Haggai 2:5 - Baibuli Ekibono kya Katonda 2014

⁵ Nga muli kuva mu nsi Misiri, nabasuubiza okubanga aghalala n'imwe buliidho. Kale ni mulobe kutya.

Haggai 2:5 ပူးပေါင်းရင်းမြစ်များ

2 Ebyomubyanda 20:17

Tikiidha kubeetaagisa imwe kulwana lutalo luno. Imwe mwetegeke, mwemerere bwemerere, olwo mubone obughanguzi Musengwa Katonda bw'anaabagha. Imwe abantu ab'omu Buyudaaya n'ab'omu Yerusalemu, mutatya era mutawaamu maani. Olwaidho imwe muje mubalumbe, Musengwa Katonda aidha kuba ghalala n'imwe.”

Nehemia 9:20

Wabagha omwoyo gwo omulungi gubagalagirenga eky'okukola. Tiwalekeraku kubaghanga mannu kulya, era waabaghanga amaadhi okubawonia endiwo.

Nehemia 9:30

Waabaguminkiriza emyaka kamaala, era waata omwoyo gwo mu balanzi bo baje babalabule, aye nga basembye amatu gaibwe. Kyewava n'obaghaayo mu ngalo edh'abamaghanga agandi.

Okuvaayo 19:4

‘Mwabona bye nakola Abamisiri, era mwabona bwe nabaleeta okubatuusa ghano ghe ndi, nga mbaginze ng'oti n'enkookooma bw'eginga omwana waayo ku maghagha.

Okuvaayo 19:6

Era munaabanga eighanga eitukuvu, mwampeerezanga nga bakabona. Ebyo by'obe okobe Abaisiraeli.’ ”

Okuvaayo 24:3

Agho Musa yaaja yaakobera abantu ebyo byonabyona Musengwa Katonda bye yamukoba era n'ebiragiro. Era abantu boonaboona bairamu n'omwoyo mulala bati: “Ebyo byonabyona Musengwa Katonda by'atukobye twidha kubikola.”

Okuvaayo 24:8

Agho Musa yaatoola omusaayi yaagumansira ku bantu nga bw'akoba ati: “Omusaayi n'akamanhiso akakakasa endagaano Musengwa Katonda y'akoze n'imwe ng'ebibono bino byonabyona bwe bikoba.”

Okuvaayo 34:10

Musengwa Katonda yaakoba Musa ati: “Bona eno, buti ndi kukola n'imwe endagaano. Ndidha kukola ebyewuunhio ng'abantu bo boonaboona babona, ebyewuunhio ebitakolwangaku mu ighanga lyonalyona mu nsi yoonayoona. Abantu boonaboona balikibona ekyo kye nja okukola, kuba kye nja okukola mu imwe kiriba kitiisa.

Okuvaayo 34:8

Amangu ago Musa yeeyala ku itaka yaasinza.

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Isaia 41:13

Nze Musengwa Katonda wo ninze nkugha amaani, era ninze ndi kukukoba nti, ‘Otatya, ndidha kuyamba.’

Zekaria 4:6

Agho malaika oyo yankoba okutwalira Zerubbabeli obukwenda bwa Musengwa Katonda obukoba buti: “Olighangula ti lwa kuba wa maani, waire okuba ow'obuyinza, aye lwa Musengwa Katonda Afuga Amagye okukugha omwoyo gwe.

Zekaria 8:13

Imwe ab'omu Buyudaaya n'ab'omu Isiraeli, mwali mufuuse ekibono abamaghanga agandi kye baakozesanga okukolima. Aye buti ndidha kubanunula, olwo bakozesenga eriina lyaimwe okusabiranga abantu enkabi. Kale mutatya naire, mugume bugume.”

Zekaria 8:15

Aye mpegaano ntegeike okugha abantu b'omu Yerusalemu n'ab'omu Buyudaaya enkabi. Kale mutatya naire.

Matayo 28:5

Malaika yaakoba abakazi ati: “Mutatya, kuba ndidhi muli kwagala Yesu eyakomererwa ku musalaba.

Ebikolwa by'Abatume 27:24

era yankoba ati, ‘Paulo, otatya, oteekwa okwemerera mu maiso ga Kaisari. Era olwa iwe Katonda aidha kukuuma n'abo boonaboona abali n'iwe mu lyato.’

Yoshua 1:9

Oteerabira kye nkulagiire nti: Banga mumalirivu era atatya, otatiribiranga oba okuwaamu amaani, kuba Nze Musengwa Katonda wo ndidha kubanga n'iwe buli gh'oja.”

Yoshua 8:1

Musengwa Katonda yaakoba Yoshua ati: “Lekera agho okutya n'okuwaamu amaani. Situkiramu n'abasaadha bo abalwani boonaboona, muje mulumbe Ayi. Kuba bona eno, mmaze okukuta mu ngalo kyabazinga wa Ayi n'abantu be, n'ekibuga, n'ensi ye.

Okwolekebwa 1:17

Bwe namubona neeyala gha bigere bye nga ndi ng'oti n'afiire. Aye yangemaku n'omukono gwe omusaadha, yankoba ati: “Totya, ninze entoolo era enkomerero

1 Samueli 12:20

Samueli yaakoba abantu ati: “Mutatya. Waire mukoze ekibi ekyaga agho mutavanga ku Musengwa Katonda, aye mumugheerezenga n'omwoyo gwaimwe gwonagwona.