Haggai 1:13 - Baibuli Ekibono kya Katonda 2014

¹³ Haggai oyo yaakobera abantu obukwenda bwa Musengwa Katonda ati: “Musengwa Katonda akoba ati, ‘Ndidha kubanga ghalala n'imwe.’ ”

Haggai 1:13 ပူးပေါင်းရင်းမြစ်များ

1 Ebyomubyanda 28:20

Agho Daudi yaakoba mutabane we Solomoni ati: “Guma omwoyo obe mumalirivu, okole omulimo ogwo. Otatyanga era otawangamu maani, kuba Musengwa Katonda wange ali ghalala n'iwe. Talikuvaaku, waire okukulekulira agho, aidha kubanga ghalala n'iwe akusobozese okumaliriza omulimo gwonagwona ogw'okukola ku isinzizo lye.

2 Ebyomubyanda 15:2

Azaria oyo yaaja ewa Asa, yaamukoba ati: “Isebantu kyabazinga, mpulirisa. N'imwe ab'ekika kya Yuda n'ab'ekya Benjamini, mumpulirise. Musengwa Katonda ali ghalala n'imwe, kasita mwena ni muba aghalala naye. Bwe mumunoonia, musobola okumuzuula, aye bwe mumuvaaku, nga yeena abalekulira agho.

2 Ebyomubyanda 20:17

Tikiidha kubeetaagisa imwe kulwana lutalo luno. Imwe mwetegeke, mwemerere bwemerere, olwo mubone obughanguzi Musengwa Katonda bw'anaabagha. Imwe abantu ab'omu Buyudaaya n'ab'omu Yerusalemu, mutatya era mutawaamu maani. Olwaidho imwe muje mubalumbe, Musengwa Katonda aidha kuba ghalala n'imwe.”

2 Ebyomubyanda 32:8

Mwene ali na igye lya bantu buntu, aye ife tuli ni Musengwa Katonda waife, nga n'atubeera era nga n'atulwaniragho entalo dhaife.” Agho abantu bairamu amaani olw'ebyo kyabazinga Hezekia owa Buyudaaya bye yabakoba.

Zabbuli 46:11

Musengwa Katonda afuga amagye ali n'ife; Katonda wa Yakobo n'omukuumi waife.

Zabbuli 46:7

Musengwa Katonda Afuga Amagye ali n'ife; Katonda wa Yakobo n'omukuumi waife.

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Isaia 42:19

Naani omutulu okusinga omugheereza wange? Oba naani eyasemba amatu okusinga omukwenda wange ye ntuma?

Isaia 43:2

Bw'olibita mu maadhi agenda okukumira, ndiba ghalala n'iwe. Ni bwe galiba ag'emiiga tigalikweyaagho. Ni bw'olibita mu muliro tigulikwokya, ezira kabi kalikutuukaku;

Isaia 44:26

Aye nkakasa ebyo omugheereza wange by'ayogera, naatuukiriza omukwenda wange oyo by'alangirira. Ekibuga Yerusalemu nkikakasa nga bwe kiidha okubangamu abantu, n'ebibuga bya Buyudaaya ebyayonoonebwa naabikakasa nga bwe birizimbibwa obuyaaka.

Yeremia 15:20

Ndidha kukufuula obe ye bali ng'oti kimante ekigumu eky'ekyuma eky'ekikomo. Balikulwanisa aye tibalikughangula, kuba ndidha kubanga ghalala niiwe okukukuuma n'okukuwonia ebizibu.

Yeremia 20:11

Aye iwe Musengwa Katonda oli ku luuyi lwange, era oli ng'oti mulwani wa maani atatuukikaku. Abo abankiriga tibaidha kumpangula. Baidha kuswala ebitaloodheka, kuba tibaidha kunsobola. Era okuswala kwaibwe okwo, abantu tibalikwerabira byanda na byanda.

Yeremia 30:11

Ndi ghalala n'imwe era ndidha kubalokola. Ndidha kuzikiriza amaghanga goonagoona ye nabasansaaniza. Aye imwe tija kubazikiriza. Waire nga tija kubaleka buleke agho nga tibabonereiza, aye era ndibabonereza ekigwaniire nga mbasaasira. Nze Musengwa Katonda, ninze nkobye.”

Ezekieli 3:17

“Iwe omuntu, nkutairegho obe omukuumi ow'abantu b'omu Isiraeli. Buli lw'onaawuliranga bye nkoba, ng'olwo oja obatuusaaku okulabula kwange kwe nnaabanga nkutumye.

Haggai 2:4

Aye iwe Zerubbabeli, n'iwe Yoshua mutabane wa Yehozadaki era omukulu wa bakabona, n'imwe abantu mwenamwena abali mu nsi eno, mutawaamu maani naire. Mukole bukole mulimo, kuba ndi ghalala n'imwe, nze Musengwa Katonda Afuga Amagye.

Malaki 2:7

kuba bakabona omulimo gwaibwe gwa kwegeresa magezi amatuufu agava ye nze Musengwa Katonda Afuga Amagye. Era abantu bandibairenga nga baja ye bakabona abo okugalagirwa bye nhenda bakole.

Malaki 3:1

Agho Musengwa Katonda Afuga Amagye yaabairamu ati: “Bona eno, ndituma omukwenda wange yantegekera engira mwe ndibita. Olwo Musengwa Katonda ye muli kwagala alibazinduukiriza nga timwetegeike, yaidha mu isinzizo lye. Era omukwenda oyo ye mwegomba okubona, aliidha yaalangirira endagaano yange.”

Matayo 1:23

“Bona, omughala omwegha aja kutoola enda azaale omwana wa bulenzi, era eriina balimweta Emmanueli”, ekitegeeza kiti: “Katonda ali n'ife.”

Matayo 18:20

kuba ababiri oba abasatu ghe beesololeza mu liina lyange, zeena mbaagho agho ghagati waibwe.”

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?

2 Ab'e Korintho 5:20

Kale tuli bakwenda ba Kurisito, Katonda b'abitamu okubeeta. Tubeeghembye mu liina lya Kurisito muganhe Katonda abaghe okwisania naye.

2 Timotheo 4:17

Aye Musengwa yali ninze, era yampa amaani naakobera mu bwidhuvu abamaghanga agandi ekibono kya Katonda, baakiwulira. Olwo yamponia okunsalira ogw'okufa.

2 Timotheo 4:22

Musengwa abe n'omwoyo gwo. Enkabi dha Katonda dhibe n'imwe mwenamwena.

Abalamuzi 2:1

Agho malaika wa Musengwa Katonda yaava e Giligali, yaaja e Bokimu. Yaakoba Abaisiraeli ati: “Nabatoola mu nsi Misiri, naabaleeta mu nsi ye nasuubiza badhaadha baimwe. Naakoba nti, ‘Tirimenhagho ndagaano ye nakola n'imwe.