Habakkuku 3:9 - Baibuli Ekibono kya Katonda 2014

⁹ Wasowolayo akalaso mu kiruutu kyako, waakata ku kagugha nga weetegeike okulasa. Waayasamya ensi mwavaamu emiiga.

Habakkuku 3:9 ပူးပေါင်းရင်းမြစ်များ

Yobu 28:10

Batema emyole mu lubaale, baazuula amabaale ag'omughendo.

Zabbuli 105:41

Yakuba olubaale lwayawuka, mwafukumukamu amaadhi, gaakuuluula mu irungu ng'oti mwiga;

Zabbuli 143:6

Nze nsitulira y'oli emikono gyange naakusaba. Ng'eitaka eikalu bwe lyetaaga einho amaadhi, zeena ntyo bwe nhenda einho okuba gh'oli.

Okuvaayo 17:6

Nze ndidha kuba nga ndi eyo ku lusozi Horebu emberi waimwe. Oidha kukuba olubaale era amaadhi gaidha kuvaamu, abantu ge baghanga okunhwa.” Musa yaakola atyo ng'abakulu ab'ebikunsu mu Isiraeli babona.

Isaia 52:10

Musengwa Katonda alikozesa omukono gwe omutukuvu ogw'obuyinza, yaalokola abantu be ng'ensi yoonayoona eri kubona.

Okulira 2:4

Yadhuumuula akalaso ke n'omukono gwe omusaadha, yaakabalinzaamu ng'oti muzigu waibwe. Yaita abo boonaboona abaabeeyagazanga. Obusungu bwe bwabookya ng'oti muliro.

Habakkuku 3:11

Endhuba n'omwezi byayemerera, olw'obutangaavu obwavanga mu bulaso bwo nga buziinhuuka, n'olw'okumesunkana okw'eifumo lyo erimyansa.

Okubala 20:11

Era Musa yaagalula omukono yaakuba olubaale emikuzi ebiri n'omwigo gwe. Amaadhi amangi einho gaava mu lubaale olwo, abantu baanhwa n'ebyayo byaibwe.

1 Ab'e Korintho 10:4

era baanhwanga eky'okunhwa kirala eky'omwoyo. Baanhwanga ku lubaale olw'omwoyo olwatambulanga nabo, era olubaale olwo ni Kurisito.

Amateeka Agokubiri 32:23

Ndidha kubasindikiranga akabi buli kiseera. Ndidha kubakubanga obusaale bwange bubaweereku.