Habakkuku 3:3 - Baibuli Ekibono kya Katonda 2014

³ Katonda aidha kwidha kabiri ng'ava e Temani eky'omu Edomu; Omutukuvu oyo aidha kuviira ku nsozi edh'e Parani. Okumesunkana kwe kuja kumaamira eigulu lyonalyona, n'ensi yoonayoona emusaake.

Habakkuku 3:3 ပူးပေါင်းရင်းမြစ်များ

Amainhama 21:21

Yaabanga mu irungu ery'e Parani, era inhina yaamufunira omukazi Omumisiri.

Amainhama 36:11

Batabane ba Elifazi ni bano: Temani, Omari, Zefo, Gatamu ni Kenazi.

1 Bakyabazinga 11:18

Baava mu Midia, baaja e Parani baatoolayooku abasaadha be baaja nabo e Misiri. Agho baatuuka ye kyabazinga w'e Misiri, yaagha Hadadi ekibandha n'endhu, era yaamughanga n'ensako kwe yalyanga.

Zabbuli 113:4

Musengwa Katonda n'afuga amaghanga goonagoona, n'ekitiisa kye kisinga n'eigulu.

Zabbuli 148:13

Boonaboona ka basaake eriina lya Musengwa Katonda, kuba eriina lye n'erisinga agandi goonagoona obukologho; ekitiisa kye kiri ghaigulu okusinga ensi n'eigulu.

Zabbuli 3:2

Abantu kamaala bankoba mbu iwe Katonda tolimbeera.

Zabbuli 3:4

Ndheta Musengwa Katonda n'amaani goonagoona, yeena yanvugira ng'ali ku lusozi lwe olutukuvu.

Zabbuli 4:4

Bwe musungughala, obusungu butabasindikanga mu kwona. Mwefumintirize ku kino mu myoyo gyaimwe, nga muli mu buliri mulambaire.

Zabbuli 48:10

Okuva ensi y'eva okutuuka y'ekoma, abantu boonaboona bakwidhi era bakusaaka. Obufuzi bwo buziramu kwekubira.

Zabbuli 68:17

Musengwa Katonda yaidha ku lusozi Sinai mu kifo ekitukuvu, ng'ali n'ebigaali bye eby'amaani eby'omu lutalo enkumi n'enkumi.

Zabbuli 9:16

Musengwa Katonda yeeyoleike ng'asala omusango mu butuufu, era abakozi b'ebibi beetegamu beene n'ebikolwa byaibwe byene.

Zabbuli 9:20

Wo Musengwa Katonda, baleetere okutya, bategeere nga bantu buntu.

Okuvaayo 20:18

Abantu boonaboona bwe baawulira okutyabuka okw'olukuba n'okuvuga okw'endeka, ni babona n'okumyansa okw'olukuba, n'olusozi nga luli kunioka omwosi, baatya inho baadhugumira era baayemerera ere ghalaku.

Isaia 31:1

Bakagwireku abo abaja e Misiri okufunayo obuyambi, abeesiga embalaasi dhaayo, ni beesiga n'abavuzi baadho olw'okuba ab'amaani, era ni beesiga n'ebigaali byayo eby'omu lutalo olw'okuba ebingi einho. Aye ni baaloba okwesiga Musengwa Katonda Omutukuvu wa Isiraeli, waire okumwebuuzaaku abayambe!

Isaia 6:3

Buli kitonde kyali nga kiri kukoba kiinaakyo kiti: “Musengwa Katonda Afuga Amagye mutukuvu, mutukuvu, mutukuvu. Ekitiisa kye kibunie ensi yoonayoona.”

Isaia 64:3

Olundi, bwe waika n'okola ebitiisa bye twali titusuubire, ensozi dhaatengeetera mu maiso go.

Yeremia 49:7

Bino Musengwa Katonda Afuga Amagye bye yakoba ku nsi Edomu, ati: “Abantu ab'omu Temani eky'omu nsi Edomu tibakaalimu magezi? Abawi b'amagezi tibakaabakobera kya kukola? Obwo amagezi gabaweereiremu irala?

Ezekieli 43:2

Okuja okulinga nti nga mbona okumesunkana okw'ekitiisa kya Katonda wa Isiraeli, nga kuli kuva e buvandhuba. Yaidha n'omuvuuma nga guli ng'oti mpiriito ya maadhi, ensi yaayakaayakana olw'ekitiisa kye.

Amosi 1:12

Kale nja kusindika omuliro gwokye ekibuga Temani, era gusenkeenhe ebifo byonabyona eby'okwewogomamu ebiri e Bozira.”

Obadia 1:9

Abalwani ab'omu Temani baja kutya badhugumire, era kiisi mulwani wa Edomu yeenayeena aja kwitibwa.”

Habakkuku 2:14

Aye ensi eja kwidhula abantu abaidhi ekitiisa kya Musengwa Katonda ng'oti n'enhandha bw'eidhula amaadhi.

Okubala 10:12

Abaisiraeli baatoolera olugendo mu bikunsu okuva mu irungu ery'e Sinai. Ekire ekyo kyaja kyayemerera mu irungu ery'e Parani.

Amateeka Agokubiri 33:2

Yakoba ati: “Musengwa Katonda yava ku lusozi Sinai, yaavaayo ng'oti ndhuba ku Edomu yaatwakira, yaayaka ng'ava ku lusozi Parani, ng'ali ghalala n'omutwalo mulala ogwa bamalaika, ng'ali n'omuliro ogwaka ku luuyi lwe olw'omukono omusaadha.

Amateeka Agokubiri 5:24

Mwakoba muti, ‘Musengwa Katonda waife atwoleike ekitiisa kye n'obukulu bwe. Tuwuliire amamiro ge nga gaviira mu muliro ghagati. Olwaleero tuboine nga Katonda ayogera n'omuntu, aye omuntu yaasigala ng'akaali mulamu.

1 Samueli 25:1

Agho Samueli yaafa. Abaisiraeli boonaboona beesoloza okumulira, baamuziika mu maka ge e Rama. Ebyo olwawa, Daudi yaasitula, yaaja mu irungu ery'e Parani.