Habakkuku 3:6 - Baibuli Ekibono kya Katonda 2014

⁶ Bw'ayemerera ensi etengeeta; bw'alinga ku amaghanga ati, gadhugumira. Ensozi edh'emyaka n'emyaka dhimenhekamenheka dhaawaagho; obusozi obw'olubeerera budimira mu itaka bwabuliramu. Edho n'ensozi dhe yatambuliraku ebiseera eby'eira.

Habakkuku 3:6 ပူးပေါင်းရင်းမြစ်များ

Amainhama 49:26

Enkabi dha lata wo dhisingira irala enkabi edh'oku nsozi edh'olubeerera, n'ebirungi eby'oku busozi obutawaagho. Enkabi edho dhibenga ku mutwe gwa Yosefu, ku bisige by'oyo eyayawulwa ku baganda be.

Yobu 21:18

ni baba ng'oti bikaba ebifuuyibwa empewo, oba enkungu etwalibwa kiwunga?

Yobu 9:5

Asiguukulula ensozi ng'azira y'akobeireku, yaadhisaaniagho mu busungu bwe.

Zabbuli 103:17

Aye abo abatya Musengwa Katonda, Musengwa Katonda oyo abagonza obutalekera ebyanda n'ebyanda. Obutukuvu bwe abwoleka ense n'ense,

Zabbuli 104:32

Oyo alinga bulinge ku nsi yaadhugumira, ate yaagema bugeme ku nsozi dhaanioka omwosi.

Zabbuli 35:5

Malaika wa Musengwa Katonda k'abasindiikirize, babe ng'oti musinsi empewo gw'efuuwa obw'ere.

Zabbuli 68:16

Lwaki iwe olusozi oluli n'emitwe kamaala emigulumivu, olingirira n'ensaalwa olusozi Katonda lwe yeeroboza okubangaku? Bwenebwene Musengwa Katonda aja kubanga ku lusozi olwo ebyanda n'ebyanda.

Zabbuli 90:2

Ng'ensozi dhikaali kubaagho, era ng'okaali kutonda nsi n'ebirimu byonabyona, niiwe Katonda eyaligho, era alibaagho ebyanda n'ebyanda.

Zabbuli 97:5

Ensozi dhisaanuuka ng'oti muzigo aghaba Musengwa Katonda, oyo Musengwa Katonda afuga ensi yoonayoona.

Okuvaayo 15:14

Amaghanga gaabiwulira gaadhugumira olw'okutya. Abantu ab'omu Filisitia baalumwa emyoyo olw'okweraliikirira.

Okuvaayo 15:15

Ab'obuyinza ab'omu Edomu baatya inho; abafuzi ab'omu Moabu baatengera; abantu ab'omu Kanaani baazirika.

Okuvaayo 15:17

Obaleeta waabata ku lusozi lwo, ekifo Iwe Musengwa Katonda kye weerondera nga mw'onaabanga, eisinzizo iwe mwene lye wataagho.

Okuvaayo 19:18

Olusozi Sinai lwaidhula omwosi, kuba Musengwa Katonda yalwikaku ng'ali mu muliro. Era omwosi ogwaluvangaku okuja ghaigulu nga guli ng'oti n'oguva mu kifo aghookerwa ebiwumbe olusozi lwonalwona lwatengeeta bubi inho.

Okuvaayo 21:31

Ente bw'enaafulanga omwana ow'omuntu, omulenzi oba omughala, eiteeka lyene eryo n'erinaakozesebwanga.

Isaia 51:6

Mulinge ku igulu, mulinge ni ku nsi. Eigulu eryo liriwaagho ng'oti n'omwosi bwegubulagho, ensi yaakairigha ng'oti kivaalo, n'abagibaamu baafa ng'oti nsowera. Aye obulokozi bwange bwe ndeeta bwidha kubangagho byanda na byanda, mbawonienga aghazira kukoma.

Isaia 51:8

kuba baliwaagho ng'oti n'ekivaalo ekiriiriibwa ensiriri oba enseete. Aye obulokozi bwange bwe ndeeta bwidha kubangagho byanda na byanda, mbawonienga aghazira kulekera.”

Mika 5:8

Abaisiraeli abo abaliwonagho eyo mu maghanga, baliba ng'oti n'empologoma eri kuyiiga ensolo edh'omu nsiko mu kibira, oba eri kuyiiga entaama mu kyayiro. Kiisi y'etuukaku egituumiraku yaagikankanula nga ghazira isuubi lyonalyona lya kuwona.

Nahumu 1:5

Musengwa Katonda gh'aba, musisi atengeesa ensozi enene, obusozi obutono bwasaanuuka, ensi yoonayoona yeesunda, n'abantu baamu boonaboona baadhugumira.

Habakkuku 1:12

Wo Musengwa Katonda wange, oli Katonda okuva eira n'eira. Oli Mutukuvu ow'ebyanda n'ebyanda. Wo Musengwa Katonda, niiwe olubaale mwe twewogoma era niiwe walonda Abababilonia, waabafuula ba maani era waabagha okutubonereza.

Habakkuku 3:10

Ensozi dhaakubona dhaatengeeta; amaadhi ag'amaani gaayuyika. Amaadhi ag'enhandha gawolomboka era geefuukuula inho.

Matayo 24:35

Eigulu n'ensi biriwaagho aye ebibono byange tibiriwaagho.

Luka 1:50

Ekisa kye ku bamutya kirigho ku nse n'ense.

Ebikolwa by'Abatume 17:26

Mu muntu omulala Katonda ye yatonda, n'omwava amaghanga goonagoona ag'abantu agabunia ensi. Yasooka okubateeragho ebiseera ebigere, n'ensalo edh'ebifo mwe banaabanga.

Amateeka Agokubiri 32:8

Oyo Ali Ghaigulu Yeene yagabira amaghanga obutaka bwago, bwe yayawulamu abantu. Yaabateeragho ensalosalo ng'ajiira ku mughendo gw'abaana ba Katonda.

Amateeka Agokubiri 33:15

Kibenga n'amakungula amalungi agava ku nsozi edh'eira, era kibenga n'ebirungi kamaala ebiva ku busozi obutawaagho.

Abaheburayi 13:8

Yesu Kurisito nga bwe yali olwaidho, bw'ali n'olwaleero, era bw'aliba ebyanda n'ebyanda.

Yoshua 10:42

Yoshua n'abasaadha be, baaghangula mu lulwana lulala bakyabazinga abo boonaboona, era baabatoolaku ebiketezo byaibwe. Kuba Musengwa Katonda wa Isiraeli, yalwanirira Isiraeli.

Abalamuzi 5:5

Musisi yatengeesa ensozi mu maiso ga Musengwa Katonda ow'e Sinai, Musengwa Katonda oyo Katonda owa Isiraeli.