Haggai 1:14 - Baibuli Ekibono kya Katonda 2014

¹⁴ Agho Musengwa Katonda yaata mu bantu abo boonaboona omwoyo ogwenda okukola. Omwoyo ogwo yaaguta mu Zerubbabeli mutabane wa Shealutieli era omufuzi wa Buyudaaya, ni mu Yoshua mutabane wa Yehozadaki era omukulu wa bakabona, ni mu bantu boonaboona abaira okuva mu bunhage. Baatoolera okukola ku isinzizo lya Musengwa Katonda Afuga Amagye Katonda waibwe,

Haggai 1:14 ပူးပေါင်းရင်းမြစ်များ

1 Ebyomubyanda 5:26

Agho Katonda wa Isiraeli yaasiikuula enzigu mu mwoyo gwa Puli kyabazinga w'e Assiria, eriina lye erindi nga ni Tigulathi Pileseri, yaaja yaatwala mu bunhage Abareubeni, n'Abagadi, n'ekitundu ku Bamanasse. Yaabatwala e Hala, n'e Habori, n'e Hara, ni ku mwiga Gozani, baabeera irala eyo ni ye buli eno.

2 Ebyomubyanda 36:22

Mu mwaka ogwasooka ogwa kyabazinga Kuro okufuga Perusia, Musengwa Katonda yatuukiriza ekyo kye yayogera ng'abita mu Yeremia omulanzi. Musengwa Katonda oyo yaleetera kyabazinga Kuro oyo okulangirira ekiragiro mu bwakyabazinga bwe bwonabwona, era yaakita mu bughandiike ati:

Ezera 1:1

Mu mwaka ogwasooka ogwa kyabazinga Kuro okufuga Perusia, Musengwa Katonda yatuukiriza ekyo kye yayogera ng'abita mu Yeremia omulanzi. Musengwa Katonda oyo yaleetera kyabazinga Kuro oyo okulangirira ekiragiro mu bwakyabazinga bwe bwonabwona, nga kighandiikiibwa kiti:

Ezera 1:5

Agho abakulu b'enda dha baiseibwe mu bika, ekya Yuda n'ekya Benjamini, ni bakabona, n'Abalevi abandi, na buli muntu yeenayeena Katonda ye yaleetera okwenda okuja, baasituka okuja okuzimba obuyaaka eisinzizo lya Musengwa Katonda mu Yerusalemu.

Ezera 5:2

Kale Zerubbabeli mutabane wa Shealutieli ni Yeshua mutabane wa Yozadaki, bairamu okuzimba eisinzizo lya Musengwa Katonda e Yerusalemu, nga bayambibwaku abalanzi abo bombi.

Ezera 5:8

“Isebantu kyabazinga, tuli kukumanhisa tuti twaja mu kiketezo eky'e Buyudaaya, twatuuka ku isinzizo lya Katonda oyo omukologho. Twayagaana nga bali kulizimba n'amabaale amabaadhe amanene, nga n'emiti bali kugizimbira mu bimante. Omulimo bali kugukola n'obwegendereza era guli kuja mu maiso.

Nehemia 4:6

Kale tweyongera okuzimba ekimante, twaja nga tukiyunga ghalala kyonakyona okwezungulula, twakituusa ghagati mu kuja ghaigulu kuba abantu baali n'omwoyo ogwenda okukola.

Zabbuli 110:3

Ku lunaku lw'olija n'eigye lyo okulwana, abantu bo baja kweghaayo kyeyendere aghazira kukakibwa. Abavubuka bo baja kwidha y'oli ku nsozi entukuvu ng'oti musulo gwa nkyo.

Haggai 1:1

Mu mwaka ogwokubiri nga Dario ni kyabazinga w'e Perusia, ku lunaku olusooka mu mwezi ogwomukaaga, Musengwa Katonda yaagha Haggai omulanzi obukwenda. Haggai oyo ng'ali n'okutwala obukwenda obwo abukobere Zerubbabeli mutabane wa Shealutieli era omufuzi wa Buyudaaya, ni Yoshua mutabane wa Yehozadaki era omukulu wa bakabona.

Haggai 1:12

Agho Zerubbabeli mutabane wa Shealutieli era omufuzi wa Buyudaaya, ni Yoshua mutabane wa Yehozadaki era omukulu wa bakabona, n'abantu boonaboona abaira okuva mu bunhage e Babilonia, baakola ekyo Musengwa Katonda waibwe kye yabalagira. Baatya era baagondera obukwenda bwa Haggai omulanzi Musengwa Katonda ye yatuma.

Haggai 1:15

ku lunaku olwamakumi abiri n'eina, olw'omwezi ogwomukaaga, mu mwaka ogwokubiri nga Dario ni kyabazinga.

Haggai 2:2

Yaakoba Haggai aje ye Zerubbabeli mutabane wa Shealutieli era omufuzi wa Buyudaaya, ni Yoshua mutabane wa Yehozadaki era omukulu wa bakabona, n'abantu boonaboona abaira okuva mu bunhage, abakobe ati:

Haggai 2:21

Yaamukoba aje ye Zerubbabeli omufuzi wa Buyudaaya, amukobe ati: “Nze Musengwa Katonda ndi kumpi okutengeesa eigulu n'ensi,

1 Ab'e Korintho 15:58

Agho ni aboluganda abagonzi, mwekalangule era mube bagumu. Mukolenga buliidho omulimo gwa Musengwa waife nga mwidhi nti ghazira kye mufaabiikanira Musengwa kifa busa.

2 Ab'e Korintho 8:16

Katonda yeekaza, eyagha Tito omwoyo ogubalumirwa ng'ogwaife.

Abaheburayi 13:21

abaghe kiisi kikalamu kyonakyona kye mwetaaga okukolanga by'ayenda. Katonda oyo atukozese by'asiima mu Yesu Kurisito, agheebwe ekitiisa, ebyanda n'ebyanda. Amiina.