Haggai 2:22 - Baibuli Ekibono kya Katonda 2014

²² ntoolegho obwakyabazinga obw'amaghanga, era nkomye obuyinza bwago. Ndidha kusuula ere ebigaali by'omu lutalo n'abavuzi baabyo. N'embalaasi dhiidha kufa, n'abavuzi baadho baitagane beene na beene.

Haggai 2:22 ပူးပေါင်းရင်းမြစ်များ

2 Ebyomubyanda 15:6

Tighaaligho kwegaita: ng'ekiketezo kino kirwanisa kire, ate ekibuga kire kyalwanisa ekindi, kuba Katonda yabatuusa ku kudaazibwadaazibwa yaabaleetera okweraliikirira okutakobeka.

2 Ebyomubyanda 20:22

Bwe baatoolera okwemba n'okusaaka, Musengwa Katonda yaazinduukiriza Abammoni, n'Abamoabu, n'abantu ab'oku lusozi Seiri, abaali balumbye Buyudaaya eigye lyaibwe lyagumbulukuka.

2 Ebyomubyanda 20:23

Abammoni n'Abamoabu baalumba abantu ab'oku lusozi Seiri, baabaita okubasaaniagho. Era bwe baamala okubasaaniagho, olwo boonaboona baatoolera okwitagana beene na beene.

Zabbuli 46:9

Alekeza okulwana entalo mu nsi yoonayoona; yaakutulakutula mu bulaso, era yamenhamenha amafumo, n'engabo yaadhikumaku omuliro.

Zabbuli 76:6

Bwe wabakaabukira iwe Katonda wa Yakobo, embalaasi dhaagwa, n'abavuzi baadho baagwa ghansi, baafa.

Okuvaayo 14:17

Ndidha kukalangusa emyoyo egy'Abamisiri balobe kutya, boona bangire mu nhandha nga bababingirira, aye kye nja okukola kyabazinga n'abalwani be boonaboona, n'ebigaali bye eby'omu lutalo, n'abavuzi be ab'embalaasi, kija kumpeesa ekitiisa.

Okuvaayo 14:28

Amaadhi gairagho gaasaaniagho ebigaali eby'omu lutalo, n'abavuzi ab'embalaasi, n'abalwani ba kyabazinga boonaboona abaanonereza Abaisiraeli mu nhandha ghazira naire mulala ati eyasigalagho.

Okuvaayo 15:19

Abaisiraeli baabita mu nhandha ghagati nga batambulira ku itaka ikalu. Aye ebigaali eby'Abamisiri eby'omu lutalo, n'embalaasi dhaaku, n'abavuzi baadho bwe bangira mu nhandha, Musengwa Katonda yaiza amaadhi g'enhandha mu kifo kyago era gaabasaaniagho.

Okuvaayo 15:4

Yasuula abalwani ba Misiri n'ebigaali byaibwe eby'omu lutalo mu nhandha; abaduumizi ba Misiri abaasinganga okwesigibwa, baasaanagho mu maadhi.

Isaia 19:2

Musengwa Katonda akoba ati: “Ndisiikuula Abamisiri baalwanagana beene na beene, aboluganda baalwanagana beene na beene, ab'omuliiraano baalwanagana beene na beene, ebibuga byalwanagana buli kirala ni kiinaakyo, ni bakyabazinga baalwanagana buli mulala ni mwine.

Isaia 60:12

Aye eighanga n'obwakyabazinga ebiriroba okukugheereza, biryonoonebwayonoonebwa era byasaanizibwagho irala.

Isaia 9:19

Olw'ekiruyi Musengwa Katonda Afuga Amagye ky'ali nakyo, ensi ekunaine omuliro, abantu baaba ng'oti n'enku dhe guli kwokya, ghaabulagho omuntu waire omulala ati asaasiraku muganda we n'aloba kumukola kabi.

Ezekieli 21:27

Ekibuga ekyo ndikizikiriza kyafuuka bifulukwafulukwa, okutuusa oyo ye nhenda okukigha lw'aliidha, ni nkimugha.

Ezekieli 26:16

Agho bakyabazinga boonaboona ab'ensi edhiriiraine ku nhandha, baliva ku bityamo byaibwe eby'obwakyabazinga, baatoolamu ebivaalo byaibwe ebiriku amadholobera. Baatyama ku itaka era baadhugumira buli kaseera, nga batiire inho olw'ebyo ebikutuuseeku.

Ezekieli 38:21

Ndireetera Gogi oyo ebitiisa ebya buli nsambo, n'abalwani be baitagana beene na beene. Nze Musengwa Katonda ninze nkobye.

Ezekieli 39:20

Dhirityama okulya ekiiwulo kye nja okudhitegekera, dhaiguta embalaasi, n'abavuzi baadho, n'abalwani ab'amaani, era n'abaisirukale abandi boonaboona. Nze Musengwa Katonda ninze nkobye.”

Danieli 8:25

Alikozesa olugezigezi lwe yaatuukiriza enkwe dh'ayenda okukola. Alyekudumbazanga era yaazinduukirizanga abantu kamaala nga tibeetegeike yaabazikiriza. Alituuka n'okulwanisa Kyabazinga asinga mu bakyabazinga boonaboona. Aye mwene talizikirizibwa na maani ga bantu buntu.

Amosi 2:15

Abalasi ab'obulaso tibaja kukana kwemereragho, waire ab'amagulu agalumuka einho okusobola okwewonia, oba abavuzi ab'embalaasi okuwonia bulamu bwaibwe.

Mika 5:10

Musengwa Katonda akoba ati: “Mu kiseera ekyo ndizikiriza embalaasi dhaimwe n'ebigaali byaimwe eby'omu lutalo.

Mika 5:15

Olw'obusungu n'ekiruyi bye ndi nabyo, ndibonereza amaghanga agatangondera.”

Mika 5:8

Abaisiraeli abo abaliwonagho eyo mu maghanga, baliba ng'oti n'empologoma eri kuyiiga ensolo edh'omu nsiko mu kibira, oba eri kuyiiga entaama mu kyayiro. Kiisi y'etuukaku egituumiraku yaagikankanula nga ghazira isuubi lyonalyona lya kuwona.

Mika 5:9

Mu nsambo n'endala, Abaisiraeli baja kughangula abazigu baibwe boonaboona era babazikirize.

Mika 7:16

Abantu ab'omu maghanga balibona bino, baatenha waire nga ba maani. Balibulwa eky'okwogera ng'ate bazira na kye bawulira, olw'okutya n'okusoberwa.

Zefania 3:8

Musengwa Katonda akoba ati: “Kale ni muteegerere olunaku lwe ndyesimbagho okugha obudhulizi obulumiriza amaghanga ebibi bye gakola. Nsazeegho okusololeza aghalala amaghanga n'obwakyabazinga, mbamalireku ekiruyi kyange kyonakyona kuba obusungu bwange obuli ng'oti muliro, obuva ku nkikidi ye ndi nayo ku bantu bange, buja kuzikiriza ensi yoonayoona.

Zekaria 10:11

Bwe baliba nga bali kubita mu nhandha ey'e Misiri, nze Musengwa Katonda ndikuba okwefuukuula okw'enhandha eyo, n'entobo ey'omwiga Kiyira yaakala. Okwekuluntaza kw'Abasiria kuliisibwa ghansi, n'obuyinza bw'Abamisiri bwawaagho.

Zekaria 10:5

Abantu b'omu Buyudaaya baliba ng'abalwani ab'omu lutalo ab'amaani, nga batyankirira abazigu baibwe mu bisoodo eby'omu nguudo. Balirwana baghangula n'abazigu baibwe ab'oku mbalaasi, kuba nze Musengwa Katonda ndi ghalala nabo.

Zekaria 12:9

Mu biseera ebyo ndizikiriza kiisi ighanga eririgezaaku okulumba Yerusalemu.”

Zekaria 14:3

Agho Musengwa Katonda alimala yaalumba amaghanga ago, yaagalwanisa ng'oti bwe yalwana mu ntalo edhaabita.

Zekaria 4:6

Agho malaika oyo yankoba okutwalira Zerubbabeli obukwenda bwa Musengwa Katonda obukoba buti: “Olighangula ti lwa kuba wa maani, waire okuba ow'obuyinza, aye lwa Musengwa Katonda Afuga Amagye okukugha omwoyo gwe.

Zekaria 9:10

Musengwa Katonda akoba ati: “Nditoola mu Isiraeli ebigaali eby'omu lutalo, naatoola ni mu Yerusalemu embalaasi. Obulaso obukozesebwa mu lutalo bulizikirizibwa. Kyabazinga oyo alireetagho emiraala mu maghanga. Alifuga ekiketezo ekiva ku nhandha okutuuka ku nhandha, n'okuva ku mwiga Eufurate okutuusa ensi y'ekanga.”

Matayo 24:7

Eighanga lirirumba liinaalyo, n'obwakyabazinga bwalumba bwinaabwo. Ghalibaagho endhala ni musisi mu biketezo kamaala.

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

Abalamuzi 7:22

Abasaadha ba Gideoni bwe baafuuwa endeka dhaibwe ebikumi ebisatu, Musengwa Katonda yaaleetera ab'eigye ery'omuzigu buli muntu okulumba mwine, buli muntu ng'alwanisa mwine n'empiima. Baalumuka okutuuka e Bethi Shitta okwolekera Zerera, okutuuka ku nsalosalo ni Abeli Mehola, okumpi n'e Tabbathi.

1 Samueli 14:16

Abakuumi ba Saulo abaali mu Gibea ekya Benjamini, baaja okulinga bati, nga babona eikuukuubira ly'Abafilisiti nga liyoolookera eno n'ere.