Haggai 1:6 - Baibuli Ekibono kya Katonda 2014

⁶ Mwasiga bingi aye mwakungula bitono. Muli n'emere ey'okulya aye tebamala kubaigusa. Muli n'omwenge ogw'okunhwa aye tigubamala ndiwo! Muli n'engoye edh'okuvaala aye tidhibamala kusuugha. Abakozi empeera ye bafuna tebamala mu byetaago byaibwe.

Haggai 1:6 ပူးပေါင်းရင်းမြစ်များ

2 Samueli 21:1

Agho mu kiseera Daudi kye yafugiramu Isiraeli endhala yaagwa, yaalumira emyaka esatu egiiraganwaku. Daudi yaaja yeebuuza ku Musengwa Katonda. Musengwa Katonda yaamukoba ati: “Saulo n'ab'endhu ye baliku omusango ogw'obutemo, kuba Saulo yaita Abagibeoni.”

1 Bakyabazinga 17:12

Omukazi yaakoba ati: “Ndayira mu Musengwa Katonda wo omulamu, nti bwenebwene nzira mere, okutoolaku omuganda ogw'obuwunga bw'engaano mu kaibo, n'otuzigo mu kadoome. Era mpegaano ndi kulondereza ku buku, nje eka, neefumbire akamere ako, nze n'omwana wange tukalye, memale tumale tufe endhala.”

Nehemia 5:2

Abandi nga bakoba bati: “Ife n'abaana baife tuli abantu kamaala, kale twetaaga engaano tulye tube abalamu.”

Yobu 20:22

Ekiseera ky'alibeeramu n'ebintu ebingi ebivuluudha, ebizibu kamaala birimwidhira yaadaagadaaga.

Yobu 20:28

Eby'omu ndhu ye birinhagibwa, era byatwalibwa ku olwo Katonda lw'alisungughala.

Zabbuli 107:34

Eribaire eitaka eigimu alifuula ery'oluunhu erizira muganhulo, olw'obubi bw'abo abalityamaku.

Ensambo 11:24

Ghaligho omuntu aba omugabi einho aye yeeyongera bweyongere kugaigaghala, ate owundi yaaba mukodo ekibitiriire aye yeeyongera bweyongere kwavughala.

Isaia 5:10

Eisamba ery'emizabbibu ery'eyiika eikumi, liidha kuvangamu bwa lita munaana edh'omwenge ogw'emizabbibu. Ate omusiri ogusigibwamu ekiibo ekiramba eky'ensigo, gwidha kukungulwangamu kaibo bwibo.”

Yeremia 12:13

Abantu bange baasiga engaano, aye baakungula mawa. Baafaabiikana inho, aye baaloba kufunamu muganhulo. Baaswala olw'obutabaagho ke bafunamu, kuba obusungu bwange obubitirivu bwabalemeesa.”

Yeremia 14:4

Abalimi basoberwa, beeghemba mu maiso nga baswaire, olw'amaadhi obutagwa eitaka ni libbalanguka.

Yeremia 44:18

Aye okuvanga lwe twalekera okuniokeza obubbaani omusambwa Kyabazinga Omukazi ow'Eigulu ogwo, ni tulekera n'okugughanga ebigheebwayo ebifukibwa, ghazira ke tukaafunayo, n'abantu baife abandi bafiiriire mu ntalo, n'abandi baafa endhala.”

Hosea 4:10

Baliryanga era baalyanga aye nga tibaiguta. Era balikolanga obwamalaaya obw'omu masabo aye nga tibazaalagana naire; kuba banvaaku nze Musengwa Katonda baira ku kusinza bakatonda abandi.”

Hosea 8:7

Nga bwe baasiga empewo era balikungula kiwunga ow'amaani. Engaano nga tetaireeku bifaaganda, terivaamu mere naire. Aye ni bweyanditaireku ebifaaganda n'ebala, era abagwira n'abandigiriire.

Abalevi 26:20

Bwe munaakolanga emirimo, amaani gaimwe ganaabafanga busa, kuba ensi teebazenga birime, n'emiti tigiibalenga bibala.

Abalevi 26:26

Ndidha kubasindikiranga endhala, emere yaimwe ekendeere, abakazi eikumi babe nga beetaaga bwa ziiko ndala yonka okufumbiramu emigaati egirigho. Banaagibapimiranga bupimire mwagirya gyonagyona, aye ate mwaloba kwiguta.

Haggai 1:10

Kyova eigulu ligemereire amaadhi obutagwa, n'eitaka lyaloba kubaza birime.

Haggai 1:5

Aye kale ni, mubone ebibatuuseeku?

Haggai 1:7

Aye kale ni, muboine ebibatuuseeku?

Haggai 1:9

“Mwasuubira okukungula ebirime kamaala, aye wo, mwafunayo bitono. Era n'ebitono ebyo bwe mwabituusa eka, naabyonoona. Lwaki nabyonoona? Lwa kuba eisinzizo lyange liri bifulukwa byereere, aye nga imwe buli muntu yeefubiriire ku kulabirira ndhu ye.

Haggai 2:16

ng'omuntu asobola okuja ku mmungo ey'engaano ng'asuubira okwagaanayo kilo ebikumi bibiri, aye ghaabangagho bwa kilo kikumi kyonka. Ate omuntu bwe yajanga okusena lita ekikumi edh'omwenge ogw'emizabbibu ku kikunhiro, yayagaanangayo lita makumi ana (40) gonka.

Haggai 2:17

Nasindikanga empewo ensu yaavulusa ebirime byaimwe byonabyona, era naasindikanga n'omugozi gwabifungalaza, aye era mwaloba okwenenia.

Zekaria 5:4

Musengwa Katonda Afuga Amagye akoba ati alisindika ekikolimo ekyo kyangira mu ndhu dh'abaibi, ni mu ndhu dh'abo abanaalayiranga eby'okusubagha mu liina lya Musengwa Katonda. Era ekikolimo ekyo kiriba mu ndhu edho kyadhisaaniagho okudhimaliriragho.”

Zekaria 8:10

Ebiseera ebyo bwe byali nga bikaali kutuuka, tighaalingagho muntu asobola kusasulira mupakasi oba ensolo okumukolera omulimo. Era nga ghaziragho muntu atali mu bweraliikirivu bwa bazigu kumulumba, kuba naleetera abantu okukyaghagana.

Malaki 2:2

Muli n'okuntaamu ekitiisa. Aye ekyo bwe munaaloba okukitaaku omwoyo, ndibasindikira ekikolimo, n'edhandibaire enkabi dhoona naadhireetera okufuuka ebikolimo. Mu butuufu ekyo namala ira n'okukikola, kuba ekiragiro kyange timukitaaku mwoyo.

Amateeka Agokubiri 28:17

“Amakungula gaimwe gaidha kukolimirwanga n'emere ye munaafumbanga okulya yoona ekolimirwe.