Haggai 2:12 - Baibuli Ekibono kya Katonda 2014

¹² Ole asobola okutoola ekinofu ky'emamba ey'omusengo emaze okutukuzibwa, yaakitwalira mu lugoye lw'avaire. Aye bw'aleka akatundu ku lugoye olwo ni kasiinha ku mugaati, oba ku mere enfumbe yoonayoona, oba ku mwenge ogw'emizabbibu, oba ku muzigo ogw'ebibala eby'emiti emyoliva, oba ku ky'okulya ekindi kyonakyona, obwo eky'okulya ekyo kifuuka kitukuvu kyona?” Bakabona bairamu bati: “Busa.”

Haggai 2:12 ပူးပေါင်းရင်းမြစ်များ

Okuvaayo 29:37

Enaku omusanvu edho oidha kughangayo ekigheebwayo olw'ebibi okutukuza alutaari, olwo ebe ng'eidhwire obutukuvu ng'ekintu kyonakyona ekigyekontaku kifuuka kitukuvu.

Omulangirizi 10:1

Ng'ensowera enfu edhigwire mu by'obuwoowo bwe dhibireetera okuwunha ekivundu; n'ekikolwa eky'obusiru kityo bwe kimalagho amagezi n'ekitiibwa, ekikolwa ekyo ni bwekiba ekitono einho.

Ezekieli 44:19

Bwe banaabanga nga bafuluma okuja mu luya olw'okuliya eri abantu, baidha kutoolangamu ebivaalo bye bakozesa mu kugheereza babirekenga mu bisenge ebitukuvu, bamale baavaalenga ebivaalo ebindi. Olwo ebivaalo byaibwe ebitukuvu birobenga kukola kabi ku bantu.

Abalevi 6:27

Buli ekinaagemanga ku mamba yaakyo, kinaakolwangaku amaani ag'obutukuvu bwakyo. Era ekivaalo ekinaamansirwangaku omusaayi gwakyo, banaakyolezanga mu kifo ekitukuvu.

Abalevi 6:29

Kiisi musaadha ow'oku lulyo lwa Aaroni, anaabanga wa idembe okukiryaku. Kitukuvu inho.

Abalevi 7:6

Kiisi musaadha ow'oku lulyo lwa bakabona, anaabanga wa idembe okukiryaku. Aye kiteekwa okuliirwa mu kifo ekitukuvu, kuba kitukuvu inho.

Matayo 23:19

Abatulu imwe, kiki ekisinga, ekirabo oba alutaari etukuza ekirabo ekyo?

Amateeka Agokubiri 33:10

Baidha kwegeresanga abantu bo ebiragiro byo n'amateeka go. Baidha kuniokezanga obubbaani gh'oli. Baidha kughangayo emisengo egyokebwa ku alutaari yo.