwanvaaku, mwaja mu bye mwalimu eira. Kale zeena n'okugolola omukono ni mbazikiriza; kuba nkooye okubasaasiranga.

Yeremia 16:16

Musengwa Katonda akoba ati: “Bona, nze nja kwetesa abavubi kamaala, baje bavube abantu abo ng'oti byanhandha. Memale kabiri ndhetese abayiizi kamaala, baje babayiige ng'oti nsolo ku buli lusozi, ni ku buli kasozi, ni mu buli mpuku eri mu lwatika lw'olubaale.

Yeremia 21:4

“Muje mukobe Zedekia muti Musengwa Katonda, Katonda wa Isiraeli akoba ati, ‘Nja kughangula eigye lyo eriri kulwanisa kyabazinga w'e Babilonia n'eigye lye eribazingiiza okubeezunguluza. Era nja kusolokeza eby'okulwanisa byaimwe ghagati mu kibuga.

Ezekieli 16:37

Olw'ebyo bye wakola, ndisoloza abagonzi bo boonaboona be wasanhukanga nabo, abo be wayendanga n'abo be wakyaghanga. Ndibasoloza baava ku ndhuyi dhoonadhoona, baidha baakwefuulira baakulumba. Olwo naakutoolamu engoye dho, boonaboona baakubona ng'oli madu.

Ezekieli 16:42

Ntyo bwendikumaliraku obusungu bwange, olwo naalekera agho okuba n'enkikidi ku lulwo, ye wandeetera okuba nayo olw'obutaba mwesigwa ye ndi. Nditereera naalekera agho okukusungughalira.

Ezekieli 23:46

Musengwa Katonda akoba ati: “Mubasindikeku ekikuukuulu ky'abantu kibatuntuze era kibanhagululeku ebyaibwe.

Ezekieli 23:9

Kale nze kyenava ni mmughaayo mu ngalo edh'abagonzi be Abassiria be yeefulugutanga nabo.

Ezekieli 5:13

“Obusungu bwange butyo bwe bulibaidhira. Ndibamaliraku ekiruyi kyange, memale naasiima. Era bwendimala okubamaliraku ekiruyi kyange, olwo mulimanha nga nze Musengwa Katonda, ninze ndhogeiza enkikidi imwe abantu bange ye mwandeetera okuba nayo olw'obutaba beesigwa ye ndi.

Hosea 10:9

Musengwa Katonda akoba ati: “Abaisiraeli tibalekeranga kukola bibi, okuviira irala ku biseera bye baakoleramu ebibi e Gibea. Kale yeene eyo e Gibea olutalo ye lulibaagaana.

Hosea 4:19

Empewo eribawungula yaaja nabo, era ensoni dhiribagema olw'emisengo gye baghaayo mu kusinza ebitali Katonda.”

Hosea 4:9

Ekibonerezo abantu kye balifuna, mwena bakabona kye mulifuna. Ndibabonereza olw'engeri dhaimwe embi, naabeesasuulizaaku olw'ebikolwa byaimwe ebibi.

Hosea 8:1

Musengwa Katonda akoba ati: “Mufuughe amagwala agalaalika olutalo! Abazigu bali kwidha okugwa ku nsi yange Isiraeli ng'oti nsega; kuba abantu bange Abaisiraeli baamenha endagaano ye nakola nabo, baadheemera amateeka gange.

Hosea 8:10

Aye waire baapangisa abamaghanga agandi, nze ndibasololeza ghalala naababonereza. Era bali kumpi na kulira maziga, nga kyabazinga w'e Assiria atooleire okubatuntuza.

Matayo 22:7

Kyabazinga yaanakughala, yaasindika amagye ge gaazikiriza abaisi abo era gaayokya n'ekibuga kyaibwe.

Amateeka Agokubiri 28:63

Nga Musengwa Katonda bwe yasanhuka okubakolera ebirungi n'okubafuula abangi, atyo bw'aidha n'okubasaaniagho abamalegho mu nsi ye muli kuja okutwala.