Haggai 2:13 - Baibuli Ekibono kya Katonda 2014

¹³ Kabiri Haggai yaababuuza ati: “Ole asobola okufuuka atali mulongoofu olw'okugema oba okusiinha ku mulambo, ate yaamala yaagema ku by'okulya ebyo. Mpegaano eky'okulya ky'agemyeku, kyona kifuuka ekitali kirongoofu nga mwene?” Bakabona bairamu bati: “Yii, kifuuka ekitali kirongoofu.”

Haggai 2:13 ပူးပေါင်းရင်းမြစ်များ

Omulangirizi 10:1

Ng'ensowera enfu edhigwire mu by'obuwoowo bwe dhibireetera okuwunha ekivundu; n'ekikolwa eky'obusiru kityo bwe kimalagho amagezi n'ekitiibwa, ekikolwa ekyo ni bwekiba ekitono einho.

Hosea 9:4

Nga muli mu nsi edho edh'abamaghanga agandi, timulisobola kugheereza Musengwa Katonda mwenge gwa mizabbibu ng'ekigheebwayo ekifukibwa, waire okumusiimyanga n'emisengo gyaimwe. Emere yaimwe erireeteranga kiisi bantu abaligiryangaku okufuuka abatali balongoofu, ng'oti n'abaliiriire emere aghali omufu. Emere eyo baligiryanga lwa kubamalaku ndhala kyonka. Tibaligitwalanga kugighaayo mu isinzizo lya Musengwa Katonda.