Haggai 1:12 - Baibuli Ekibono kya Katonda 2014

¹² Agho Zerubbabeli mutabane wa Shealutieli era omufuzi wa Buyudaaya, ni Yoshua mutabane wa Yehozadaki era omukulu wa bakabona, n'abantu boonaboona abaira okuva mu bunhage e Babilonia, baakola ekyo Musengwa Katonda waibwe kye yabalagira. Baatya era baagondera obukwenda bwa Haggai omulanzi Musengwa Katonda ye yatuma.

Haggai 1:12 ပူးပေါင်းရင်းမြစ်များ

Amainhama 22:12

Yaamukoba ati: “Otaita mwisuka oyo oba okumukolaku akabi koonakoona. Mpegaano ntegeire ng'otya Katonda, kuba toonhimye mwana wo omulala bedengedenge.”

Ezera 10:18

Luno n'olukalala olw'abasaadha abaali babayiiza abakazi abamaghanga agandi: Mu bakabona mwalimu, Maaseia, Eliezeri, Yaribu, ni Gedalia nga ba ku nda ya Yeshua mutabane wa Yozadaki ni baganda be.

Ezera 5:2

Kale Zerubbabeli mutabane wa Shealutieli ni Yeshua mutabane wa Yozadaki, bairamu okuzimba eisinzizo lya Musengwa Katonda e Yerusalemu, nga bayambibwaku abalanzi abo bombi.

Zabbuli 112:1

Mwenamwena musaake Musengwa Katonda. Wa nkabi omuntu atya Musengwa Katonda, asangaalira okukola ng'ebiragiro bye bwebikoba.

Ensambo 1:7

Omuntu okuba n'obumanhi, asooka na kutya Musengwa Katonda. Abasiru banhooma amagezi era tibenda kugalagirwa.

Omulangirizi 12:13

Byonabyona bye nkobye obiwuliire. Kale ni tyanga Katonda era ogemenga amateeka ge, kuba eyo n'ensonga eyatondesa omuntu.

Isaia 1:19

Bwe munaabanga abagonvu era abawulize, mwidha kulyanga ku bibala ebirungi ebiva mu nsi yaimwe.

Isaia 50:10

Buli muntu ata mu Musengwa Katonda ekitiisa, era n'ajiira ku ebyo omugheereza wa Musengwa Katonda oyo by'akoba, ni bw'atambulira mu nzikiiza ng'azira kimulika, yeesigenga bwa Musengwa Katonda oyo, agumirenga ku Katonda oyo.

Haggai 1:1

Mu mwaka ogwokubiri nga Dario ni kyabazinga w'e Perusia, ku lunaku olusooka mu mwezi ogwomukaaga, Musengwa Katonda yaagha Haggai omulanzi obukwenda. Haggai oyo ng'ali n'okutwala obukwenda obwo abukobere Zerubbabeli mutabane wa Shealutieli era omufuzi wa Buyudaaya, ni Yoshua mutabane wa Yehozadaki era omukulu wa bakabona.

Haggai 1:14

Agho Musengwa Katonda yaata mu bantu abo boonaboona omwoyo ogwenda okukola. Omwoyo ogwo yaaguta mu Zerubbabeli mutabane wa Shealutieli era omufuzi wa Buyudaaya, ni mu Yoshua mutabane wa Yehozadaki era omukulu wa bakabona, ni mu bantu boonaboona abaira okuva mu bunhage. Baatoolera okukola ku isinzizo lya Musengwa Katonda Afuga Amagye Katonda waibwe,

Haggai 2:2

Yaakoba Haggai aje ye Zerubbabeli mutabane wa Shealutieli era omufuzi wa Buyudaaya, ni Yoshua mutabane wa Yehozadaki era omukulu wa bakabona, n'abantu boonaboona abaira okuva mu bunhage, abakobe ati:

Ebikolwa by'Abatume 9:31

Agho Ekikunsu eky'Abaikiriza mu Kurisito eky'omu Buyudaaya mwonamwona, Galilaaya ni Samaria, kyaba miraala. Ekikunsu eky'Abaikiriza mu Kurisito kyakakata nga kiisa mu Musengwa ekitiisa, era kyagazigha nga Mwoyo Mutukuvu bw'akiyamba.

Amateeka Agokubiri 31:12

Mwidha kusolozanga abantu boonaboona, abasaadha, n'abakazi, n'abaana abato, n'abasenze ababa mu bibuga byaimwe, bawulirenga era beegenga okutya Musengwa Katonda waimwe. Era beegenderezenga nga bagema Amateeka gano goonagoona n'okugatuukiriza.

Amateeka Agokubiri 31:13

Olwo ni, baidhukulu baimwe abatagawulirangaku, baghange okwega okutya Musengwa Katonda waimwe, enaku dhoonadhoona dhe mulimala mu nsi ye muli kuja okutwala nga musomoike omwiga Yorudani.”

Ab'e Kolosai 1:6

Amawulire gano agaabakoberwa era agaakoberwa ensi yoonayoona, galeese ebibala ng'oti ni bwe gabaire gakola mu imwe okuva ku lunaku lwe mwawulira era ni mumanha ekisa kya Katonda mu mazima.

Abaheburayi 12:28

Kale twebazenga olw'okufuna Obwakyabazinga obutatengeesebwa, era tusinzenga Katonda mu nsambo emusiimya, nga tumutaamu ekitiisa era nga tumutya