Habakkuku 3:4 - Baibuli Ekibono kya Katonda 2014

⁴ Aidha kwidha ng'amyansa ng'oti lukuba; ng'okughemya okw'olukuba kuli kuva mu mukono gwe, omuli amaani ge.

Habakkuku 3:4 ပူးပေါင်းရင်းမြစ်များ

Nehemia 9:12

Omusana wabakulemberangamu ng'oli mu kire ekiri ng'oti mpango ate obwire waabanga mu muliro oguli ng'oti mpango, okubamuliikirira engira ye babe babitemu.

Yobu 26:14

Aye ebyo katundu butundu ak'ebintu by'akola. Era bye tumuwuliraku n'ebitono einho. Obukumu bwe obw'amaani bw'ali nabwo naani asobola okubutegeera?”

Zabbuli 104:2

weebwika obutangaavu ng'oti kivaalo, era waayandhuluza eigulu ng'oti weema.

Zabbuli 18:12

Mu bimyanso ebyali agho, mwavaamu omugozi n'amanda agaliku enimi edh'omuliro, byaghaguza byabita mu bire eby'amaadhi agazigwire.

Okuvaayo 13:21

Musengwa Katonda yaabayambanga basobole okutambula omusana n'obwire: omusana yabakulemberangamu ng'ali mu kire ekiri ng'oti mpango okubooleka engira ye babe babitemu, ate obwire yaabanga mu muliro oguli ng'oti mpango okubamuliikirira.

Okuvaayo 14:20

agho kyaba nga kiri ghagati gh'Abaisiraeli n'Abamisiri. Ekire ekyo kyakolera Abamisiri enzikiiza, aye kyagha Abaisiraeli obutangaavu. Obwire obwo bwabita nga ebikunsu byombi tibituukagaineeku.

Ensambo 18:10

Musengwa Katonda ali ng'oti n'ekisenge ekigumu, abakola ebituufu mwe balumukira okuwona ebizibu.

Ezekieli 1:27

Okuva aghaaboneka ng'oti n'enkende ye okuja ghaigulu, yali amesunkana ng'oti n'ekyuma eky'ekikomo ekizigule era ng'ali ng'oti omuliro gumwezungulwire yeenayeena. Ate okuva aghaaboneka ng'oti n'enkende ye okwika ghansi, ng'ali ng'oti ali mu muliro era ng'obutangaavu bumwezungulwire yeenayeena,

Ezekieli 43:2

Okuja okulinga nti nga mbona okumesunkana okw'ekitiisa kya Katonda wa Isiraeli, nga kuli kuva e buvandhuba. Yaidha n'omuvuuma nga guli ng'oti mpiriito ya maadhi, ensi yaayakaayakana olw'ekitiisa kye.

Matayo 17:2

Agho yaafuuka obundi nga babona, amaiso ge gaayaka oti ndhuba, n'ebivaalo bye byayakaayakana oti musana.

1 Timotheo 6:16

Ni yenka atafa era aba mu butangaavu obutaseetekaku, ghazira yaali amuboine, era ghazira aghanga kumubona. Aisibwengamu ekitiisa era afugenga ebyanda n'ebyanda. Amiina.

Okwolekebwa 21:23

Era ekibuga ekyo tikyetaaga ndhuba, waire mwezi kukyakira, kuba ekitiisa kya Katonda n'obutangaavu bwakyo, era Entaama Ento n'entaala yaakyo.

Okwolekebwa 22:5

Obwire tibuliiramu kuziba, era tibalyetaaga butangaavu bwa ntaala oba obw'endhuba. Kuba Musengwa Katonda n'anaabanga obutangaavu bwaibwe, era balifuga ebyanda n'ebyanda.